1) 🌹 శ్రీమద్భగవద్గీత - 580 / Bhagavad-Gita - 580🌹
2) 🌹. భగవద్గీత యథాతథం - 1 - 28 🌹
3) 🌹. విష్ణు సహస్ర నామ తత్వ విచారణ - 348, 349 / Vishnu Sahasranama Contemplation - 348, 349🌹
4) 🌹 Daily Wisdom - 88🌹
5) 🌹. వివేక చూడామణి - 51🌹
6) 🌹Viveka Chudamani - 51🌹
7) 🌹. దేవాపి మహర్షి బోధనలు - 62🌹
8) 🌹. మనస్సు మోసాలపై ఆత్మ తిరుగుబాటు సాధ్యమా? 🌹
🍀. ‘స్వేచ్ఛ. మీరనుకుంటున్నది కాదు’ నుంచి ( ఓషో బోధ ) 🍀
9) 🌹. శ్రీ లలితా చైతన్య విజ్ఞానము - 241 / Sri Lalita Chaitanya Vijnanam - 241🌹
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. శ్రీమద్భగవద్గీత - 580 / Bhagavad-Gita - 580 🌹*
✍️. స్వామి భక్తి వేదాంత శ్రీ ప్రభుపాద
📚. ప్రసాద్ భరద్వాజ
*🌴. 17వ అధ్యాయము - శ్రద్ధాత్రయ విభాగములు - 19 🌴*
19. మూఢగ్రాహేణాత్మనో యత్పీడయా క్రియతే తప: |
పరస్యోత్సాదనార్థం వా తత్తామసముదాహృతమ్ ||
🌷. తాత్పర్యం :
తనను తాను హింసించుకొనుటచే గాని, ఇతరులకు హాని లేదా నష్టమును గూర్చు నిమిత్తముచేగాని మూఢత్వముతో చేయబడు తపస్సు తమోగుణమునకు సంబంధించినదని చెప్పబడును.
🌷. భాష్యము :
హిరణ్యకశిపుడు వంటి దానవులు మూఢతపస్సు నొనరించిన దృష్టాంతములు పెక్కు కలవు. అతడు అమరుడగుటకును మరియు దేవతలను నిర్జించుటకును అట్టి నిష్టాపూర్ణమగు తపస్సు నాచరించెను.
ఆ వరములకై అతడు బ్రహ్మదేవుని ప్రార్థించునను అంత్యమున దేవదేవునిచే సంహరింపబడెను. అసాధ్యమైనదాని కొరకు ఒనర్చబడెడి తపస్సు నిక్కముగ తమోగుణప్రధానమైనదే కాగలదు.
🌹 🌹 🌹 🌹 🌹
*🌹 Bhagavad-Gita as It is - 580 🌹
✍️ Swami Bhakthi Vedantha Sri Prabhupada
📚 Prasad Bharadwaj
*🌴 Chapter 17 - The Divisions of Faith - 19 🌴*
19. mūḍha-grāheṇātmano yat
pīḍayā kriyate tapaḥ
parasyotsādanārthaṁ vā
tat tāmasam udāhṛtam
🌷 Translation :
Penance performed out of foolishness, with self-torture or to destroy or injure others, is said to be in the mode of ignorance.
🌹 Purport :
There are instances of foolish penance undertaken by demons like Hiraṇyakaśipu, who performed austere penances to become immortal and kill the demigods.
He prayed to Brahmā for such things, but ultimately he was killed by the Supreme Personality of Godhead. To undergo penances for something which is impossible is certainly in the mode of ignorance.
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #భగవద్గీత #BhagavadGita
Join and Share
🌹. భగవద్గీత BhagavadGita Telegram, FB Groups 🌹
https://t.me/bhagavadgeethaa/
www.facebook.com/groups/bhagavadgeethaa/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. భగవద్గీత యథాతథం - 1 - 028 🌹*
AUDIO - VIDEO
సేకరణ : ప్రసాద్ భరద్వాజ
అధ్యాయం 1, శ్లోకం 28
28
అర్జున ఉవాచ
దృష్ట్యేమం స్వజనం కృష్ణ
యుయుత్సుం సముపస్థితమ్‌ |
సీదంతి మమ గాత్రాణి
ముఖం చ పరిశుష్యతి ||
తాత్పర్యము :
అర్జునుడు పలికెను : ఓ కృష్ణా ! యుద్ధోత్సాహమున నా యెదుట నిలిచియున్న మిత్రులను మరియు బంధువులను గాంచి నా శరీరావయవములు కంపించుచున్నవి. నోరు ఎండుపోవుచున్నది.
భాష్యము :
భగవంతుడి పట్ల ఏ మాత్రము భక్తి ఉన్నా అటువంటి వ్యక్తి దైవగుణాలను కలిగి ఉంటాడు. నాస్తికులైనవారు ఎంతో ఉన్నత చదువులను చదివి, గొప్ప అర్హతలను కలిగిఉన్నా, వారిలో దైవ లక్షణాలు కొరవడతాయి. అర్జునుడు భక్తుడు కాబట్టి తన బంధువర్గము వారిలో అటువంటి పోరాట స్ఫూర్తిని చూసి జాలిపడెను. వారందరూ మరణించబోవుచున్నారని తెలుసుకుని సున్నిత హృదయము కలిగిన అర్జునుని శరీరము కంపించెను. అశృధారలు కారెను. ఇది అర్జునుని బల హీనత కాదని మనము గమనించవలెను. భక్తునిగా కోమల హృదయునిగా తన సైన్యము పట్లే కాక పరుల సైన్యము పట్ల కూడా కరుణను కలిగి ఉండెను.
