శ్రీమద్భగవద్గీత - 542: 14వ అధ్., శ్లో 18 / Bhagavad-Gita - 542: Chap. 14, Ver. 18

 

🌹. శ్రీమద్భగవద్గీత - 542 / Bhagavad-Gita - 542 🌹

✍️. శ్రీ ప్రభుపాద, 📚. ప్రసాద్ భరద్వాజ

🌴. 14వ అధ్యాయము - గుణత్రయ విభాగ యోగము - ప్రకృతి త్రిగుణములు - 18 🌴

18. ఊర్థ్వం గచ్చన్తి సత్త్వస్థా మధ్యే తిష్ఠన్తి రాజసా: |
జఘన్యగుణవృత్తిస్థా అధో గచ్ఛన్తి తామసా: ||


🌷. తాత్పర్యం : సత్త్వగుణము నందున్నవారు క్రమముగా ఊర్థ్వలోకములకు ఉద్ధరింపబడుదురు. రజోగుణము నందున్నవారు భూలోకమునందు నివసింతురు. హేయమైన తమోగుణము నందున్నవారు నరకలోకములకు పతనము చెందుదురు.

🌷. భాష్యము : త్రిగుణములయందలి కర్మల వలన కలిగెడి ఫలితములు ఈ శ్లోకమున స్పష్టముగా వివరింపబడినవి. స్వర్గలోక సమన్వితమైన ఊర్థ్వగ్రహమండల మొకటి కలదు. ఆ లోకములందు ప్రతియొక్కరు ఉదాత్తులై యుందురు. జీవుడు తాను సత్త్వగుణమునందు పొందిన పురోగతి ననుసరించి అట్టి గ్రహమండలమందలి వివధలోకములకు ఉద్ధరింపబడుచుండును. ఆ లోకములలో బ్రహ్మలోకము (సత్యలోకము) అత్యంత ఉన్నతమైనది. అచ్చట విశ్వములో ముఖ్యుడైన బ్రహ్మదేవుడు నివసించును. బ్రహ్మలోకమందలి అధ్బుతమైన జీవనస్థితి పరిగణనకు అతికష్టమైనది ఇదివరకే మనము గాంచియున్నాము. కాని అత్యంత ఉన్నతస్థితియైన సత్త్వగుణము ద్వారా అది ప్రాప్తించగలదు. రజోగుణము సత్త్వ, తమోగుణముల నడుమ యుండుటచే మిశ్రితమైనది. మానవుడు సదా పవిత్రుడై యుండజాలడు. ఒకవేళ అతడు పూర్తిగా రజోగుణమునందున్నచో భూమిపై రాజుగనో, ధనవంతుడుగనో జన్మను పొందుచుండును. కాని వాస్తవమునకు రజోగుణము నందును అతడు సర్వదా నిలువలేనందున పతనము చెందుటయు సంభవించును. రజస్తమోగుణ సమన్వితులైన భూలోకవాసులు యంత్రముల ద్వారా బలవంతముగా ఊర్థ్వలోకములను చేరజాలరు. అంతియేగాక రజోగుణమునందున్నవాడు తదుపరి జన్మమున బుద్ధిహీనుడగుటకును అవకాశము కలదు.

అధమమైన తమోగుణము అత్యంత హేయమైనదిగా ఇచ్చట వర్ణింపబడినది. అట్టి తమోగుణఫలితము మిక్కిలి ప్రమాదకరముగా నుండును గనుకనే అది ప్రకృతి యొక్క అధమగుణమై యున్నది. మానవుని స్థాయి క్రింద పక్షులు, మృగములు, సరీసృపములు, వృక్షములు మొదలగు ఎనుబదిలక్షల జీవరాసులు గలవు. జీవుని తమోగుణప్రాబల్యము ననుసరించి ఈ వివిధ హేయస్థితుల యందు అతడు ప్రవేశపెట్టబడుచుండును. ఈ శ్లోకమునందు “తామసా:” యను పదము ప్రధానమైనది. ఉన్నతగుణమునకు వృద్ధి చెందకుండా నిరంతరము తమోగుణమునందే కొనసాగుగారిని ఈ పదము సూచించును. అట్టివారి భవిష్యత్తు మిగుల అంధకారమయముగా నుండును.

🌹 🌹 🌹 🌹 🌹




🌹 Bhagavad-Gita as It is - 542 🌹

✍️ Sri Prabhupada, 📚 Prasad Bharadwaj

🌴 Chapter 14 - Gunatraya Vibhaga Yoga - Nature, 3 Gunas - 18 🌴

18. ūrdhvaṁ gacchanti sattva-sthā madhye tiṣṭhanti rājasāḥ
jaghanya-guṇa-vṛtti-sthā adho gacchanti tāmasāḥ


🌷 Translation : Those situated in the mode of goodness gradually go upward to the higher planets; those in the mode of passion live on the earthly planets; and those in the abominable mode of ignorance go down to the hellish worlds.

