10) 🌹. గీతోపనిషత్తు - సాంఖ్య యోగము - 169🌹
11) 🌹. శివ మహా పురాణము - 369🌹
12) 🌹 Light On The Path - 118🌹
13) 🌹. భారతీయ మహర్షుల - మార్గదర్శకుల జ్ఞానం - 251🌹
14) 🌹 Seeds Of Consciousness - 316🌹
15) 🌹. భగవద్దర్శిని - అవతార్ మెహర్ - 191🌹
16) 🌹. శ్రీ లలితా సహస్ర నామములు - 46 / Lalitha Sahasra Namavali - 46🌹
17) 🌹. శ్రీ విష్ణు సహస్ర నామములు - 46 / Sri Vishnu Sahasranama - 46🌹
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. గీతోపనిషత్తు -169 🌹*
✍️. సద్గురు కంభంపాటి పార్వతి కుమార్
సేకరణ : ప్రసాద్ భరద్వాజ
*📚. 6వ అధ్యాయము - ఆత్మ సంయమ యోగము 📚*
శ్లోకము 12
*🍀 12. యోగాభ్యాసము - స్థిరమగు ఆసనముపై కూర్చుండి మనస్సును ఇంద్రియ వ్యాపారముల నుండి విరమింప జేసి "తత్" విషయముపై స్థిరముగ నిలుపుట అభ్యాసము చేయవలెను. దానివలన ఆత్మ మనో ఇంద్రియ వ్యాపారముల నుండి శుద్ధి చెంది తానను వెలుగుగ నిలచును. సాధకుని యందు భావ పరంపరలన్నియు ఉపసంహరింప బడినపుడు వానికి మూలమైన వెలుగు తన అంతఃకరణ యందు గోచరించును. కావున అట్లు గోచరించుటకు మనో ఇంద్రియ వ్యాపారములు నియమింప బడవలెను. మనస్సు, ఇంద్రియములు, నియమింప బడ వలె నన్నచో, జీవన విధానమున యమనియమములు పాటింపబడ వలెను. 🍀*
తత్రైకాగ్రం మనః కృత్వా యతచిత్తేంద్రియక్రియః |
ఉపవిశ్యాసనే యుంజ్యా ద్యోగ మాత్మవిశుద్ధయే II 12
స్థిరమగు ఆసనముపై కూర్చుండి మనస్సును ఇంద్రియ వ్యాపారముల నుండి విరమింప జేసి "తత్" విషయముపై స్థిరముగ నిలుపుట అభ్యాసము చేయవలెను. దానివలన ఆత్మ మనో ఇంద్రియ వ్యాపారముల నుండి శుద్ధి చెంది తానను వెలుగుగ నిలచును.
ఈ శ్లోకము ఆత్మసంయమ యోగమునకు కీలక సూత్రము. ఈ అభ్యాసము చేయవలెనన్నచో ముందు తెలిపిన అర్హత లన్నియు సాధకునకు కూడవలెను. అందెట్టి లోపమున్నను ఆత్మ సంయమము అభ్యాసము చేయుటకు వీలుపడదు. ఆత్మ నుండియే బుద్ధియను వెలుగు వ్యక్తమగును.
ఆ వెలుగు ఆధారముగ పంచప్రాణములు, పంచేంద్రియములు, కర్మేంద్రియములు, దేహము ఏర్పడుచుండును. ఆ వెలుగు అంతః కరణమున వ్యాపించి యుండును. ఇన్నిటిలోనికి వ్యాపించినది ఆత్మ వెలుగే.
సూర్యుని నుండి కిరణములు వ్యాపించినట్లుగ ఆత్మనుండి వెలుగు కిరణములు మనస్సు, ఇంద్రియములు, దేహము, బాహ్యములోనికి వ్యాప్తి చెందుచుండును. సూర్య కిరణములు ప్రచండముగ వ్యాప్తి చెందినపుడు సూర్యబింబమును దర్శనము చేయలేము. అట్లే ఇంద్రియ వ్యాపారముల యందు అనేకానేక భావములతో తిరుగాడుచున్న సాధకునకు ఆత్మదర్శనము దుర్లభము.