….పరమపూజ్యశ్రీ శ్రీమత్‌ ఎ సి భక్తి వేదాంత స్వామి ప్రభుపాదుల వారి ‘భగవద్గీత యథాతథం’ నుంచి ఇస్కాన్‌ హైదరాబాద్‌ వారి సౌజన్యంతో ….
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #భగవద్గీత #BhagavadGita #గీతాసారం #GitaSaram
Join and Share
🌹. భగవద్గీత BhagavadGita Telegram, FB Groups 🌹
https://t.me/bhagavadgeethaa/
www.facebook.com/groups/bhagavadgeethaa/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. విష్ణు సహస్ర నామ తత్వ విచారణ - 348, 349 / Vishnu Sahasranama Contemplation - 348, 349 🌹*
📚. ప్రసాద్ భరద్వాజ
*🌻 348. పద్మగర్భః, पद्मगर्भः, Padmagarbhaḥ🌻*
*ఓం పద్మగర్భాయ నమః | ॐ पद्मगर्भाय नमः | OM Padmagarbhāya namaḥ*
పద్మగర్భః, पद्मगर्भः, Padmagarbhaḥ
పద్మస్య హృదయాఖ్యస్యగర్భే యసముపాస్యతే ।
స పద్మగర్భ ఇత్యుక్తః శ్రీవిష్ణుర్వేదపారగైః ॥
హృదయము అను పద్మపు గర్భమున ఉపాసింపబడివాడు.
:: పోతన భాగవతము - ద్వితీయ స్కంధము ::
వ. అదియునుంగాక ఎవ్వండేని శ్రద్ధా భక్తి యుక్తుండై కృష్ణగుణకీర్తనంబులు వినుచుం బలుకుచునుండు నట్టివాని హృదయపద్మంబునందుఁ గర్ణ రంధ్రమార్గంబులం బ్రవేశించి కృష్ణుండు విశ్రమించి సలిలగతంబైన కలుషంబును శరత్కాలంబు నివారించు చందంబున నాత్మగతంబైన మాలిన్యంబు నపకర్షించుఁ గావున. (218)
అంతేకాక ఎవ్వడు శ్రద్ధా భక్తులు కలిగి కృష్ణుని గుణగణాలను ఇతరులు కీర్తిస్తుంటే వింటాడో, తాను స్వయంగా కీర్తిస్తాడో, అలాంటి వాని హృదయకమలం లోకి శ్రవణ కుహరాల ద్వారా కృష్ణుడు ప్రవేశిస్తాడు. అక్కడ విశ్రమిస్తాడు. నీటిలోని మాలిన్యాన్ని శరదృతువు తొలగించినట్లు మనస్సులోని మాలిన్యాన్ని తొలగిస్తాడు.
సశేషం...
🌹 🌹 🌹 🌹 🌹
*🌹. VISHNU SAHASRANAMA CONTEMPLATION- 348🌹*
📚. Prasad Bharadwaj
*🌻348. Padmagarbhaḥ🌻*
*OM Padmagarbhāya namaḥ*
Padmasya hr̥dayākhyasyagarbhe yassamupāsyate,
Sa padmagarbha ityuktaḥ śrīviṣṇurvedapāragaiḥ.
पद्मस्य हृदयाख्यस्यगर्भे यस्समुपास्यते ।
स पद्मगर्भ इत्युक्तः श्रीविष्णुर्वेदपारगैः ॥
As He is to be worshiped - placed in the center of the lotus of the heart, He is Padmagarbhaḥ.
Śrīmad Bhāgavata - Canto 10, Chapter 87
Udaramupāsatē ya r̥iṣivartmasu kūrpadr̥iśaḥ
Parisarapaddhatiṃ hr̥idayamāruṇayō daharam,
Tata udagādananta tava dhāma śiraḥ paramaṃ
Punariha yatsamētya na patanti kr̥itāntamukhē. 18.
::श्रीमद्भागवते - दशम स्कन्धे, सप्ताशीतितमोऽध्यायः ::
उदरमुपासते य ऋषिवर्त्मसु कूर्पदृशः
परिसरपद्धतिं हृदयमारुणयो दहरम् ।
तत उदगादनन्त तव धाम शिरः परमं
पुनरिह यत्समेत्य न पतन्ति कृतान्तमुखे ॥ १८ ॥
Among the followers of the methods set forth by great sages, those with less refined vision worship the Supreme as present in the region of the abdomen, while the Āruṇis worship Him as present in the heart, in the subtle center from which all the prāṇic channels emanate. From there, O unlimited Lord, these worshipers raise their consciousness upward to the top of the head, where they can perceive You directly. Then, passing through the top of the head toward the supreme destination, they reach that place from which they will never again fall to this world, into the mouth of death.
🌻 🌻 🌻 🌻 🌻
Source Sloka
पद्मनाभोऽरविन्दाक्षः पद्मगर्भश्शरीरभृत् ।महर्धिरृद्धो वृद्धात्मा महाक्षो गरुडध्वजः ॥ ३८ ॥
పద్మనాభోఽరవిన్దాక్షః పద్మగర్భశ్శరీరభృత్ ।మహర్ధిరృద్ధో వృద్ధాత్మా మహాక్షో గరుడధ్వజః ॥ ౩౮ ॥
Padmanābho’ravindākṣaḥ padmagarbhaśśarīrabhr̥t ।Mahardhirr̥ddho vr̥ddhātmā mahākṣo garuḍadhvajaḥ ॥ 38 ॥
Continues....
