శ్రీ లలితా చైతన్య విజ్ఞానము - 303-1 / Sri Lalitha Chaitanya Vijnanam - 303 -1

🌹. శ్రీ లలితా చైతన్య విజ్ఞానము - 303-1 / Sri Lalitha Chaitanya Vijnanam - 303 -1🌹

సహస్ర నామముల తత్వ విచారణ

✍️. సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ

మూల మంత్రము :

🍁. ఓం ఐం హ్రీం శ్రీం శ్రీమాత్రే నమః 🍁

🍀 70. నారాయణీ, నాదరూపా, నామరూప వివర్జితా ।
హ్రీంకారీ, హ్రీమతీ, హృద్యా, హేయోపాదేయ వర్జితా ॥ 70 ॥ 🍀

🌻 303-1.'హృద్యా' 🌻

హృదయము లందు నివసించునది శ్రీలలిత అని అర్థము. శ్రీమాత హ్రీంకారిగ, హ్రీమతిగ హృదయమున నివసించును. అనగ బంగారు కాంతిగ గోచరించును. హృదయము బుద్ధిలోకమునకు కేంద్రము. మనో లోకమున జీవించు మానవులు బుద్ధిలోకము నందు ప్రవేశించుటకు, బుద్ధిలోకము నందు ప్రవేశించిన వారికి ప్రేమానందము కలిగించుటకు హిరణ్యవర్ణములో అచ్చట నివసించు చుండును.

రమణీయమగు దృశ్యములు చూచినప్పుడు, ఆనందము కలుగు సన్నివేశము లేర్పడినపుడు మానవుడు పొందు స్ఫూర్తి హృదయము నందే పొందును. హృదయము చేరినవారికి ఆనందమనగ నేమో తెలియును. అచ్చట స్థిరబడినవారు ఎప్పుడునూ ఆనందముగనే వుందురు. వారు మనస్సు, ఇంద్రియములు, భాషణము ఆధారముగ బాహ్యములోనికి చనుట కిచ్చగింపరు. కేవలము కర్తవ్యకర్మలు మాత్రమే నిర్వర్తించుచు హృదయమున చేరి హిరణ్యవర్ణమున సుఖింతురు.

మునులనగ యిట్టివారే. వారు సహజముగ హిరణ్య ప్రాకారములో నుందురు. కర్తవ్యము మేరకు బాహ్యములోనికి వ్యక్తమగు చుందురు. వీరి హృదయ మందు సతతముండునది శ్రీదేవి. హృదయము హృద్యమమైన విషయము. అనగా నిశ్చలమగు ప్రీతి నందించు స్థానము.


సశేషం...

🌹 🌹 🌹 🌹 🌹



🌹 Sri Lalitha Chaitanya Vijnanam - 303 🌹

1000 Names of Sri Lalitha Devi

✍️. Ravi Sarma
📚. Prasad Bharadwaj

🍀 70. nārāyaṇī nādarūpā nāmarūpa-vivarjitā |
hrīṁkārī hrīmatī hṛdyā heyopādeya-varjitā || 70 || 🍀

🌻 303. Hṛdyā हृद्या (303) 🌻

She resides in the heart. Soul is said to be in the centre of the heart. Heart also stands for compassion and love. Since She is the Divine Mother, these qualities are in built in Her. Or it could also mean that She is loved by everybody.

Katha Upaniṣad (II.i.13) says, “The thumb sized puruṣaḥ (soul) is seen as smokeless flame rests in the centre of the body.”


Continues...

🌹 🌹 🌹 🌹 🌹


22 Aug 2021

నిర్మల ధ్యానాలు - ఓషో - 62

🌹. నిర్మల ధ్యానాలు - ఓషో - 62 🌹

✍️. సౌభాగ్య
📚. ప్రసాద్ భరద్వాజ

🍀. పరమానందంగా వున్న మనిషి అపకారం చెయ్యడానికి అసమర్థుడు, పరమానందమే ధర్మము. పరమానందంగా వుండండి. అప్పుడు మీరేం చేసినా అది సరయిందే అవుతుంది. 🍀

పరమానందంగా వున్న మనిషి దేనికీ అపకారం తలపెట్టడు. తనకూ హాని తలపెట్టడు. యితరులకూ హాని తలపెట్టడు. అతను అపకారం చెయ్యడానికి అసమర్థుడు. బాధపడే మనిషి తప్పు చెయ్యడానికి సమర్థుడు. అతను తను మంచి చెయ్యాలని ప్రయత్నిస్తున్నట్లను కుంటాడు. అతను మంచి చెయ్యలేడు. అతని వుద్దేశం మంచిదయినా ఫలితం మంచిగా వుండదు.