కిరణములు ఉపసంహరింప బడినపుడు సూర్య బింబము మనోహరముగ గోచరించును. అట్లే సాధకుని యందు భావ పరంపరలన్నియు ఉపసంహరింప బడినపుడు వానికి మూలమైన వెలుగు తన అంతఃకరణ యందు గోచరించును. కావున అట్లు గోచరించుటకు మనో ఇంద్రియ వ్యాపారములు నియమింప బడవలెను. మనస్సు, ఇంద్రియములు, నియమింపబడ వలె నన్నచో, జీవన విధానమున యమనియమములు పాటింపబడ వలెను.
యమనియమములను పాటించుటకు జీవుని స్వభావము అడ్డు తగులుచుండును. స్వభావము అడ్డు తగులకుండుటకై ఈశ్వర ప్రణిధానము నభ్యాసము చేయవలెను. కేవలము ధ్యానముపై ఆసక్తి చాలదని, జీవితమున యమ నియమములు పాటింపనివారు యతచిత్తులు కాలేరని తెలియ వలెను. మనస్సు పరిపరి విధముల పోకుండుటకే యమనియమ ముల అభ్యాసము. అందువలననే ఈ శ్లోకమున “యతచిత్త ఇంద్రియః" అను పదములు సూచింపబడినవి. యయ నియమములు పాటింపబడుట వలన స్వభావము కొంత శాంతపడును.
మనస్సునకు నిలకడ చిక్కును. నిలకడగ నున్న మనస్సును గూర్చియే ఈ శ్లోకమున 'ఉపవిశ్య ఆసనే' అను పదమున తెలియ నగును. మనస్సు నిలకడ చెందినపుడు ఆసనము సిద్ధించినట్లే.
మనసు నిలకడగ నున్నపుడు భావ తీవ్రత యుండదు. చూచినవి, విన్నవి, మాట్లాడినవి, తిన్నవి, స్పృశించినవి, వాసన చూచినవి ఏవియును అట్టి సమయమున కలవర పెట్టవు. దేహమునకు స్థిరమగు ఆసన మేర్పడును.
యోగమున ఆసనము స్థిరముగ నుండుట అనగ మనస్సు, ఇంద్రియములు, శరీరము స్థిరముగ నుండుట. సంచలనము లేక యుండుట. ఒకానొకచో సంచలము గోచరించిన, మనస్సును ఉచ్ఛ్వాస నిశ్వాసల పై లగ్నము చేయుటవలన సంచలనము తగ్గును. శ్వాస వేగమును క్రమముగ తగ్గించినకొలది భావవేగము తగ్గును. ప్రశాంతత చిక్కును. శ్వాసయందు మనస్సును లగ్నము చేయుట ముందు అధ్యాయములో తెలుపబడినది.
ఎట్లైనను ఆసనసిద్ధి కలిగిన తరువాతనే మనస్సును భావములు పుట్టు చోటుయందు లగ్నము చేయుటకు వీలు పడును. 'తతైకాగ్రం' అను పదము శ్లోకమున వాడబడినది. “అక్కడ మనసు లగ్నము చేయుట" అని ఆ పద తాత్పర్యము. అక్కడ అనగ ఎక్కడ అను ప్రశ్న పెద్దలచే పరిష్కరింపబడినది. భావములు పుట్టుచోటు అని నిర్ణయింపబడినది. ఆ చోటును దర్శించుటకు సాధకుని మనోప్రజ్ఞ లగ్నము చేయబడుట అభ్యాసముగ ఈ శ్లోకము తెలుపుచున్నది.
ఆ పుట్టు చోటును భ్రూమధ్యమున గాని, హృదయమున గాని దర్శించుటకు ప్రయత్నింప వచ్చును. ఇట్టి ప్రయత్నము చాలకాలము సాగవలెను. అపుడు సాధకుడు మనో నిశ్చలతను బట్టి అంతరంగ ప్రవేశము చేయును. బహిఃకరణముల నుండి అంతఃకరణముల లోనికి ప్రవేశించును.
భ్రూమధ్య కేంద్రము గాని, హృదయ కేంద్రము గాని అంతఃకరణము లోనిదే. అందు ప్రవేశించుట కొరకే అంతర్ముఖముగ మనస్సును లగ్నము చేసి స్థిరపరచుట. అట్లు ప్రవేశించు ప్రయత్నము యోగాభ్యాసము ('యుం' జ్యాత్ యోగం). పై విధమగు వివరములు తెలియక ధ్యానము చేయుట నిష్పయోజనము.