🌹 🌹 🌹 🌹🌹
*🌹. విష్ణు సహస్ర నామ తత్వ విచారణ - 349 / Vishnu Sahasranama Contemplation - 349🌹*
📚. ప్రసాద్ భరద్వాజ
*🌻 349. శరీరభృత్, शरीरभृत्, Śarīrabhr̥t🌻*
*ఓం శరీరభృతే నమః | ॐ शरीरभृते नमः | OM Śarīrabhr̥te namaḥ*
పోషయన్నన్నరూపేణ ప్రాణరూపేణ వా హరిః ।
శరీరిణాం శరీరాణి బిభర్తీతి శరీరభృత్ ॥
స్వమాయయా శరీరాణి బిభర్తీత్యథవా హరిః ।
శరీరభృదితి ప్రోక్తో విద్వద్భిర్వేదపారగైః ॥
పరమాత్ముడు తాను అన్న రూపముతో కాని ప్రాణరూపముతోకాని ఉండుచు దేహధారుల శరీరములను భరించును లేదా నిలుపును.
లేదా తన మాయచే శరీరములను ధరించుచున్నాడుగావున ఆ హరికి శరీరభృత్ అను నామము.
సశేషం...
🌹 🌹 🌹 🌹 🌹
*🌹. VISHNU SAHASRANAMA CONTEMPLATION- 349🌹*
📚. Prasad Bharadwaj
*🌻349. Śarīrabhr̥t🌻*
*OM Śarīrabhr̥te namaḥ*
Poṣayannannarūpeṇa prāṇarūpeṇa vā hariḥ,
Śarīriṇāṃ śarīrāṇi bibhartīti śarīrabhr̥t.
Svamāyayā śarīrāṇi bibhartītyathavā hariḥ,
Śarīrabhr̥diti prokto vidvadbhirvedapāragaiḥ.
पोषयन्नन्नरूपेण प्राणरूपेण वा हरिः ।
शरीरिणां शरीराणि बिभर्तीति शरीरभृत् ॥
स्वमायया शरीराणि बिभर्तीत्यथवा हरिः ।
शरीरभृदिति प्रोक्तो विद्वद्भिर्वेदपारगैः ॥
In the form of food, He nourishes or in the form of prāṇa i.e., life, He sustains the bodies of the embodied.
Or since Lord Hari verily embodies himself behind the veil of māya or illusion, He is called Śarīrabhr̥t.
🌻 🌻 🌻 🌻 🌻
Source Sloka
पद्मनाभोऽरविन्दाक्षः पद्मगर्भश्शरीरभृत् ।महर्धिरृद्धो वृद्धात्मा महाक्षो गरुडध्वजः ॥ ३८ ॥
పద్మనాభోఽరవిన్దాక్షః పద్మగర్భశ్శరీరభృత్ ।మహర్ధిరృద్ధో వృద్ధాత్మా మహాక్షో గరుడధ్వజః ॥ ౩౮ ॥
Padmanābho’ravindākṣaḥ padmagarbhaśśarīrabhr̥t ।Mahardhirr̥ddho vr̥ddhātmā mahākṣo garuḍadhvajaḥ ॥ 38 ॥
Continues....
🌹 🌹 🌹 🌹🌹
#ChaitanyaVijnanam #PrasadBhardwaj #చైతన్యవిజ్ఞానం #విష్ణుసహస్రనామములు #VishnuSahasranama
Join and Share
విష్ణు సహస్రనామ స్తోత్రము / Vishnu Sahasranama group.
https://t.me/vishnusahasranaam
www.facebook.com/groups/vishnusahasranaam/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 DAILY WISDOM - 88 🌹*
*🍀 📖 The Brihadaranyaka Upanishad 🍀*
📝 Swami Krishnananda
📚. Prasad Bharadwaj
*🌻 28. The Cosmic Being Manifested Himself as All Things 🌻*
The Devas and the Asuras are two tendencies, and not substances. The tendency to unification is the divine principle, and the urge to diversification is the demoniacal principle.
The sense organs are incapable; they were defeated by the Asuras, which means to say, that the sense organs cannot work up this unifying activity which is intended for regaining the original position of the deities of the senses.
As mentioned earlier, the mistake that happened during the process of individual creation is a reversal of the subject and the object, placing them in wrong positions. In the Aitareya Upanishad, we have a more clear exposition of this descending process.
The Cosmic Being manifested Himself as all things, down to the five elements—earth, water, fire, air and ether—which we regard as objects of sense. The five elements are the objects of our senses, but they were the last evolutes in the process of Divine manifestation.
Continues...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #DailyWisdom #SwamiKrishnananda
Join and Share
🌹. Daily satsang Wisdom 🌹
www.facebook.com/groups/dailysatsangwisdom/
https://t.me/Seeds_Of_Consciousness
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. వివేక చూడామణి - 51 / Viveka Chudamani - 51🌹*
✍️ రచన : *పేర్నేటి గంగాధర రావు*
సేకరణ : ప్రసాద్ భరద్వాజ
*🍀. 15. మనస్సు - 5 🍀*
180. అందువలన యోగులు రహస్యాలు దాచి మనస్సును అవిద్యగా వర్ణించిరి. అందువలనే ఈ ప్రపంచము గాలిలోని మేఘాల వలె ఊగు చున్నది.
181. ఆ కారణముగానే సాధకుడు విముక్తి పొందిన తరువాత జాగ్రత్తగా తన మనస్సును పవిత్రము చేసుకోవాలి. ఎపుడైతే మనస్సు పవిత్రమవుతుందో విముక్తి తేలిక అవుతుంది. అరచేతిలోని అరటి పండు వలె.