అతను ప్రజల్ని ప్రేమిస్తున్నానను కుంటాడు. కానీ ప్రేమ పేరుతో అధికారం చెలాయిస్తాడు. అతను ప్రజలకు గొప్ప సేవకుడనుకుంటాడు. అతను కేవలం రాజకీయవాది. సేవద్వారా అధికారం చెలాయిస్తాడు. దురవస్థలో వున్న మనిషి మంచి చెయ్యడానికి అసమర్థుడు.

అందువల్ల నా మేరకు ధర్మమన్నది పరమానందం. పాపం అన్నది ఒక్క మాటలో చెప్పాలంటే దు:ఖం, బాధ. పరమానందమే ధర్మం. ఉత్సాహంగా వుండండి, పరమానందంగా వుండండి. నాట్యం చేయండి, గానం చేయండి. అప్పుడు మీరేం చేసినా అది సరయిందే అవుతుంది.


సశేషం ...

🌹 🌹 🌹 🌹 🌹


22 Aug 2021

దేవాపి మహర్షి బోధనలు - 130

🌹. దేవాపి మహర్షి బోధనలు - 130 🌹

✍️. సద్గురు కె. పార్వతి కుమార్
సేకరణ : ప్రసాద్ భరద్వాజ

🌻 107. స్వస్వరూప దర్శనము 🌻

మైత్రేయ మహర్షి జీవుని పునరుత్థానమునకే అవతరించి యున్నాడు. అతని బోధనలన్నియు జీవుడు తనకు తాను శాశ్వతుడనని, నశింపనివాడనని, జననమరణముల కతీతుడనని తెలియ చేయుటకే. అది అతని ప్రధాన కార్యక్రమము. తూర్పుదేశములందు యీ అవగాహన జీవతత్త్వమున యిమిడి యున్నది. అనుభూతియే యింకను కొదవ. దానికి యోగసాధనమే మార్గము.

అందుచే అతని అనుయాయులమైన మేము అందరమును పై విషయములు బోధించుచు, వివిధ యోగసాధనా మార్గముల నందించు చున్నాము. అష్టాంగయోగమునకు కూడ అతడే అధిపతి. భాగవత మార్గమున విశ్వప్రేమను రుచి చూపుటకు కూడ అతడే ఉపదేశకుడు. భూమిపై అయన జీవనము కేవలము మానవుల పునరుత్థానము కొరకే.

మైత్రేయమహర్షి జాతికి స్ఫూర్తినిచ్చు విషయమున నిర్విరామముగ కృషిచేయుచు, మావంటి వారిని ప్రతినిత్యము హెచ్చరిక చేయుచునుండును. ఆయనెపుడూ మాతో పలుకు వాక్యము “త్వర పడుడు, ఆలస్యము పనికి రాదు. ఆనందమందరికిని అందవలెను. కర్తవ్యమున ఏ మాత్రము అలసత్వముండరాదు.” ఆయన పలుకు నప్పుడు అహర్నిశలు కృషిచేయుచున్న మాకు కూడయింకను చేయ వలసిన పని చాల మిగిలి యున్నదనిపించును. ఆయన దర్శనము, వాక్కులు మాలోనికి చొచ్చుకొనిపోయి యినుమడించిన ఉత్సాహము ఏర్పడును.

ఆయనను గూర్చి స్మరించినప్పుడెల్ల నాకిట్లనిపించు చుండును. “ఈ మైత్రేయుని కెంత కరుణ! ఈ రోజుననే జాతి అంతయు మేల్కాంచి ఆనందమయ లోకములలో ప్రవేశింపవలెనని తపన చెందు చున్నట్లుగ గోచరించును. జగన్మాతకు ఎంత కరుణ కలదో, ఆ కరుణ అంతయు ఆయన చూపుల నుండి ప్రసరించి, మేల్కొనిన వారిని కూడ మరింత మేలుకొల్పును కదా! ఆయన కన్నులు అనిర్వచనీయ మగు కరుణాపూరితము !!

సశేషం...