సశేషం...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #గీతోపనిషత్ #సద్గురుపార్వతీకుమార్
Join and Share
🌹. భగవద్గీత BhagavadGita Telegram, WA, FB Groups 🌹
https://t.me/BhagavadGita_Telugu_English
www.facebook.com/groups/bhagavadgeetha/
https://chat.whatsapp.com/BzCAiTrm6X9K1NsjyGWzlg
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 . శ్రీ శివ మహా పురాణము - 369🌹*
రచన ✍️. స్వామి తత్త్వ విదానంద సరస్వతి
📚. ప్రసాద్ భరద్వాజ
*🌴. రుద్ర సంహితా - పార్వతీ ఖండః 🌴*
అధ్యాయము - 09
*🌻. పార్వతి స్వప్నము - 1 🌻*
నారదుడిట్లు పలికెను-
తండ్రీ! వీధీ! నీవు శివభక్తా గ్రేసురుడవు. ప్రాజ్ఞుడవు. అద్భుత మగు గాథను వర్ణించితవి. నా యందు దయను చూపితివి. నాకు అధికమగు ఆనందము వర్ధిల్లినది(1). హే విధీ! దివ్య దర్శుడనగు నేను నా స్థానమునకు మరలి పోయిన తరువాత ఏమయ్యెను? తండ్రీ! దయతో నాకా వృత్తాంతమును ఇప్పుడు చెప్పుము(2)
బ్రహ్మ ఇట్లు పలికెను-
ఓ మహర్షీ! నీవు స్వర్గమునకు వెళ్లిన పిదప, కొంతకాలము గడిచిన తరువాత, ఒకనాడు మేన హిమవంతుని సమీపమునకు వచ్చి నమస్కరించెను (3). ఆ హిమవంతుని ప్రియురాలు ప్రాణముల కంటె అధికమగు ప్రేమ కుమరై యందు కలిగి యున్నదై, తన భార్త యగు పర్వత రాజుతో వినయ పూర్వకముగా నిట్లనెను(4).
మేన ఇట్లు పలికెను-
స్త్రీస్వభావము వలన నాకు మహర్షి వాక్యము సరిగా తెలియలేదు. నీవు మన కుమారైకు సుందరుడగు వరునితో వివాహమును చేయుము(5). ఈ వివాహము అన్నివిధములుగా అపూర్వమగు సుఖమును కలిగించునది కావలెను. పార్వతికి మంచి లక్షణములు కలిగి మంచి కులములో పుట్టిన వాడు వరుడు కావలెను. (6). హే ప్రియా! నాకు ప్రాణములతో సమముగా ప్రియమగు నా కుమార్తె సుఖమును పొందవలెను. ఆమె మంచి భర్తను పొంది మిక్కిలి అనందమును పొందు విధముగా చేయుము. నీకు నమస్కారము(7).
బ్రహ్మ ఇట్లు పలికెను-
అపుడు మేన ఇట్లు పలికి కన్నుల నీరు స్రవించుచుండగా భర్త పాదములపై పడెను. ప్రాజ్ఞలలో శ్రేష్ఠుడగు హిమవంతుడు ఆమెను పైకి లేవదీసి యోగ్యమగు తీరులో నిట్లుపలికెను (8).
హిమవంతుడిట్లనెను-
ఓ దేవీ ! మేనా! నేను విమర్శించి యథార్థమును చెప్పుచున్నాను. నీవు వినుము. భ్రమను విడిచి పెట్టుము. మహర్షి వాక్యము ఎన్నటికీ పొల్లు గాదు (9). నీకు అమ్మాయిపై ప్రేమ గలదు గాన, నీవామెకు శ్రద్ధగా శిక్షణ నిమ్ము. ఆమె స్థిరమగు మనస్సుతో భక్తితో శంకరుని అనుగ్రహము కొరకై తపమాచరించవలెను (10). ఓ మేనా! శివుడు ప్రసన్నుడైనచో, కాళికను వివాహమాడ గలడు. సర్వము సుసంపన్నమగును. నారదుడు చెప్పిన అమంగళము మటుమాయమగును (11). అమంగళములన్నియూ సదా శివుని యందు మంగళములుగా మారును. కావున నీవు వెంటనే అమ్మాయి తపస్సు చేసి శివుని పొందు విధముగా శిక్షణ నిమ్ము (12).
