భోగి పండుగ శుభాకాంక్షలు / Happy Bhogi Festival

https://youtube.com/shorts/FBfMfrXSip4

🌹 భోగి పండుగ శుభాకాంక్షలు అందరికి Happy Bhogi Festival to all 🌹

ప్రసాద్‌ భరధ్వాజ

తప్పకుండా వీక్షించండి

Like, Subscribe and Share

🌹🌹🌹🌹🌹

భోగి పండుగ శుభాకాంక్షలు, గోదా దేవత మరియు రంగనాథ స్వామి వివాహం మరియు షట్థిల ఏకాదశి శుభాకాంక్షలు Greetings on Bhogi festival, on Wedding of Goddess Goda and Ranganatha Swamy, and for Shatthila Ekadashi

🌹 భోగిపండుగ, గోదాదేవి రంగనాధుల కళ్యాణం, షట్తిల ఏకాదశి శుభాకాంక్షలు అందరికి 🌹

🍀 భోగి పండుగ - బాహ్య భోగం నుంచి ఆంతర భోగానికి ప్రయాణం 🍀

✍️ ప్రసాద్ భరద్వాజ



🌹 Happy Bhogi festival, best wishes for the wedding of Goddess Goda and Ranganatha, and for Shatthila Ekadashi to everyone 🌹

🍀 Bhogi festival - A journey from external pleasures to inner bliss 🍀

✍️ Prasad Bharadwaj


మనకు లభించే అనేక పర్వదినాలలో భోగిపండుగ ఒక ప్రత్యేకమైన స్థానం సంపాదించుకుంది. ‘భోగం’ అనగా సుఖాన్ని అనుభవించడం. ఈ పండుగను బాహ్యంగా పరిశీలిస్తే, మన శరీర పోషణకు అవసరమైన ధాన్యం, జీవన సౌఖ్యానికి దోహదపడే సంపద సమృద్ధిగా లభించే కాలాన్ని సూచిస్తుంది. అందుకే ఈ పండుగకు ‘భోగి’ అనే నామం వచ్చింది.

🪾 భోగి మంటల్లో వేయాల్సింది పంచ పల్లవాలు.🪾

భోగి పండుగ రోజు భోగి మంటలు వేసే సమయంలో ఆవు పిడకలు వేసి అవి మండటానికి ఆవు నెయ్యి వేయాలి. ఇలా ఆవు నెయ్యి, ఆవు పిడకలతో కలిసి అగ్ని మథనం జరగడం వల్ల భారీ స్థాయిలో ఆక్సిజన్‌ వెలువడుతుంది. పంచ పల్లవాలు అంటే మర్రి, మేడి, జువ్వి, మోదుగ, మామిడి ఈ ఐదు వృక్షాల కట్టెలను భోగి మంటలో వేసినట్లయితే వాతావరణంలో ఉన్న సూక్ష్మక్రిములన్నీ సంహరించబడతాయి.

సంక్రాంతికి ముందురోజు భోగి పండుగ చేసుకుంటారు. గోదాదేవి రంగనాథుడిలో లీనమై భోగాన్ని పొందింది ఈ రోజే. దీనికి సంకేతంగా భోగినాడు గోదాదేవి, రంగనాథస్వామి కల్యాణాన్ని నిర్వహిస్తారు. సుఖాలను ప్రసాదించమని భగవంతుణ్ని కోరుకునే రోజు ఇది. ఇన్నాళ్లూ తమను పట్టి పీడించిన దారిద్య్రాన్ని తరిమికొడుతూ, కష్టాలన్నిటినీ అగ్నిలో ఆహుతి చేస్తూ భోగిమంటలను వేయడం ఆచారం.

ఈ పండుగ ఉత్తరాయణ పుణ్యకాలానికి ఆరంభ సూచకంగా నిలుస్తుంది. అయితే భోగిపండుగ యొక్క అసలైన విశేషం బాహ్య అర్థానికి మించి ఆంతరార్థంలో దాగి ఉంది. మకర సంక్రాంతికి ముందు రోజు, దక్షిణాయన పుణ్యకాలానికి చివరి రోజుగా భోగిపండుగ వస్తుంది. ఇది ఆంతర సాధన ఫలితాన్ని ప్రకటించే దినంగా భావించ బడుతుంది.