🌹 🌹 🌹 🌹 🌹


22 Aug 2021

రక్షా రాఖీ పౌర్ణమి మరియు హయగ్రీవ జయంతి శుభాకాంక్షలు, శుభ ఆదివారం, మిత్రులందరికీ

🌹. రక్షా రాఖీ పౌర్ణమి మరియు హయగ్రీవ జయంతి శుభాకాంక్షలు, శుభ ఆదివారం, మిత్రులందరికీ 🌹

ప్రసాద్ భరద్వాజ

🍀. హయగ్రీవ స్తోత్రం 🍀

జ్ఞానానందమయం దేవం, నిర్మల స్ఫటికాకృతిమ్,
ఆధారం సర్వవిద్యానాం హయగ్రీవముపాస్మహే
స్వతస్సిద్ధం శుద్ధస్ఫటికమణిభూభ్రుత్ప్రతిభటం
సుధాసద్రీచీభిర్ద్యుతిరవదాత త్రిభువన
అనంతాయస్త్రయ్యంతై రనువిహిత హేషా హలహలం
హతాశేషా పద్యం హయవదమీడే మహి మహః
సమాహారస్సామ్నాం ప్రతిపదమృచాం ధామ యజుషాం
లయః ప్రత్యూహానాం లహరివితతిర్భోధజలధే:

ఓం లక్ష్మీహయవదన పరబ్రహ్మణే నమః

విక్రమ సంవత్సరం: 2078 ఆనంద
శఖ సంవత్సరం: 1943 ప్లవ
ఆయనం: దక్షిణాయణ, వర్ష ఋతువు
చాంద్రమానం: శ్రావణ మాసం
తిథి: పూర్ణిమ 17:33:51 వరకు తదుపరి కృష్ణ పాడ్యమి
శ్రావణ - పౌర్ణమాంతం
అధిక మాసం: లేదు
పక్షం: శుక్ల-పక్ష
నక్షత్రం: ధనిష్ట 19:41:59 వరకు తదుపరి శతభిషం
యోగం: శోభన 10:33:10 వరకు తదుపరి అతిగంధ్
కరణం: విష్టి 06:13:26 వరకు
వర్జ్యం: 00:15:00 - 01:48:12 మరియు
26:47:48 - 28:22:52
దుర్ముహూర్తం: 16:56:17 - 17:46:44
రాహు కాలం: 17:02:35 - 18:37:11
గుళిక కాలం: 15:28:00 - 17:02:35
యమ గండం: 12:18:49 - 13:53:24
అభిజిత్ ముహూర్తం: 11:53 - 12:43
అమృత కాలం: 09:34:12 - 11:07:24
పండుగలు : శ్రావణ పౌర్ణమి, రక్షా బంధన్‌,
గాయత్రి జయంతి, హయగ్రీవ జయంతి,
సూర్యోదయం: 06:00:27
సూర్యాస్తమయం: 18:37:11
వైదిక సూర్యోదయం: 06:04:02
సూర్యాస్తమయం: 18:33:35
చంద్రోదయం: 18:49:55
చంద్రాస్తమయం: 05:36:38
సూర్య సంచార రాశి: సింహం,
చంద్ర సంచార రాశి: మకరం
ఆనందాదియోగం:
మతంగ యోగం - అశ్వ లాభం 19:41:59
వరకు తదుపరి రాక్షస యోగం - మిత్ర కలహం

🌹🌹🌹🌹🌹

Join and Share 

🌹. చైతన్య విజ్ఞానం Spiritual wisdom FB Telegram groups 🌹

https://t.me/ChaitanyaVijnanam

https://t.me/Spiritual_Wisdom 

www.facebook.com/groups/chaitanyavijnanam/ 

https://pyramidbook.in/Chaitanyavijnanam

🍀🌹🍀🌹🍀🌹🍀🌹🍀🌹 

🍀🌹🍀🌹🍀🌹🍀🌹🍀🌹

🌹.నూతన యజ్ఞోపవీత ధారణ విధానము🌹

🍀. జంధ్యాల పౌర్ణమి శుభాకాంక్షలు 🍀

.

జంధ్యాల పౌర్ణమి శ్రావణ పౌర్ణమి నాడు వస్తుంది. ఈ రోజు జీర్ణమైన (పాత) జంధ్యమును తీసివేసి కొత్త జంధ్యమును (యజ్ఞోపవీతం) దరించవలెను. 

.