బ్రహ్మ ఇట్లు పలికెను-
హిమవంతుని ఈ వాక్యమును విని మేన మిక్కిలి సంతసిల్లెను. అమె కుమారైకు ఉపదేశించి తపస్సు నందు అభిరుచి కలుగ జేయుట కొరకై ఆమె వద్దకు వెళ్లెను (13). సుకుమారమగు కమారై దేహమును చూచి మేన మిక్కిలి దుఃఖించెను. వెను వెంటనే ఆమె కన్నులు నీటితో నిండెను(14). హిమవంతుని ప్రియరాలగు మేన తన అభిప్రాయమును కుమారైతో చెప్పలేక పోయెను. కాని ఆ పార్వతి తల్లి యొక్క అభిప్రాయమును శీఘ్రముగా కనిపెట్ట గల్గెను (15). సర్వజ్ఞురాలు, పరమేశ్వరి యగు ఆ కాలికా దేవి అపుడు వెంటనే తల్లిని అనేక పర్యాయములు ఓదార్చి ఇట్లు పలికెను.(16).
పార్వతి ఇట్లు పలికెను-
తల్లీ! నా మాటను వినుము. నీవు మహాప్రాజ్ఞురాలవు. నిన్న తెల్లవారు జామున బ్రాహ్మ ముహూర్తమునుందు నేను స్వప్నమును గాంచితిని. దానిని చెప్పెదను. దయచేసి వినుము(17). తల్లీ! తపస్వి యగు ఒక విప్రుడు నా యందు దయ గలవాడై ప్రీతి పూర్వకముగా నన్ను శివుని గురించి మంచి తపస్సును చేయుమని ఉపదేశించెను. (18).
సశేషం....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #శివమహాపురాణము
Join and Share
🌹. చైతన్య విజ్ఞానం Spiritual wisdom FB Telegram groups 🌹
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 LIGHT ON THE PATH - 118 🌹*
*🍀 For those WHO DESIRE TO ENTER WITHIN - For DISCIPLES 🍀*
✍️. ANNIE BESANT and LEADBEATER
📚. Prasad Bharadwaj
CHAPTER 8 - THE 20th RULE
*🌻 20. Seek it not by any one road. - 11 🌻*
448. Each man is to himself absolutely the way, the truth, and the life. But he is only so when he grasps his whole individuality firmly, and by the force of his awakened spiritual will, recognizes this individuality as not himself, but that thing which he has with pain created for his own use and by means of which he purposes, as his growth slowly develops his intelligence, to reach to the life beyond individuality. When he knows that for this his wonderful complex, separated life exists, then, indeed, and then only, he is upon the way.
449. C.W.L. – The way – meaning the true spiritual life – can only be found after the experience of building up the individuality. The expression used here by the Venetian Master – that complex thing which man has built with much trouble and pain for his own use – is true of the individuality, and again, of each personality.
The individuality itself is so built by the Monad; it builds in turn its various personalities, but all for the use of the higher, and for that alone; the mistake all men make is that of identifying themselves with the lower nature, and allowing it to delude them into supposing that it is the “I”, instead of which the “I” is in reality the Monad far behind, which is using all these vehicles.
450. The whole evolution of man can be stated as a withdrawing into himself, but always bringing his sheaves with him, never returning empty-handed. This process of handing up the result of experience by the lower to the higher is going on at all levels all the time.
There are many ways in which we are doing that in every-day life, only we do not think of it in that light. For example, we know how to read; we gained that power in this incarnation by passing very slowly through a long process of learning. Now we can take up a book and understand its meaning at once, without having to think of being able to read.
We have forgotten the details of that experience, and it would be of no value to us to remember them. Some of us have learnt to read music, and can play it off at sight, but at first when we were learning we bad to look carefully at each note and then look down at the piano to find it.
Now the fact that we had to pass through all that labour is forgotten. We do not need to remember all the separate music lessons in order to be able to play, which was the object of the whole process.
451. It is just the same with the memory of past lives. People who believe in reincarnation often have a sense of resentment at the back of their minds, because they do not remember that for which they are now suffering, even while they are ready to admit that it is the result of wrong doing in the past.
That feeling is perhaps quite natural, but it really does not matter in the least; the soul does know, and has made a note of that which has brought the evil result, and will do all it can to influence the personality so as to prevent the same mistake from occurring again.