182. విముక్తి కొరకు ఏకీకృతమైన భక్తితో బంధనాలనే వేళ్ళను, జ్ఞానేంద్రియాలకు చెందిన భోగ వస్తువులను సమూలముగా తొలగించి వేయుటకు, నిజమైన బ్రహ్మ జ్ఞానము పై నమ్మకముతో నిరంతరము క్రమము తప్పకుండా సత్సంగములలో పాల్గొంటూ రాజసిక స్వభావ లక్షణాలను తొలగించుకోవాలి.
183. మానసిక కవచము ఉన్నతమైన ఆత్మ కాదు. ఎందువలనంటే దానికి మొదలు, అంతము కలదు. మార్పులకు అవకాశముకలదు. అది బాధ, నొప్పులతో కూడిన వస్తువు. దానిని జ్ఞానముతో కూడిన వస్తు సముదాయముతో పోల్చరాదు.
సశేషం....
🌹 🌹 🌹 🌹 🌹
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 VIVEKA CHUDAMANI - 51 🌹*
✍️ Sri Adi Shankaracharya
Swami Madhavananda
📚 Prasad Bharadwaj
*🌻 The Mind - 5 🌻*
180. Hence sages who have fathomed its secret have designated the mind as Avidya or ignorance, by which alone the universe is moved to and fro, like masses of clouds by the wind.
181. Therefore the seeker after Liberation must carefully purify the mind. When this is purified, Liberation is as easy of access as a fruit on the palm of one’s hand.
182. He who by means of one-pointed devotion to Liberation roots out the attachment to sense-objects, renounces all actions, and with faith in the Real Brahman regularly practices hearing, etc., succeeds in purging the Rajasika nature of the intellect.
183. Neither can the mental sheath be the Supreme Self, because it has a beginning and an end, is subject to modifications, is characterised by pain and suffering and is an object; whereas the subject can never be identified with the objects of knowledge.
Continues....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #వివేకచూడామణి #VivekaChudamani
Join and Share
🌹. వివేకచూడామణి Viveka Chudamani 🌹
www.facebook.com/groups/vivekachudamani/
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. దేవాపి మహర్షి బోధనలు - 62 🌹*
✍️. సద్గురు కె. పార్వతి కుమార్
సేకరణ : ప్రసాద్ భరద్వాజ
*🌻 43. సూచనలు-1 🌻*
1. సుముఖత లేనివారికి సత్యమును గురించి, సద్గురువును గురించి, సధ్రంథములను గురించి వివరింపకుము. వారి అవహేళన, విముఖత - సత్యమునకవమానకరము.
.
2. తన వారి కొరకై పాటుపడని వానిని దరిచేర నీయకుము. అట్టివాడు బాధ్యత లెరుగనివాడు. భక్తి లేనివాడు, దేశభక్తి లేనివాడు, బాధ్యత నెరుగనివాడు - స్నేహమునకు పనికిరాడు.
3. తెలిసిన వారు, తెలివిగల వారందరును మంచివారు కానక్కర లేదు. సంబంధములు పెంచుకొనుటలో ఈ విచక్షణను కలిగి యుండవలెను.
4. శ్రేయోదాయకమైన కార్యమును నిర్వర్తించుటలో అవహేళనకు, అపనిందలకు, నష్టమునకు గురియైనను తప్పులేదు. కాలక్రమమున అది అమూల్యమైన ఫలములను కొనితేగలదు.
5. సత్పురుష దర్శనము, సద్ధంథ పఠనము, సత్య భాషణము ఎన్నటికిని నిరర్థకములు కావు. సత్పురుషుల యెడల చూపినత్యాగనిరతి ఉత్తమోత్తమ ఫలములనందించగలదు.
6. మిమ్ములను మీరు సంస్కరించుకొను మార్గమున మమ్ములను దర్శించుట ఉత్తమము. కేవలము మా దర్శనము కోరువారు, వారి సంకల్ప బలమున దర్శించినను అది అపాయకరము కాగలదు. మా దర్శనమున మీలోని సంస్కారము లన్నియు ఒక్కసారిగ అలజడి చెందగలవు. అది కారణముగ కొన్ని నీచప్రవృత్తులు బైటపడు అవకాశము గలదు. పిచ్చి యెక్కు అవకాశములు కూడ గలవు.
సశేషం...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #దేవాపిమహర్షిబోధనలు #సద్గురుపార్వతీకుమార్
Join and Share
భారతీయ మహర్షుల బోధనలు Maharshula Wisdom
www.facebook.com/groups/maharshiwisdom/
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. మనస్సు మోసాలపై ఆత్మ తిరుగుబాటు సాధ్యమా? 🌹*
*🍀. ‘స్వేచ్ఛ. మీరనుకుంటున్నది కాదు’ నుంచి ( ఓషో బోధ ) 🍀*
✍️. భరత్‌,
📚. ప్రసాద్ భరద్వాజ
అది అర్థం లేని పని అనుకుంటున్నాను. ఎందుకంటే, ఇపుడు నేనొక పూజారిని, సిద్ధాంతకర్తను. అదే నాకు మరింత నిరాశ కలిగిస్తోంది. అందువల్ల నేనే నా ఆత్మకు వ్యతిరేకంగా తిరుగుబాటు చేస్తున్నాననిపిస్తోంది. కాబట్టి, అది నాకు ఉండవలసిన తిరుగుబాటు చెయ్యగల ఆత్మ-నిజస్వరూపం-కాదని నేను అంగీకరిస్తున్నాను. ఎందుకంటే, నాది మోసపూరిత శిక్షణ పొందిన ఆత్మ. కానీ, నాకు తెలిసి, నాకున్న ఆత్మ అదే. దానితోనే నేను తిరుగుబాటు చేస్తున్నా.