ప్రార్థన:

శుక్లాంబరధరం విష్ణుం శశివర్ణం చతుర్భుజం |

ప్రసన్న వదనం ధ్యాయేత్ సర్వ విఘ్నోపశాంతయే ||

.

గురుర్ బ్రహ్మ గురుర్ విష్ణుః గురు దేవో మహేశ్వరః |

గురుస్సాక్షాత్ పరబ్రహ్మ తస్మై: శ్రీ గురవే నమః ||

.

అపవిత్ర: పవిత్రోవా సర్వావస్థాం గతో 2పివా |

యస్మరేత్ పుండరీకాక్షం న బాహ్యాభ్యంతరశ్సుచి: ||

పుండరీకాక్ష! పుండరీకాక్ష! పుండరీకాక్ష!

(అంటూ తల పైకి నీళ్ళు చల్లుకొనవలెను)

.

ఆచమన విధానం:

ఉద్ధరిణతో నీళ్ళు తీసుకొని,

1. ఓం కేశవాయ స్వాహా,

2. ఓం నారాయణాయ స్వాహా, 

3. ఓం మాధవాయ స్వాహా, 

అని ప్రతిమంత్రమునకు ఒకమారు చొప్పున మూడుసార్లు ఆ నీటిని త్రాగ వలెను. తరువాత భగవంతునికి నమస్కరిస్తూ ఈ క్రింది కేశవ నామములను చదువ వలెను.

4. ఓం గోవిందాయనమః, 

5. ఓం విష్ణవే నమః, 

6. ఓం మధుసూదనాయనమః, 

7. ఓం త్రివిక్రమాయనమః, 

8. ఓం వామనాయనమః, 

9. ఓం శ్రీధరాయనమః, 

10. ఓం హృషీకేశాయనమః, 

11. ఓం పద్మనాభాయనమః, 

12. ఓం దామోదరాయనమః, 

13. ఓం సంకర్షణాయనమః,

14. ఓం వాసుదేవాయనమః, 

15. ఓం ప్రద్యుమ్నాయనమః, 

16. ఓం అనిరుద్ధాయనమః, 

17. ఓం పురుషోత్తమాయనమః, 

18. ఓం అధోక్షజాయనమః,

19. ఓం నారసింహాయనమః,

20. ఓం అత్యుతాయనమః, 

21. ఓం జనార్దనాయనమః, 

22. ఓం ఉపేంద్రాయనమః, 

23. ఓం హరయేనమః,

24. ఓం శ్రీకృష్ణాయనమః.

అని నమస్కరించవలెను. అటు పిమ్మట:

.

భూతోచ్చాటన:

(చేతిలో ఉద్ధరిణి తో నీరు పోసుకుని యీ క్రింది మంత్రమును చదివిన పిమ్మట భూమిపై నీళ్ళు జల్లవలెను.)

ఉత్తిష్ఠంతు | భూత పిశాచాః | యే తే భూమిభారకాః | యే తేషామవిరోధేన | బ్రహ్మకర్మ సమారభే | ఓం భూర్భువస్సువః | దేవీ గాయత్రీచ్చందః ప్రాణాయామే వినియోగః

.

(ప్రాణాయామం కృత్వా కుంభకే ఇమం గాయత్రీ మంత్రముచ్ఛరేత్)

.

గృహస్తులు ఐదు వ్రేళ్లతో నాసికాగ్రమును పట్టుకొని మంత్రము చెప్పవలెను. బ్రహ్మచారులు బొటన వ్రేలి తో కుడి ముక్కును, అనామిక ఉంగరం వ్రేళ్లతో ఎడమ ముక్కును పట్టుకొని ఈ క్రింది మంత్రమును చెప్ప వలెను.

ఓం భూః, ఓం భువః, ఓగ్ మ్ సువః, ఓం మహః, ఓం జనః, ఓం తపః, ఓగ్ మ్ సత్యం, ఓం తత్స వితుర్వరేణ్యం బర్గో దేవస్య ధీమహి ధియో యోనః ప్రచోదయాత్ | ఓం ఆపో జ్యోతి రసో2మృతం, బ్రహ్మ భూర్భువస్సువరోమ్||

.