🌹 Purport : In this verse the results of actions in the three modes of nature are more explicitly set forth. There is an upper planetary system, consisting of the heavenly planets, where everyone is highly elevated. According to the degree of development of the mode of goodness, the living entity can be transferred to various planets in this system. The highest planet is Satyaloka, or Brahmaloka, where the prime person of this universe, Lord Brahmā, resides. We have seen already that we can hardly calculate the wondrous condition of life in Brahmaloka, but the highest condition of life, the mode of goodness, can bring us to this.

The mode of passion is mixed. It is in the middle, between the modes of goodness and ignorance. A person is not always pure, but even if he should be purely in the mode of passion, he will simply remain on this earth as a king or a rich man. But because there are mixtures, one can also go down. People on this earth, in the mode of passion or ignorance, cannot forcibly approach the higher planets by machine. In the mode of passion, there is also the chance of becoming mad in the next life. The lowest quality, the mode of ignorance, is described here as abominable. The result of developing ignorance is very, very risky. It is the lowest quality in material nature. Beneath the human level there are eight million species of life – birds, beasts, reptiles, trees, etc. – and according to the development of the mode of ignorance, people are brought down to these abominable conditions.

🌹 🌹 🌹 🌹 🌹


సిద్దేశ్వరయానం - 82 Siddeshwarayanam - 82


🌹 సిద్దేశ్వరయానం - 82 🌹

💐 శ్రీ సిద్దేశ్వరానంద భారతీ స్వామి విరచిత 💐

🏵 కొండమీది దేవళము 🏵


శివచిదానందసరస్వతీస్వామి తన దేశ సంచారంలో ఒకసారి ద్రవిదాంధ్ర మధ్య ప్రాంతంలో ఒక కొండమీది గుడి దగ్గరికి వెళ్ళారు. ఇది ఒక అమ్మవారి దేవాలయం. జనమెవ్వరూ లేరు. గర్భగుడిలో నుండి మధ్య వయస్కుడైన ఒక యోగి బయటకు వచ్చాడు. మౌనస్వామికి స్వాగతం చెప్పాడు. స్వాగతం చెప్పి ఆతిథ్య మర్యాదలు జరిపిన తరువాత ఇద్దరూ సుఖాసీనులైనారు.

యోగి : శివ చిదానందా! చతురగిరి సిద్ధుని ప్రేరణ వల్ల మీరిక్కడికి రావడం జరిగింది. సిద్ధ పురుషులైన మీరాక నాకెంతో సంతోషం కల్గిస్తున్నది.

శివచిదానంద : యోగీశ్వరా ! ఏదో ప్రబలమైన శక్తి నన్నిక్కడికి ఆకర్షించింది. ఈ కొండగాని, ఈ అడవి కాని, ఈ గుడికాని పరిచితమైనవి కావు. ఈ కీకారణ్యంలో ఇక్కడ ఒక గుడి ఉన్నట్లు కూడా ఎవరికీ తెలియదు ఏదో అంతరమైన ఆదేశం వల్ల నేనిక్కడికి వచ్చాను. మీరెవరో తెలుసుకోవాలని ఉంది.

యోగి : స్వామీ! మీరు సన్యాసులు. నేను యతిని కాదు. సంప్రదాయాన్ని అనుసరించి మీరు నాకు పూజ్యులు, మనది సిద్ధాశ్రమబంధం. నేను మిమ్ము చాలా పూర్వం నుండీ ఎరుగుదును. హిమాలయాలలో కైలాస శిఖర ప్రాంతంలోని ఒక ఆశ్రమ గుహలో మీరు వజ్రేశ్వరీ సాధన చేయడం నేనెరుగుదును. సిద్ధ గురువుల ఆదేశం వల్ల మీరు ఆ శరీరాన్ని విడిచి మళ్ళీ జన్మ ఎత్తారు. పూర్వమిత్రుల సహకారం వల్ల పరమ గురువుల అనుగ్రహం వల్ల మీకు పూర్వస్ఫురణ దివ్య శక్తులు లభించినవి. తెలుగుదేశంలో పుట్టి హిమాలయాలకు వెళ్ళి అక్కడి అనుబందాలను పునర్నిర్మించుకొని తపస్సు చేసి సద్గురువుల కరుణను పొంది వారి ఆదేశంపై మీరు ఈ ధరణీ పీఠంలో త్రికూటాచల క్షేత్రంలో నివసిస్తున్నారని నాకు తెలుసు. చతురగిరి సిద్ధుని సందేశం, మీతో ఉన్న అనుబంధంతో మిమ్ము చూడాలనిపించి ఇక్కడకు వచ్చేలా సంకల్పించాను. దాని ఫలితమే ఈ సమాగమము.