మోసపూరిత శిక్షణ పొందిన ఆత్మ మోసానికి వ్యతిరేకంగా ఎలా తిరుగుబాటు చేస్తుంది?
నేను మాట్లాడుతున్న తిరుగుబాటు ఎవరికీ వ్యతిరేకంగాచేసేది కాదు. అసలు అది నిజంగా తిరుగుబాటు కాదు. అది కేవలం ఒక అవగాహన. మీరు మీ బాహ్య, అంతర్గత పూజారులు, సన్యాసినులు, బంధువులతో పోరాడకూడదు. ఎందుకంటే, వారు మీ నుంచి వేరుగా ఉన్నారు. అంటే బాహ్య, అంతర్గతాలు వేరు వేరుగా ఉన్నట్లే కదా!అంతేకాదు, అంతర్గతంలో ఉన్నవి బాహ్యంగా ఉన్న వాటి ప్రతిబింబాలే. అందువల్ల బాహ్య, అంతర్గతాలు ఒక విషయమే కాదు.
‘‘ఆ నిస్సహాయ వృద్ధులకు వ్యతిరేకంగా తిరుగుబాటు చెయ్యడమనేది కాలాన్ని వృధా చేసే అర్థం లేని పని అనుకుంటున్నాను’’ అని మీరు వాస్తవాన్ని చాలా చక్కగా చెప్పారు. నేను కూడా ‘‘వారికి, వారు మీకు బోధించిన వాటికి వ్యతిరేకంగా పోరాడమని’’ మీకు చెప్పట్లేదు. మీరు మీ మనసుకు వ్యతిరేకంగా పోరాడితే అది ప్రతిస్పందన అవుతుందే కానీ, తిరుగుబాటుకాదు. తేడా గమనించండి. కోపం నుంచి ప్రతిస్పందన పుడుతుంది. అందుకే అది హింసాత్మకంగా ఉంటుంది. అపుడు మీరు గుడ్డిగా ఆవేశపడుతూ ఒక హద్దును దాటి మరొక హద్దుకు వెళ్లడం ప్రారంభిస్తారు.
ఉదాహరణకు, ‘‘పరిశుభ్రంగా ఉండమని మీ తల్లిదండ్రులు మిమ్మల్ని పదే పదే పీడిస్తుంటే ఏదో ఒక రోజు అది మీకు విసుగనిపిస్తుంది. అప్పటినుంచి మీరు చాలా మురికిగా ఉండడం ప్రారంభిస్తారు. అంటే మీరు ఒక హద్దు నుంచి మరొక హద్దుకు చేరుకున్నట్లు. అది కోపంతో, ఆవేశంతో చేసిన ప్రతీకారమే. అదే ప్రతిస్పందన. అంతేకానీ, అది తిరుగుబాటు కాదు.
అయితే తిరుగుబాటు అంటే ఏమిటి? తిరుగుబాటు అంటే స్వచ్ఛమైన అవగాహన. మీరు అసలు విషయాన్ని చాలా స్పష్టంగా అర్థం చేసుకుంటారు. అందువల్ల మీరు ఎలాంటి ఆవేశానికీ, కోపానికీ గురి కాకుండా పరిశుభ్రంగా ఉంటారే కానీ, మురికిగా ఉండరు. కాబట్టి, ఎవరూ ఎలాంటి మానసిక దౌర్బల్యానికి గురికాకూడదు. ఎందుకంటే, మానసిక దౌర్బల్యం ఒక రోగం.
ఉదాహరణకు, ఒక వ్యక్తి అదేపనిగా రోజంతా చేతులు కడుగుతూ ఉంటే, అది ఒక మానసిక దౌర్బల్యం. చేతులు కడుక్కోవడం మంచి పని. కానీ, రోజంతా చేతులు కడుక్కోవడం పిచ్చి పని. అలాగే అసలు చేతులు కడుక్కోకపోవడం కూడా పిచ్చిపని. అవగాహన కలిగిన వ్యక్తి అవసరమైనపుడు చేతులు కడుక్కుంటాడు, లేకపోతే మానేస్తాడు. సహజమైన సమయస్ఫూర్తితో అవసరానికి తగినట్లు తెలివిగా జీవించడమంటే అదే.
తెలివికి, ఎక్కువగా ఆలోచించే అతి తెలివికి మధ్య పెద్ద తేడా ఏమీ లేదు. ఉదాహరణకు, దారిలో పాము కనపడగానే తెలివైన వ్యక్తి భయంతో దూరంగా పారిపోతాడు. ఆ తెలివి లేని మూర్ఖుడు పాము దగ్గరే ఉండి ప్రమాదాన్ని కొనితెచ్చుకుంటాడు. కాబట్టి, పామును చూడగానే భయపడడం తెలివి. అయితే అతిగా ఆలోచిస్తూ అనవసరంగా అతిగా భయపడడం అతి తెలివి.
ఉదాహరణకు, ‘‘ఏ క్షణంలో అయినా ఇల్లు కూలిపోవచ్చు’’ అని అనుక్షణం భయపడడం తెలివి కాదు, అతి తెలివి. అలా ఎవరైనా ప్రతి దాని గురించి ఆలోచించగలగరు. అతిగా ప్రతిస్పందించడమంటే అదే. అలా చేస్తే పిచ్చి పడుతుంది. కాబట్టి, తిరుగుబాటు అంటే ఒక విషయంపై చాలా లోతైన అవగాహన కలిగి ఉండడం.