తదుపరి సంకల్పం:

మమ ఉపాత్త, దురిత క్షయద్వారా, శ్రీ పరమేశ్వర ముద్దిస్య, శ్రీ పరమేశ్వర ప్రీత్యర్థం, శుభే, శోభనముహూర్తే, శ్రీ మహావిష్ణో రాఙ్ఞయా, ప్రవర్త మానస్య, ఆద్య బ్రహ్మణః, ద్వితీయ పరార్థే, శ్వేతవరాహ కల్పే, వైవశ్వత మన్వంతరే, కలియుగే, ప్రథమ పాదే, జంబూ ద్వీపే, భరత వర్షే, భరత ఖండే, మేరోః దక్షిణ దిగ్భాగే, శ్రీ శైలస్య ఈశాన్య ప్రదేశే, గంగా కావేరీయోర్మధ్యే, స్వగృహే (లేదా శోభన గృహే), సమస్త దేవతా బ్రాహ్మణ, హరిహర గురుచరణ సన్నిథౌ, అస్మిన్, వర్తమాన, వ్యావహారిక, చాంద్రమాన, … సంవత్సరే, … అయనే, … ఋతే, … మాసే, … పక్షే, … తిథౌ, … వాసరే, … శుభ నక్షత్ర, శుభ యోగ, శుభ కరణ, ఏవంగుణ, విశేషణ, విశిష్ఠాయాం, శుభ తిథౌ, శ్రీమాన్, … గోత్రః, … నామధేయః, … మమ ధర్మార్థ కామ మోక్ష చతుర్విధ ఫల, పురుషార్ధ సిద్ధ్యర్ధం, ఆయుష్యాభివృద్ధ్యర్ధం, మమ శ్రౌత స్మార్త నిత్య కర్మానుష్టాన యోగ్యతా ఫల సిద్ధ్యర్ధం నూతన యజ్ఞోపవీత ధారణం కరిష్యే 

.

(బ్రహ్మచారులు “ధర్మపత్నీ సమేతస్య" అని చెప్పనక్కర లేదు)

.

యజ్ఞోపవీతములు ఐదింటిని ఐదు ముడుల వద్దను, మరి రెండు సమానదూర స్థలముల వద్దను, కుంకుమను తడి చేసి అలంకరించి అధిష్టాన దేవత అయిన గాయత్రిని ధ్యానించి, యజ్ఞోపవీత ధారణా మంత్రము స్మరించి ఈ క్రింది విధముగా ధరించవలెను.

.

యజ్ఞోప వీతే త్తస్య మంత్రస్య పరమేష్టీ పరబ్రహ్మర్షి: పరమాత్మా, 

దేవతా, దేవీ గాయత్రీచ్చందః యజ్ఞోపవీత ధారణే వినియోగః ||

.

"ఓం యజ్ఞోపవీతం పరమం పవిత్రం

ప్రజాపతేర్యత్సహజం పురస్తాత్

ఆయుష్య మగ్రియం ప్రతిముంచ శుభ్రం 

యజ్ఞోపవీతం బలమస్తు తేజః "

అని చెప్పి అని ధరించవలెను.

.

(మంత్ర పఠన సమయమున కుడి బాహువును పైకెత్తి శరీరము తగలకుండా జందెమును పట్టి యుంచి మంత్రాంతము నందు కుడిబాహువు మీదుగా ఎడమ బాహువు నందు ధరించవలెను.)

.

ద్వితీయోపవీత ధారణం:

తిరిగి ఆచమనం చేసి “మమ నిత్యకర్మానుష్టాన యోగ్యతా సిద్ధ్యర్ధం ద్వితీయ యజ్ఞోపవీతధారణం కరిష్యే” అని మంత్రము చెప్పి పూర్వము వలె గాయత్రీ మంత్రము చెప్పుకొని రెండవ జందెమును పైన చెపిన విధముగా వేసికోనవలెను.

.

తృతీయ యజ్ఞోపవీత ధారణం:

తిరిగి ఆచమనం చేసి “ఉత్తరీయార్ధం తృతీయ యజ్ఞోపవీత ధారణం కరిష్యే” అని మంత్రము చెప్పి పూర్వము వలె గాయత్రీ మంత్రము చెప్పుకొని మూడవ జందెమును పైన చెపిన విధముగా వేసికోనవలెను.

.