శివచిదానంద : సిద్ధపురుషా ! మీరు కాళీ మంత్ర సిద్ధులని, కాళీమాత సాక్షాత్తుగా విగ్రహ రూపంలో మీకోసం అవతరించిందని విన్నాను. ఆ విగ్రహాన్ని గురించి విశేషాలు వినాలని ఉన్నది. అంతేకాక మీ వయసు కొన్ని వందల సంవత్సరాలని చతురగిరి సిద్ధుని ద్వారా విన్నాను. వాటిని గురించి మీరు చెపితే వినాలని కోరుతున్నాను.

యోగి : స్వామి అచ్యుతానంద దగ్గరకు మీరు వెళ్ళినపుడు ఒక వ్యక్తి వయస్సు ఎంత అనేది ఎలా నిర్ణయించడమో మీరు విన్నారు. శారీరకంగా మీకంటే కొంత పెద్దవాణ్ణి. కానీ పూర్వస్ఫురణ ఉండటం వల్ల వందల ఏండ్లని అనుకోవలసి వస్తుంది. షుమారు 400సంల క్రింద నేను హిమాలయాలలో తపస్సు చేస్తున్నప్పుడు నాయందు కరుణ కలిగి కాళీదేవి విగ్రహ రూపంలో అవతరించింది. అది ప్రాణం గల్గిన విగ్రహం. కృష్ణశిలా మూర్తియై జీవలక్షణాలు మూర్తీభవించిన ఆకృతి. ఆమెను మూడు వందల సంలపాటు ఆనాడు సేవించాను. ఆ తర్వాత శరీరపతనం జరిగి మళ్ళీ ఈ దేహం ధరించాను, అంతకుముందు కొన్నాళ్ళు బృందావనంలో ఉన్నాను.

కృష్ణచైతన్య మహాప్రభువు భక్తుడైన రూపగోస్వామి నాకు చాలా ఆప్తుడు. ఆయన ఆశ్రమంలో కొన్నాళ్ళు కాళిని పూజిస్తూ ఉన్నాను. ఆ రోజులలో అక్కడికి వచ్చే సిద్ధులలో ఒకరు ఆకాశగమనాది శక్తులు కల్గిన కాళీభక్తుడు. తరువాత ఈకాలంలో రామకృష్ణపరమహంసగా జన్మించాడు. రూపగోస్వామి మాత్రము బృందావన ధామములోనే రాధాదేవి సఖీమండలంలో చేరి ఉన్నాడు. ఆ తర్వాత ఆ విగ్రహాన్ని కొన్నాళ్ళు కాశీవాసియైన దీర్ఘజీవి త్రైలింగస్వామి సేవించాడు. ఆ పిమ్మట పరమ హంసకు తాంత్రిక సాధనలు నేర్పిన భైరవీబ్రాహ్మణి కొన్నాళ్ళు పూజలు జరిపింది. ఆ తర్వాత పరంపరగా శిష్యులు సాధకులు పూజిస్తూ వచ్చారు. అది ప్రస్తుతం ఒరిస్సాలోని భువనేశ్వర ప్రాంతపు అడవులలో రహస్యంగా తీవ్రసాధకులచే పూజలందుకుంటున్నది. అక్కడికి అప్పుడప్పుడు నేను వెళ్తున్నాను.

శివచిదానంద : ఈసారి మీరు వెళ్ళేటప్పుడు నేను కూడా వస్తాను. ఆ దేవిని చూడాలని నాకు కూడా కోరికగా ఉన్నది. అంతేకాదు కుర్తాళంలోని మా ఆశ్రమానికి కూడా మీరొకసారి రావాలి.

యోగి : ఈరెండూ భవిష్యత్లో జరుగవలసినవే. ఎందుకంటే ఈ శరీరంలో కూడా నేనెక్కువగాలం ఉండబోవడం లేదు. కపాలేశ్వర కాళిదాస్ అనే శిష్యునకు ఆ విగ్రహాన్ని అప్పగించి నేను త్వరలో ఈ దేహాన్ని త్యాగం చేస్తాను. మళ్ళీ జన్మలో నేను పెరిగి పెద్దవాడిని అయ్యేదాకా ఇంచుమించు వందసంవత్సరాల పాటు అతడా విగ్రహాన్ని పూజిస్తుంటాడు. ఆ తరువాత ఆంధ్రదేశంలోని గుంటూరు అనే పట్టణంలో ప్రసాదరాయకులపతి అనే పేరుతో ఉండే నా దగ్గరకు ఆకాశమార్గంలో పంపిస్తాడు. ఆ కాళీదేవి పునరాగమనం తర్వాతనే మనం కలుసుకుంటాము.

