🌹. మైత్రేయ మహర్షి బోధనలు - 145 🌹
✍️. రచన : సద్గురు కె. పార్వతీ కుమార్
సేకరణ : ప్రసాద్ భరద్వాజ
🌻 108. దేవ దానవులు -2🌻
మనిషి యందు అయస్కాంత శక్తి వెనుక గల బలము సంకల్పము, బుద్ధియే అని ఎరుగవలెను. మహాత్ముల యందు, సద్గురువుల యందు ఈ రెండు బలములు దర్శనమిచ్చుచుండును. జాతిపిత యని అందరిచే గౌరవింపబడిన మహాత్మా గాంధి యందు కూడ ఈ దివ్య శక్తులే ప్రవేశించి, కార్యమును నిర్వర్తించినవి.
సంకల్పశక్తి వాడియైన బాణముకన్న పదునైనది. దానిని దిశా నిర్దేశము చేయునది బుద్ధి. బుద్ధి అధ్యక్షతన సంకల్పము నిర్వర్తింప బడవలె ననుటకు సంకేతమే గణపతి గురుత్వము, కుమారుని శిష్యత్వము. బుద్ధి అధిష్ఠించి, సంకల్పము నిర్వర్తింపబడినచో మానవుడు దివ్యత్వము నొందుచుండును. బుద్ధి లోపించినచో మానవుడు దానవుడగును. రామ రావణులకు, కర్ణార్జునులకు ఇదియే భేదము.
చివరి భాగము
సమాప్తము..... 🙏
🌹 🌹 🌹 🌹 🌹
07 Jul 2022
