🌹. మైత్రేయ మహర్షి బోధనలు - 135 🌹
✍️. రచన : సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 102. బృందము - జీవము - 2 🌻
వృక్షము కూడ పెద్ద, చిన్న, బుల్లి కొమ్మలతో అలరారు చుండును. ఒక బృందమున వృద్ధులకు, స్త్రీలకు, పురుషులకు పిల్లలకు ప్రత్యేక కార్యక్రమములుండవలెను. అందరు కలిసి పాల్గొను కార్యక్రమములు కూడ ఉండవలెను. ఏకత్వమందు భిన్నత్వము, భిన్నత్వమందు ఏకత్వము గమనించి తదనుగుణముగ కార్యక్రమముల నేర్పరచు బృంద గణపతి, బృందములకు సరియైన పురోగతి నందించ గలడు.
అందరికిని వారి సహజ సమర్థతకు సరిపడు రీతిని కార్యక్రమములను రూపొందించ వలెను. ఒకరి కార్యక్రమములకు మరియొకరి కార్యక్రమములకు సహకారముండునట్లు కూడ ఏర్పాటు చేయవలెను. పై విధముగ యుక్తి యుక్తముగ బృందము నందు కార్యము లేర్పరచినచో వృక్షము వలె బృందము కూడ కలకాలము సమాజ సేవలందించ గలదు. ఈ జ్ఞానము లేక బృందములను నిర్మించుట వ్యర్థము. ఈ జ్ఞానమే, బృందములకు ప్రాణము.
సశేషం.....
🌹 🌹 🌹 🌹 🌹
17 Jun 2022
No comments:
Post a Comment