అది ఎప్పుడూ మిమ్మల్ని మధ్యలో సమతుల్యంగా ఉంచుతుంది. మీరు ఎవరితోనూ- బాహ్య, అంతర్గతాలలో ఉన్న- పోరాడకూడదు. అందుకు కారణం పోరు ఎప్పుడు ఆపాలో మీకు తెలియదు కాబట్టి. ఎందుకంటే, పోరులో ఎవరికీ ఎరుక ఉండదు. అందువల్ల ఎవరైనా ఎంతకైనా తెగిస్తారు. అది మీరు గమనించే ఉంటారు.
ఇంకా వుంది...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #ఓషోబోధనలు #OshoDiscourse
Join and Share
🌹. చైతన్య విజ్ఞానం Spiritual wisdom FB Telegram groups 🌹
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. శ్రీ లలితా చైతన్య విజ్ఞానము - 241 / Sri Lalitha Chaitanya Vijnanam - 241 🌹*
*సహస్ర నామముల తత్వ విచారణ*
✍️. సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ
మూల మంత్రము :
*🍁. ఓం ఐం హ్రీం శ్రీం శ్రీమాత్రే నమః 🍁*
*🍀. పూర్తి శ్లోకము :*
*🍀 59. మనువిద్యా, చంద్రవిద్యా, చంద్రమండలమధ్యగా ।
చారురూపా, చారుహాసా, చారుచంద్ర కళాధరా ॥ 59 ॥🍀*
*🌻 241. 'చారురూపా' 🌻*
అందమైన రూపము కలది శ్రీదేవి అని అర్థము. సృష్టి అందములు శ్రీమాత రూపమే. అందము ఆనందము కలిగించును. అందము ఆకర్షణ కలిగించును. ఆకర్షణము వలన మనస్సు అందముపై నిలచును. పరిపరి విధములుగ పోవు మనస్సు నకు స్థిరము కల్పించుటకు అందము ఒక ఉపాయముగ ఋషులు దర్శించినారు. అందము, ఆకర్షణ మనోహరమగు స్థితిని కలిగించును. మనస్సు హరింపబడుటయే మనోహరత్వము. మనస్సు హరింపబడి నపుడు బాహ్య ప్రపంచ మదృశ్యమగును.
అపుడా అందము రూపము లను దాటి రూపాతీతమైన వెలుగు నందు స్థిరపడును. వెలుగున స్థిరబడుట యనగా బుద్ధి యందు స్థిరపడుటయే. బుద్ధి యందు స్థిరపడ్డ చిత్తము దైవావరణ యందున్నట్లే. హిరణ్య ప్రాకారములో నున్నట్లే.
ఈ కారణముననే అందము నుపాసించు వారు త్వరితగతిని మనోహర స్థితిని పొంది బుద్ధి లోకమున స్థిరపడినట్లుగ ఎన్నియో పురాణ గాథ లున్నవి. మొదటగ ఉపాధి (రూపము) యందు అందమును ఉపాసించువారు అందము ఆధారముగనే ఉపాధిని మన్నించు చున్నారు కదా!
అందము అదృశ్యమైనచో ఉపాధిని అంతగ మన్నించరు కదా! అందమైన పువ్వు వాడినప్పుడు జరుగుచున్నదేమి? అందము ఉపాధిని వీడినది.
ఆరాధింపబడు చున్నది అందము గనుక వాడిన పువ్వును మన్నింపరు. అట్లే స్త్రీ పురుష రూపములు, ఇతర రూపములు. ఉపాధి అందము కన్న లోతులలో గుణ సంపద అందముగ నుండును. సద్గుణ సంపదకు ఆకర్షింపబడుట కూడా అందమునకు ఆకర్షింపబడుటయే. పరిణామమున గుణ సంపద అందమును రుచి చూచిన వారు సద్గుణముల నారాధింతురు.
బాహ్య రూపమందముగ నుండి గుణము లందముగ లేనిచో అట్టివారిని ప్రేమించలేము. అసురులు అమితమైన అందము కలవారు. కాని వారిని ప్రజలు ప్రేమించరు. పై అందము నుండి లో అందములోనికి చేరుట పరిణామ దశ. గుణముల అందముకన్న వాని నధిష్ఠించియున్న జీవుని అందము కొన్ని వందల రెట్లు ఎక్కువ. పరిణామ క్రమమున గుణములను చూడక జీవులనే చూచువారు అందరినీ ప్రేమింతురు.
జీవుడు సహజ సౌందర్యము కలవాడు. అతడు సహజముగ చతుర్భుజుడు. దివ్యరూపి. యోగు లందరియందు ఆ దివ్య రూపమునే దర్శించుటచే వారు అమితానందమును పొందుచు నుందురు.
ఇట్లు అందమును ఆరాధించుట వలన రూపము, గుణము, జీవము, దైవము అను సోపానక్రమమున ఉపాసకుడు సిద్ధి పొందగలడు. శుక్ర విద్యయందీ రహస్యములు కలవు. మరణము దాటుటకు కూడ ఈ విద్య ఉపకరించును. శ్రీమాత అన్ని స్థితుల యందు అందముగనే యుండును.
ఆమె రూపము అందమైనది. గుణము అందమైనది. సాన్నిధ్యము మనోహరము. ఆమె కురుల నుండి పాదముల వరకు ఎంత అందమైనదో ముందు నామములలో తెలుపబడినది. ఆ రూపమును, ఆ అందమును తదేక దీక్షతో ఆరాధన చేసినచో పై తెలిపిన సోపానము లన్నియును శీఘ్రగతిని ఆరోహణము చేయవచ్చును.