ఆధ్యాత్మికంగా చూస్తే, భోగి అంటే కేవలం లౌకిక సుఖం కాదు. మనిషి ఆంతరంగా అనుభవించే మోక్షానందమే నిజమైన భోగం. భగవంతుని అనుగ్రహాన్ని సంపాదించు కోవడానికి అనుకూలమైన కాలమిది. లౌకిక కోరికలను విడిచిపెట్టి, ఈశ్వరస్మరణలో జీవించాలనే సంకల్పానికి ఇది సూచిక. అందుకే భోగి రోజున భోగిమంట వేస్తారు. అందులో కట్టెలు, ఆవుపేడతో చేసిన పిడకలను వేయడం ద్వారా లౌకిక కామనలను అగ్నికి ఆహుతి చేసి, ఈశ్వర కామనను పెంపొందించు కోవాలనే భావన వ్యక్తమవుతుంది. భగవంతుడు అనుగ్రహించిన సంపదను ప్రసాదంగా భావించి అనుభవించడమే ఈ పండుగ యొక్క అంతరార్థం.

లౌకిక కోరికలు దగ్ధమై, ఈశ్వరాభిలాష మాత్రమే మిగిలినప్పుడు, అది నిరతిశయ భక్తిగా మారుతుంది. ఆ భక్తితో చేసిన కర్మాచరణం చిత్తశుద్ధిని ప్రసాదిస్తుంది. చిత్తశుద్ధి పాత్రతను కలిగిస్తుంది. ఆ పాత్రత వల్ల జ్ఞానం జనిస్తుంది. ఆ జ్ఞానమే భోగి – అంటే ఈశ్వరునితో ఐక్యమై మోక్షాన్ని అనుభవించుట.


🍒 భోగి పండ్లు పిల్లలపై ఎందుకు పోస్తారు? 🍒

ఇంకా ఒక విశేషమైన సంప్రదాయం ప్రకారం, భోగిపండుగ నాటికి అమ్మవారి అనుగ్రహం రేగుపండులో నివసిస్తుందని విశ్వాసం. చిన్నపిల్లలకు జాతకరీత్యా ఉన్న దోషాలు తొలగించడానికి పెద్ద యజ్ఞయాగాదులు చేయలేని పరిస్థితిలో, పెద్దలు రేగుపండ్లు, బంతిపూలు, చెరకు ముక్కలు, కొబ్బరి ముక్కలు, చిల్లర పైసలు కలిపి పిల్లల మీదనుంచి విడిచిపెడతారు.

ఈ విధంగా చేయడం వల్ల భోగిపీడ తొలగి, అనారోగ్యాలు మరియు అపశకునాలు దూరమై, పిల్లలు సుఖసంతోషాలతో జీవించేందుకు అనుకూలమైన పరిస్థితులు ఏర్పడతాయని నమ్మకం. అందుకే భోగిపండుగను భోగిపీడ నివారణకు అద్భుతమైన పర్వదినంగా భావిస్తారు.

ఈ విధంగా భోగిపండుగ మనకు బాహ్య భోగంతో పాటు ఆంతర భోగాన్ని, లౌకిక సుఖంతో పాటు ఆధ్యాత్మిక పరమార్థాన్ని గుర్తు చేసే మహత్తరమైన పండుగగా నిలుస్తుంది.

మకర సంక్రాంతి మూడు రోజుల పండుగలో మొదటి రోజు భోగి. ఈ రోజున భోగి మంటలు వేసి పాతదాన్ని విడిచి కొత్త జీవనాన్ని ఆహ్వానిస్తారు. సాయంత్రం సమయంలో చిన్న పిల్లలపై భోగి పండ్లు పోయడం ఆనందంగా చేసే ముఖ్యమైన సంప్రదాయం.

భోగి పండ్లు అంటే రేగు పండ్లు, చిన్న చెరకు ముక్కలు, బంతిపూల రేకులు, అక్షతలు, చిల్లర నాణేలు మొదలైన శుభ సూచక వస్తువుల సమాహారం. కొన్ని ప్రాంతాల్లో శనగలు కూడా కలుపుతారు.