🍀🍀🍀

శివచిదానంద : అప్పటిదాకా నేనూ ఈ భౌతిక శరీరంతో ఉండకపోవచ్చు కదా !

యోగి : నిజమే ! ఉండరు. కానీ అభౌతికమైన సిద్ధశరీరంతో మీరలు ప్రకాశిస్తూనే ఉంటారు. హిమాలయాలలో మీరు సాధించిన సిద్ధేశ్వరీదేవి పేరుతో మీరు ఒక పీఠాన్ని స్థాపిస్తారు. మీ తరువాత ముగ్గురు పీఠాధిపతులు పరిపాలించిన పిదప నేను కుర్తాళం వచ్చి మీ పీఠాన్ని స్వీకరిస్తాను. మీరు స్థాపించిన సిద్ధశక్తి కేంద్రాన్ని అభివృద్ధి చేసి సిద్ధమండల గురువులకు సంతృప్తి కలిగిస్తాను.

మీరు అప్పుడు నాతో ఉండి మార్గదర్శనం చేస్తూ గురువుల ఆదేశాన్ని విజయవంతం చేయాలి.

శివచిదానంద : శివేచ్ఛ అలా ఉంటే అలాగే జరుగుతుంది. మీరన్నట్లు భౌతిక శరీరాలు వాటి ఆయువులు మన అనుబంధానికి అడ్డంకావు.

యోగి : సిద్ధేశ్వరియైన కాళి మనలను అనుగ్రహించును గాక!


( సశేషం )

🌹🌹🌹🌹🌹




శ్రీ లలితా చైతన్య విజ్ఞానము - 548 - 2 / Sri Lalitha Chaitanya Vijnanam - 548 - 2


🌹. శ్రీ లలితా చైతన్య విజ్ఞానము - 548 - 2 / Sri Lalitha Chaitanya Vijnanam - 548 - 2 🌹

🌻. లలితా సహస్ర నామముల తత్వ విచారణ 🌻

✍️. సద్గురు శ్రీ కంభంపాటి పార్వతీ కుమార్

సేకరణ : ప్రసాద్ భరద్వాజ

🍁. మూల మంత్రము : ఓం ఐం హ్రీం శ్రీం శ్రీమాత్రే నమః 🍁

🍀 112. విమర్శరూపిణీ, విద్యా, వియదాది జగత్ప్రసూః ।
సర్వవ్యాధి ప్రశమనీ, సర్వమృత్యు నివారిణీ ॥ 112 ॥ 🍀

🌻 548. 'విమర్శరూపిణీ’ - 2 🌻

ఉదాహరణకు విద్యుత్తును చూడలేము. అది ప్రకాశించి నపుడు విద్యుత్తు నెరుగుచున్నాము కదా! అట్లే ఆకాశమును తెలియలేము కాని అందుండి పుట్టు వాయువును తెలియుచున్నాము కదా! వాయువును, శ్రీమాతను ప్రత్యక్ష బ్రహ్మలందురు. వీని వలన పరోక్షమగు విషయము తెలియుచున్నది. శ్రీమాత వలననే బ్రహ్మము తెలియనగును. మరియొక మార్గము లేదు, మరియొక ఉపాయము లేదు. మనయందలి విమర్శనాశక్తి శ్రీమాతయే. విమర్శ వలన కలిగిన ప్రకాశముతో కర్తవ్యము నెరిగి ప్రవర్తింపవచ్చును. ఆత్మ విమర్శ స్వయం విమర్శ లేనివారు గ్రుడ్డివారై చతికిల పడుచుండుట ప్రపంచమున చూచుచున్నాము కదా!


సశేషం...

🌹 🌹 🌹 🌹 🌹




🌹 Sri Lalitha Chaitanya Vijnanam - 548 - 2 🌹

Contemplation of 1000 Names of Sri Lalitha Devi

✍️ Prasad Bharadwaj

🌻 112. Vimarsharupini vidya viyadadi jagatprasuh
sarvavyadhi prashamani sarvamrutyu nivarini ॥112 ॥ 🌻

🌻 548. 'Vimarsharupini' - 2 🌻


For example electricity cannot be seen. When it shines in the form of light, we are seeing electricity! We do not know the sky, but we know the air that comes from it! Air and Srimata are known as manifested brahman. Because of them an indirect concept is known. Brahma is known only through Srimata. There is no other way, no other option. Shrimata is the ability that is in us to reflect. Duty can be performed by the brightness achieved through reflection. We see in the world those who do not have self-reflection going about blind and squatting away!


Continues...

🌹 🌹 🌹 🌹 🌹