శ్రీదేవి, శ్రీ మహా విష్ణువు, శ్రీ కృష్ణుడు ఇత్యాది రూపము లన్నియూ ఆరాధన చేయుట మన సంప్రదాయము. ఈ ఆరాధనమున మనోహరత్వము సులభముగ కలుగును. శాంతమైన ఆకారము, ప్రసన్నమైన వదనము, చిరుదరహాసము కల విగ్రహములనే ఆరాధనము చేయవలెను. అప్పుడు మనోవికారములు హరింపబడును.
సశేషం...
🌹 🌹 🌹 🌹 🌹
*🌹 Sri Lalitha Chaitanya Vijnanam - 241 🌹*
*1000 Names of Sri Lalitha Devi*
✍️. Ravi Sarma
📚. Prasad Bharadwaj
*🌻 Cāru-rūpā चारु-रूपा (241) 🌻*
She is the beauty incarnate. Cāru means pretty.
Continues...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #లలితాదేవి #LalithaDevi #లలితాసహస్రనామ #LalithaSahasranama
Join and Share
🌹. శ్రీ లలితా దేవి చైతన్యము Sri Lalitha Devi Chatanyam 🌹
https://t.me/srilalithachaitanyavijnanam
http://www.facebook.com/groups/srilalithachaitanyavijnanam/
Join and Share
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
మన మహర్షులు - 1
🍁🍁🍁🍁🍁🍁🍁
అగస్త్య మహర్షి:
🍁🍁🍁🍁🍁🍁🍁
శ్రీలు పొంగిన పుణ్యభూమి, భారతావనిలో అనితర సాధ్యమైన మహత్కార్యాలు చేసిన మహాత్ముడు. అగస్త్య మహర్షి.
ఈయన పుట్టడం కూడా చాలా విచిత్రంగా పుట్టాడు అగ్నిదేవుడూ, వాయుదేవుడూ ఈ ఇద్దరి అంశతో నిండుగా నీళ్ళున్న ఒక పాత్రలోంచి పుట్టాడు అగస్త్య మహర్షి అందుకే ఆయనకు కలశజుడు, కుంభసంభవుడు ఔర్వశ్రేయుడు, మిత్రావరణ పుత్రుడు, వహ్నిమారుత సంభవుడు అని ఇంకా అనేక
పేర్లున్నాయి
అగస్త్య మహర్షికి చిన్నతనంలో ఉపనయనం, ప్రణవ పంచాక్షరీ మంత్రోపదేశం అన్ని దేవతలే చేసేశారు. ఆయన బ్రహ్మచర్యం తీసుకుని తపస్సు చేస్తూ ఉండేవాడు.
ఒకసారి అడవిలో తిరుగుతూ తలక్రిందులుగా వ్రేలాడుతూ ఉన్న మునులని చూసి మీరెందుకు ఇలా ఉన్నారని అడిగాడు అగస్త్య మహర్షి
ఆ మునులు.. నాయనా ! మమ్మల్ని పితృదేవతలంటారు. మాకు పుణ్యలోకం రావాలంటే నువ్వు పెళ్ళి చేసుకోవాలి లేకపోతే మా గతి ఇంతే అన్నారు
అగస్త్యుడు ఇది విని మరి పెళ్ళి చేసుకోవాలంటే మంచి వధువు కావాలి కదా అందుకని తన తపోబలంతో పుత్రకాముడనే పేరున్న విదర్శరాజుకి ఒక చక్కటి కుమార్తె పుట్టాలని వరం ఇచ్చాడు
ఆ అమ్మాయి పేరు లోపాముద్ర .ఆ లోపాముద్రని అగస్త్యుడు పెళ్ళి చేసుకుని తనతో ఆశ్రమానికి తీసుకువచ్చాడు.
మణిమతీ పురానికి రాజు 'ఇల్వలుడు' అయనకి 'వాతాపి' అనే తమ్ముడుండే వాడు. ఇల్వలుడు తన తమ్ముడు వాతాపిని చంపి బ్రాహ్మణులకి వండి పెట్టేవాడు. తర్వాత వాతాపిని పిలవగానే వాతాని బ్రాహ్మణులు కడుపులో నుంచి బయటకి వచ్చేవాడు, ఈ విధంగా అన్నదమ్ములిద్దరూ కలిసి బ్రాహ్మణులని చంపేసేవాళ్ళు,
అగస్త్యుడు ధనం కోసం ఇల్వలుడి ఇంటికి వెళ్ళాడు. మామూలుగానే ఇల్వలుడు. ఇల్వలుడు వాతాపి చంపి, వండి పెట్టి, మళ్ళీ వాతాపిని పిలిచాడు. కానీ అగస్త్యుడు భోజనం చెయ్యగానే జీర్ణం జీర్ణం వాతాపి జీర్ణం' అన్నాడు. వాతాని జీర్ణం అయిపోయాడు. ఇల్వలుడు ఎంత పిలిచినా వాలాకు బయటికి రాలేదు. ఉంటే కదా ... రావడానికి.
ఇల్వలుడు అగస్త్యుడికి ధనం, బంగారం, ఆవులు ఇన్ని ఇచ్చి పంపించాడు, తర్వాత అగస్తుడికి ధృడస్యుడు అనే కొడుకు, తేజస్వి అనే మనుమడు కలిగారు. పితృదేవతలు పుణ్యలోకాలకి వెళ్ళిపోయారు.