చతుర్ధ పంచమ యజ్నోపవీతములు ధరించుట: 

తిరిగి ఆచమనం చేసి పై మంత్రమును పఠిస్తూ "ఆపన్నివారణార్థం చతుర్థ, పంచమ యజ్ఞోపవీత ధారణం కరిష్యే" అని నాలుగు, ఐదు ముడులను ఒక దాని తరువాత మరి యొకటి దరించవలెను. మొత్తము ఐదు ముడులు వచ్చునట్లు సరిచేసుకొనవలెను.

తరువాత పాత, కొత్త జంధ్యములను కలిపి, కుడి చేతి బొటన వ్రేలు, చూపుడు వ్రేలు మధ్యలో పట్టుకొని పైన కండువా కప్పి, “దశ గాయత్రి” (పదిమారులు గాయత్రి మంత్రము) జపించి, “యధాశక్తి దశ గాయత్రీ మంత్రం గాయత్రీ దేవతార్పణమస్తు" అని నీటిని వదలవలెను. (బ్రహ్మచారులు ఒక్క ముడినే ధరించవలయును)

. 

గాయత్రీ మంత్రము:

“ఓం భూర్భువస్సువః తత్ సవితుర్ వరేణ్యం

భర్గో దేవస్య ధీ మహి ధియో యోనః ప్రచోదయాత్ "

.

తరువాత ఈ క్రింది విజర్జన మంత్రము చదువుతూ పాత జందెమును తీసి వేయవలెను.

.

జీర్ణోపవీత విసర్జనం:

తిరిగి ఆచమనం చేసి 

.

శ్లో: ఉపవీతం ఛిన్నతంతుం కశ్మల దూషితం

విసృజామి యశో బ్రహ్మ వర్చో దీర్ఘాయురస్తుమే ||

.

శ్లో: పవిత్రదంతా మతి జీర్ణవంతం 

వేదాంత వేద్యం పరబ్రహ్మ రూపం 

ఆయుష్య మగ్ర్యం ప్రతిమంచ శుభ్రం

జీర్నోపవీతం విసృజంతు తేజః || 

.

శ్లో: ఏతా వద్దిన పర్యంతం 

బ్రహ్మత్వం ధారితం మయా 

జీర్ణత్వాత్తే పరిత్యాగో 

గచ్ఛ సూత్ర యథా సుఖం ||

.

విసర్జన సమయములో తీసివేస్తున్న పాత జందెమును పాదములకు తాకకుండా చూసుకోవలెను.

తిరిగి ఆచమనం చేసి కొత్త యజ్ఞోపవీతముతో కనీసం పది సార్లు గాయత్రి మంత్రము జపింఛి యధాశక్తి "గాయత్రీ దేవతార్పణమస్తు" అని నీరు విడువ వలెను. ఆ తరువాత గాయత్రీ దేవికి నైవేద్యము సమర్పించి, ఆ ప్రసాదమునకు నమస్కరించి స్వీకరించవలెను. 

.

తీసివేసిన పాత జందెమును ఏదైనా పచ్చని మొక్కపై వేయవలెను. 

.

నూతన యజ్ఞోపవీత ధారణ సమయములు:

జాతాశౌచ శుద్ధి యందు, మృతాశౌచ శుద్ధియందు, గ్రహణానంతరము, ప్రతి నాలుగు మాసముల అనంతరము నూతన యజ్ఞోపవీతమును ధరించి, పూర్వ యజ్ఞోపవీతమును త్యజించవలెను.

🍎🍎🍎. సర్వం శివసంకల్పం 🍎🍎🍎

22 Aug 2021

విష్ణు సహస్ర నామ తత్వ విచారణ - 478 / Vishnu Sahasranama Contemplation - 478

🌹. విష్ణు సహస్ర నామ తత్వ విచారణ - 478 / Vishnu Sahasranama Contemplation - 478 🌹

📚. ప్రసాద్ భరద్వాజ

🌻 478. సత్‌, सत्‌, Sat 🌻

ఓం సతే నమః | ॐ सते नमः | OM Sate namaḥ

పరం బ్రహ్మావితథమిత్యేతత్ సదితికథ్యతే ।
సదేవ సౌమ్యేదమితి శ్రుతేర్నిత్యాద్యమచ్యుతమ్ ॥

ఏది ఎట్లు కనబడుచున్నదో - దాని వాస్తవరూపము అది కాక ఉండునో అట్టి దానిని వితథము అందురు. మాయా, మాయవల్ల పుట్టిన జగత్తూ అట్టివి కావున అవి వితథములు. ఏది వితథము కాదో అది అవితథము. పరబ్రహ్మము అవితథము. ఆ తత్త్వము ఎల్లపుడూ ఉండునదే కావున దానిని సత్ అందురు.