Continues...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #LightonPath #Theosophy
Join and Share
Thosophical Teachings దివ్యజ్ఞాన సందేశములు
www.facebook.com/groups/theosophywisdom/
Join and Share
🌹. చైతన్య విజ్ఞానం Spiritual wisdom FB Telegram groups 🌹
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. భారతీయ మహర్షుల - మార్గదర్శకుల జ్ఞానం - 249 🌹*
🌷. సద్గురు శివానంద 🌷
📚. ప్రసాద్ భరద్వాజ
*🌻. జడమహర్షి - 4 🌻*
18. తల్లి కడుపున పడ్డదిమొదలు మనుష్యుడికి సుఖం లేదు. స్వర్గముకూడా దుఃఖకరమే. ఎందుకంటే, పుణ్యం ఉన్నంత కాలమే స్వర్గప్రాప్తి కలుగుతుంది. పుణ్యం క్షీణించిపోగానే తిరిగి భూలోకప్రాప్తి తప్పదు. భయానికికూడా అది హేతువౌతుంది.
19. అందువల్ల అది సుఖకరం కాదని పెద్దలు చెపుతూంటారు. నరకము ఘోరమైన, తీవ్రమైన, దుస్తరమైన యాతనాకరమైన విషయము. దానిని గురించి చెప్పవలసిన పనిలేదు. నరకం ఎట్లా ఉంటుందో దానిని గురించి చెప్పేదేముంది? చాలాబగా ఉన్నరోజులలోనే ఇన్ని కష్టాలు పడుతూకూడా, బాగా లేము అని అంటూంటాం.
20. ఇక నరకంమాట చెప్పేదేముంది? పశువు, పురుగు, క్రిమికీటకాదుల యాతనలు అనంతములైనవి. ఆ జీవితాలనుంచీ బయటకు వెళ్ళటం తప్పనిసరి. అందుచేతనే ఈ త్రయీమార్గమునుండి బుద్ధి మరల్చి నైష్కర్మభావం పూనాను” అని చెప్పాడు జడమహర్షి.
21. వైదికమార్గము ఈ లోకంలో సుఖాన్నిస్తుందని, అందులో సందేహం లేదని, పితృదేవతలు ఆర్య జనానికి సంతతి, ఆయుర్దాయం, భోజనం, సుఖం అన్నీ ఇస్తారు అని కూడా బోధించాడు జడమహర్షి. త్రయి(మూడు) అంటే వేదములు. వేదం చెప్పిన వైదికమార్గములు ఇక్కడ ఈ లోకంలో సుఖాన్నిస్తాయనటంలో సందేహం లేదు.
22. జీవుడికి ఏ జన్మలోనైనా సుఖం కలిగినా, మరణంలో అంతోఇంతో వేదన ఉన్నది. వెళ్ళిపోతాడు. మళ్ళీ వస్తాడు. ఇది చర్వితచరణం. ఇలాగే తిరుగుతాడు తప్ప ఎప్పటికీ ముందడుగు వెయ్యడు. గానుగ చుట్టూ తిరిగే ఎద్దు అక్కడే ఉంటుంది. పొద్దుట నుంచీ సాయంత్రం దాకా 10 కిలోమీటర్లు నడుస్తూనే ఉంటుంది కానీ దూరం వెళ్ళదు. అక్కడే చుట్టూ తిరుగుతూ ఉంటుంది. అది సాయంత్రం దాకా నడిచి, గమనశీలంగా ఉంటుంది కాని ప్రగతి లేదు. జీవుడు కూడా అంతే! అలాగే జన్మనుంచి మృత్యువు, మృత్యువు నుంచీ జన్మ – అలాగే ఉంటాడని జడమహర్షి భార్గవుడికి బోధచేసాడు.
సశేషం....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #మహర్షులజ్ఞానం #సద్గురుశివానంద
Join and Share
భారతీయ మహర్షుల బోధనలు MAHARSHULA WISDOM
www.facebook.com/groups/maharshiwisdom/
Join and Share
🌹. చైతన్య విజ్ఞానం Spiritual wisdom FB Telegram groups 🌹
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 Seeds Of Consciousness - 316 🌹*
✍️ Nisargadatta Maharaj
Nisargadatta Gita
📚. Prasad Bharadwaj
*🌻 165. Whatever is created is created by the knowledge 'I am', there is no other path, only this conviction. This is it! The name and body arise from the 'I am'. 🌻*
First you have to develop the understanding that the knowledge 'I am' is the creator of everything. This includes your name and form, both are products of the 'I am'. You must develop the thorough understanding that, yes, this is it - the 'I am' is the beginning and the end of everything.