వృత్రుడు అనే రాక్షసుడు ఇంద్రుణ్ణి జయించి ధర్మచరిత్ర గల మహర్షులందరినీ రాత్రి సమయంలో చంపి పగటి సమయంలో సముద్రంలో దాక్కుని ఉండేవాడు
మహర్షిలందరూ కలిసి ఆ సముద్రజలాన్ని అగస్త్య మహర్షికి దానమిచ్చారు. అగస్త్యుడు ఆ సముద్రాన్ని తన కమండలంలో పట్టి ఒక్క గుటకలో త్రాగేశాడు. వృత్రాసురుడు బైటపడ్డాడు. దధీచి దేహాన్ని ఆయుధాలుగా చేసుకుని దేవతలు వృత్రుణ్ణి చంపేశారు.
అగస్త్య మహర్షి దండకారణ్యంలో నివసిస్తూ ఉండగా శ్రీరాముడు అరణ్యవాసం చెయ్యడానికి వెడుతూ అగస్త్య మహర్షి ఆశ్రమానికి వెళ్ళాడు. ఖడ్గము విల్లు బాణాలు అక్షయమైన అమ్ములపాటి రాముడికి ఇచ్చి దీవించాడు. అగస్త్యుడు కొంతకాలం తర్వాత రామరావణ యుద్ధం అప్పుడు ఆదిత్యహృదయం అనే మహాస్తవం ఉపదేశించాడు.
పూర్వం సహుషుడనే రాజు సూరు అశ్వమేధ యాగాలు చేసి ఇంద్రపదవిని పొందాడు. కానీ, ఐశ్వర్యం ఉందన్న అహంకారంతో శచీదేవిని తనతో ఉండమని అడిగాడు. శచీదేవి మునులను వాహనంగా చేసుకుని రమ్మంది. నహుషుడు శచీదేవి రగ్గరికెడుతూ మునులని రథం మొయ్యమని చెప్పాడు. పూర్వాచార్యులు మంత్రాల్ని, బ్రాహ్మణుల్నీ నిందించటం తప్పని చెప్పిన అగస్త్యుడి తల మీద తన్నాడు సహుషుడు, సహుఘడిని క్రూరసర్పముగా మారమని శపించాడు అగస్త్యుడు. తర్వాత నహుషుడి కోరిక మీద పూర్వజ్ఞానం ఉండేలా కరుణించాడు అగస్త్యుడు
అగస్త్యుడు 'ద్వాదశ వార్మిక యజ్ఞం' చేశాడు. అంటే ఆ యజ్ఞం వన్నెండు సంవత్సరాలు జరిగింది. దానికి ఇంద్రుడు సహకరించలేదు. అప్పుడు అగస్త్యుడు తానే ఇంద్రపదవి పొంది వర్షాలు కురిపించి నిధులు తెచ్చుకుంటాను అన్నాడు. మునులు ఇంద్రుడు భయపడి కుంభవృష్టి కురిపించాడు.
సూర్యుడు మేరు పర్వతం చుట్టూ తిరుగుతూ తన చుట్టూ తిరగడం లేదని వింధ్యపర్వతం కోపగించి సూర్య, చంద్ర, నక్షత్రాల గమనం ఆపేసినప్పుడు 'మేం తిరిగి వచ్చే వరకు నువ్వు భూమికి సమానంగా ఉండు. మేమిప్పుడు దక్షిణాపథం వెడుతున్నామని '
చెప్పాడు. ఈ విధంగా వింధ్య పర్వతానికి సహజంగా ఉండే పెరుగుదల కూడా లేకుండా దాని గర్వాన్ని
ఆడిగించాడు అగస్త్యుడు .
అగస్త్యుడు భార్యతో కలసి యాత్రలు చేస్తూ గోదావరీ తీరంలో ఉన్న పంపానరోవరం, దండకారణ్యం, గోదావరీ తీరం, కోటిపల్లి, పలివెల, భీమేశ్వరం
ద్రాక్షారామం, వీరభద్రశేఖరం మొదలయినవి చూసి కొల్హాపురం చేరి అక్కడ లక్ష్మీదేవికి స్తోత్రం చేశాడు.
లక్ష్మీదేవి అగస్త్యుణ్ణి ద్వాపర యుగంలో వేదవ్యాసుడవై పుట్టి వారణాశిలో ఉంటావని దీవిస్తుంది.
పరశురాముడు అగస్త్యుడు అచ్చిన కృష్ణకవచాన్ని ధరించే ఇరవై ఒక్కసార్లు రాజుల్ని చంపగలిగాడు.
ఒకప్పుడు ఇన్ద్రద్యుమ్నుడు విష్ణుమూర్తిని ధ్యానిస్తూ అగస్త్యుడు రావడం చూడలేదు, అగస్త్యుడికి కోపం వచ్చి ఏనుగునై పుట్టమని పించాడు, శ్రీమద్ భాగవతం లో గజేంద్రమోక్షంలో ఉన్న గణేంద్రుడే ఈ ఇంద్రద్యుమ్నుడు.
అగస్త్యుడు రాసిన గ్రంథాలు 'అగస్త్యగీత అగస్త్యసంహిత",
అగస్త్య మహర్షి ఎప్పుడూ లోకం కోసమే పాలుపడ్డాడు. ఎంతో మందికి విద్యాదానంచేశాడు. ఎంత చెప్పినా అయిపోని గొప్పతనం ఆయనది.
🍁🍁🍁🍁🍁🍁
#ChaitanyaVijnanam #PrasadBhardwaj #చైతన్యవిజ్ఞానం #మనమహర్షులు
Join and Share
భారతీయ మహర్షుల బోధనలు Maharshula Wisdom
www.facebook.com/groups/maharshiwisdom/
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