:: ఛాందోగ్యోపనిషత్ - షష్ఠ ప్రపాఠకః ద్వితీయ ఖండః ::

స దేవ సోమ్యేదమగ్ర అసీ దేక మేవాద్వితీయం తద్ధైక అహు
రసదేవేదమగ్ర అసీ దేకమేవాద్వితీయం తస్మా దసత స్సజ్జాయత ॥ 1 ॥

కుతస్తు ఖలు సోమ్యైవం స్యాదితి హోవాచ కథ మస్త స్సజ్జాయే
తేతి సత్త్వేవ సోమ్యేద మగ్ర అసీ దేక మేవాద్వితీయమ్ ॥ 2 ॥

నామరూపములతో నిండిన ఈ సృష్టి పుట్టుకకు పూర్వము సత్తుగా ఏకమై అద్వితీయమై యుండినది. అసత్తుగూడ ఉన్నదని కొందరు చెప్పినారు. కానీ అదెట్లు వీలగును? అసత్తునుండి సత్తు ఏ రీతిగా పుట్టును? అట్లు జన్మించుట అసంభవమేయగును. కావున సత్తుగానున్న పరబ్రహ్మమే మొట్టమొదట ఉండెను. రెండవ వస్తువు లేదని తెలుసుకొనుము.

సశేషం...

🌹 🌹 🌹 🌹 🌹



🌹. VISHNU SAHASRANAMA CONTEMPLATION- 478🌹

📚. Prasad Bharadwaj

🌻 478. Sat 🌻

OM Sate namaḥ

परं ब्रह्मावितथमित्येतत् सदितिकथ्यते ।
सदेव सौम्येदमिति श्रुतेर्नित्याद्यमच्युतम् ॥

Paraṃ brahmāvitathamityetat saditikathyate,
Sadeva saumyedamiti śruternityādyamacyutam.

The entity whose true identity is not that what is apparent is called Vitatha (वितथ). Māya or delusion and the universe which is due to Māya are examples of such. That which is not Vitatha ia Avitatha. The Supreme Brahman is Avitatha. And since it is never changing, it is called Sat.


:: छांदोग्योपनिषत् - षष्ठ प्रपाठकः द्वितीय खंडः ::

स देव सोम्येदमग्र असी देक मेवाद्वितीयं तद्धैक अहु
रसदेवेदमग्र असी देकमेवाद्वितीयं तस्मा दसत स्सज्जायत ॥ १ ॥
कुतस्तु खलु सोम्यैवं स्यादिति होवाच कथ मस्त
स्सज्जाये तेति सत्त्वेव सोम्येद मग्र असी देक मेवाद्वितीयम् ॥ २ ॥


Chāndogyopaniṣat - Section 6, Chapter 2

Sa deva somyedamagra asī deka mevādvitīyaṃ taddhaika ahu
Rasadevedamagra asī dekamevādvitīyaṃ tasmā dasata ssajjāyata. 1.
Kutastu khalu somyaivaṃ syāditi hovāca katha masta
Ssajjāye teti sattveva somyeda magra asī deka mevādvitīyam. 2.

In the beginning, my dear, this universe was Being (Sat) alone, one only without a second. Some say that in the beginning this was non-being (Asat) alone, one only without a second; and from that non-being, being was born.

But how, indeed, could it be thus, my dear? How could Being be born from non-being? No, my dear, it was Being alone that existed in the beginning, one only without a second.

🌻 🌻 🌻 🌻 🌻

Source Sloka

धर्मगुब् धर्मकृद् धर्मी सदसत्क्षरमक्षरम् ।अविज्ञाता सहस्रांशुर्विधाता कृतलक्षणः ॥ ५१ ॥

ధర్మగుబ్ ధర్మకృద్ ధర్మీ సదసత్క్షరమక్షరమ్ ।అవిజ్ఞాతా సహస్రాంశుర్విధాతా కృతలక్షణః ॥ 51 ॥

Dharmagub dharmakrd dharmī sadasatkṣaramakṣaram,Avijñātā sahasrāṃśurvidhātā krtalakṣaṇaḥ ॥ 51 ॥

Continues....

🌹 🌹 🌹 🌹🌹


22 Aug 2021