Then, once you have the understanding, you have to abide in the 'I am' or constantly meditate on it. This abidance is done to make your understanding a certitude or conviction that is unassailable. This is the only way out; there is no other path.
Continues....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #SeedsofConsciousness #Nisargadatta
Join and Share
🌹. Daily satsang Wisdom 🌹
www.facebook.com/groups/dailysatsangwisdom/
https://t.me/Seeds_Of_Consciousness
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. భగవద్దర్శిని - అవతార్ మెహర్ - 191 🌹*
✍️. శ్రీ బాలగోపాల్
📚. ప్రసాద్ భరద్వాజ
*🌻. భగవంతుని పదవపాత్ర సద్గురువు - నాల్గవ దివ్య యానము - సద్గురువు -అవతార పురుషుడు. - 5 🌻*
" అహం బ్రహ్మాస్మి"
719. "అహంబ్రహ్మాస్మి" జ్ఞానము, బ్రహ్మీభూతునకు జీవన్ముక్తునకు, సద్గురువునకు, అవతార పురుషునకు తరహాలుగా ఉండును.
1. బ్రహ్మీ భూతుడు:- అనంతముగా "నేను భగవంతుడను" అని ఉండును.
2. జీవన్ముక్తుడు:- " సమస్తము నాతో ఉన్నది"
3. సద్గురువు :- "సమస్తము నాది"
"సమస్తము నాలో ఉన్నది"
"సమస్తము నా నుండి ఉన్నది"
4. అవతారము :-"నేను భగవంతుడను" సర్వము "నేనే"
" నేను సమస్తమందున్నాను"
" సమస్తము నాలో ఉన్నది, నా
నుండి వచ్చుచున్నది."
720. |* | కోశములు | అనుబంధ లోకములు | లోకానుభవము కలవారు |
|1. | అన్నమయకోశము | భౌతిక ప్రపంచము | సామాన్య మానవులు |
|2. | ప్రాణమయకోశము | సూక్ష్మ ప్రపంచము | యోగులు |
|3. | మనోమయకోశము | మానసిక ప్రపంచము | మహాపురుషులు, సత్పురుషులు |
|4. | ఆనందమయకోశము | సత్యలోకము | బ్రహ్మీభూతులు, జీవన్ముక్తులు, సలీక్‌లు |
|5. | విజ్ఞానమయకోశము | | సద్గురువులు, అవతార పురుషులు |
సశేషం...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #భగవద్ధర్శిని #అవతారమెహర్
Join and share
Meher Baba అవతార్ మెహర్ బాబా
www.facebook.com/groups/avataarmeherbaba/
Join and Share
🌹. చైతన్య విజ్ఞానం Spiritual wisdom FB Telegram groups 🌹
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
🌹. శ్రీ లలితా సహస్ర నామములు - 46 / Sri Lalita Sahasranamavali - Meaning - 46 🌹
🌻. మంత్రము - అర్ధం 🌻
📚. ప్రసాద్ భరద్వాజ
*🍀 46. నిష్కారణా, నిష్కళంకా, నిరుపాధి, ర్నిరీశ్వరా ।
నీరాగా, రాగమథనీ, నిర్మదా, మదనాశినీ ॥ 46 ॥ 🍀*
🍀 152. నిష్కారణా -
ఏ కారణము లేనిది.
🍀 153. నిష్కళంకా -
ఎటువంటి దోషము లేదా పాపము లేనిది.
🍀 154. నిరుపాధిః -
ఏ విధమైన అవిద్యా సంబంధమైన ఉపాధులు లేనిది.
🍀 155. నిరీశ్వరా - ఇంకా తనను పైన ప్రభువు అనువారెవరూ లేనిది.
🍀 156. నిరాగా -
రాగము అనగా కోరికలు లేనిది.
🍀 157. రాగమథనీ -
రాగమును పోగొట్టి, వైరాగ్యమును కలుగుజేయునది.
🍀 158. నిర్మదా -
మదము లేనిది.
🍀 159. మదనాశినీ -
మదమును పోగొట్టునది.
సశేషం....
🌹 🌹 🌹 🌹 🌹
🌹. Sri Lalita Sahasranamavali - Meaning - 46 🌹
📚. Prasad Bharadwaj
*🌻 46. niṣkāraṇā niṣkalaṅkā nirupādhir nirīśvarā |*
*nīrāgā rāgamathanī nirmadā madanāśinī || 46 || 🌻*
🌻 152 ) Nishkarana -
She who does not have cause
🌻 153 ) Nishkalanka -
She who does not have blemishes
🌻 154 ) Nirupadhi -
She who does not have basis
🌻 155 ) Nireeswara -
She who does not have any one controlling her
🌻 156 ) Neeraga -
She who does not have any desires
🌻 157 ) Ragha madhani -
She who removes desires from us
🌻 158 ) Nirmadha -
She who does not have any firm beliefs
🌻 159 ) Madhanasini -
She who destroys beliefs
Continues...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #లలితాదేవి #LalithaDevi #లలితాసహస్రనామ #LalithaSahasranama
Join and Share
🌹. శ్రీ లలితా దేవి చైతన్యము Sri Lalitha Devi Chatanyam 🌹
https://t.me/SriMataChaitanyam
http://www.facebook.com/groups/srilalithachaitanyavijnanam/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. శ్రీ విష్ణు సహస్ర నామములు - 46 / Sri Vishnu Sahasra Namavali - 46 🌹*
*నామము - భావము*
📚. ప్రసాద్ భరద్వాజ
*🌻. ఓం నారాయణాయ విద్మహే వాసుదేవాయ ధీమహి తన్నో విష్ణు ప్రచోదయాత్ 🌻*
*కన్యా రాశి- ఉత్తర నక్షత్ర 2వ పాద శ్లోకం*
🍀 46. విస్తారః స్థావర స్థాణుః ప్రమాణం బీజమవ్యయం।*
*అర్ధో నర్థో మహాకోశో మహాభోగో మహాధనః॥ 🍀*
🍀 426) విస్తార: -
సమస్త లోకములు తనయందే విస్తరించి ఉన్నవాడు.
🍀 427) స్థావర: స్థాణు: -
కదులుట మెదలుట లేనివాడు.
🍀 428) ప్రమాణం -
సకలమునకు ప్రమాణమైనవాడు.
🍀 429) బీజమవ్యయం -
క్షయము కాని బీజము.
🍀 430) అర్థ: -
అందరిచే కోరబడినవాడు.
🍀 431) అనర్థ: -
తాను ఏదియును కోరనివాడు.
🍀 432) మహాకోశ: -
అన్నమయాది పంచకోశములచే ఆవరించినవాడు.
🍀 433) మహాభాగ: -
ఆనంద స్వరూపమైన భోగము కలవాడు.
🍀 434) మహాధన: -
గొప్ప ఐశ్వర్యము కలవాడు.
సశేషం....
🌹 🌹 🌹 🌹 🌹
*🌹 Vishnu Sahasra Namavali - 46 🌹*
*Name - Meaning*
📚 Prasad Bharadwaj
*🌻 OM NARAYANAYA VIDMAHE VASUDEVAYA DHIMAHI । TANNO VISHNU PRACHODAYAT ॥ 🌻*
*Sloka for Kanya Rasi, Uttara 2nd Padam*
*🌻 46. vistāraḥ sthāvaraḥsthāṇuḥ pramāṇaṁ bījamavyayam |*
*arthōnarthō mahākōśō mahābhōgō mahādhanaḥ|| 46 || 🌻*
🌻 426. Vistāraḥ:
One in whom all the worlds have attained manifestation.
🌻 427. Sthāvaraḥ-sthāṇuḥ:
One who is firmly established is Sthavara, and in whom long lasting entities like earth are established in Sthanu. The Lord is both these.
🌻 428. Pramāṇaṁ:
One who is of the nature of pure consciousness.
🌻 429. Bījamavyayam:
One who is the seed or cause of Samsara without Himself undergoing any change.
🌻 430. Arthaḥ:
One who is sought (Arthita) by all, as He is of the nature of bliss.
🌻 431. Anarthaḥ:
One who, being self-fulfilled, has no other Artha or end to seek.
🌻 432. Mahākōśaḥ:
One who has got as His covering the great Koshas like Annamaya, Pranamaya etc.
🌻 433. Mahābhōgaḥ:
One who has Bliss as the great source of enjoyment.
🌻 434. Mahādhanaḥ:
One who has got the whole universe as the wealth (Dhana) for His enjoyment.
Continues...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #విష్ణుసహస్రనామములు #VishnuSahasranama
Join and Share
విష్ణు సహస్రనామ స్తోత్రము / Vishnu Sahasranama group.
https://t.me/vishnusahasra
www.facebook.com/groups/vishnusahasranam/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