పిల్లలపై భోగి పండ్లు పోయడం వెనుక ప్రధాన ఉద్దేశం దిష్టి తొలగించి, ఆయురారోగ్యాలు కలగాలని కోరుకోవడం. పురాణాల ప్రకారం రేగు పండ్లు బదరీ ఫలంగా భావిస్తారు. నరనారాయణులపై దేవతలు ఈ ఫలాలను కురిపించారని విశ్వాసం. పిల్లలను నారాయణ స్వరూపంగా భావించి ఈ సంప్రదాయాన్ని ఆచరిస్తారు. అలాగే ఎరుపు రంగులో ఉండే రేగు పండ్లు సూర్యుడిని సూచిస్తాయని, సూర్యానుగ్రహం పిల్లలపై ఉండాలనే భావన కూడా ఉంది.

భోగి రోజు సాయంత్రం పిల్లలకు స్నానం చేయించి, కొత్త బట్టలు వేసి తూర్పు ముఖంగా కూర్చోబెట్టి తల్లి ముందు పండ్లు పోస్తుంది. ఆ తర్వాత ఇతర పెద్దలు ఆశీర్వదిస్తారు. చివరగా హారతి ఇస్తారు.

భోగి పండ్లు పోసిన తర్వాత పడిన పండ్లను శుభ్రం చేసి ఆవులకు ఇవ్వడం శుభకరం. ఈ సంప్రదాయం పిల్లలకు శుభం, ఆరోగ్యం, దీర్ఘాయుష్షును అందించాలని కోరుకునే తల్లిదండ్రుల ప్రేమకు ప్రతీక.

🌹 🌹 🌹 🌹 🌹

భోగి పండుగ శుభాకాంక్షలు, Good Wishes on Bhogi/Lohiri Festival

🌹🍀. భోగి పండుగ శుభాకాంక్షలు అందరికి, Lohiri Festival Good Wishes to all 🍀🌹

ప్రసాద్ భరద్వాజ

🌻 భోగి అంటే ఏమిటి ? | ఈ భోగి పండుగ ఎలా వచ్చింది ? | భోగి మంట , భోగిపళ్ళ వెనుక దాగిన రహస్యాలు ఏమిటి ? 🌻

పెద్ద పండుగగా జరుపుకునే మూడు రోజుల సంక్రాంతి పండుగలో మొదటి రోజును మనం భోగి పండుగగా జరుపుకుంటాం.

దక్షిణాయనంలో సూర్యుడు రోజు రోజుకి భూమికి దక్షిణం వైపుగా కొద్ది కొద్దిగా దూరమవుతూ దక్షిణ అర్ధగోళంలో భూమికి దూరం అవడం వలన భూమిపై బాగా చలి పెరుగుతుంది. ఈ చలి వాతావరణాన్ని తట్టుకునేందుకు ప్రజలు సెగ కోసం భగ భగ మండే చలి మంటలు వేసుకునేవారు, ఉత్తరాయణం ముందు రోజుకి చలి విపరీతంగా పెరగడం ఈ చలిని తట్టుకునేందుకు భగ భగ మండే మంటలు, దక్షిణాయనంలో ప్రజలు తాము పడిన కష్టాలను, బాధలను అగ్ని దేవుడికి ఆహుతి చేస్తూ రాబోయే ఉత్తరాయణంలో సుఖసంతోషాలను ఇమ్మని కోరుతూ వేసే మంటలు భోగి మంటలు అంటారని మన అందరికి తెలిసింది. మరైతే ఈ పండుగ రోజున భోగి మంటలు ఎందుకు వేస్తారో వాటి పురాణం మరియు "శాస్త్రీయ కారణాలు" తెలుసుకుందాం..

"భుగ్" అనే సంస్కృత పదం నుండి భోగి అనే పదం వచ్చింది. భోగం అంటే సుఖం.

పూర్వం ఈ దినమే శ్రీ రంగనధాస్వామి లో గోదాదేవి లీనమై భొగాన్ని పొందిందని దీని సంకేతంగా భోగి పండగ ఆచరణలోకి వచ్చిందనేది మన పురాణ గాద.. శ్రీ మహా విష్ణువు వామన అవతారం లో బలి చక్రవర్తిని పాతాళం లోకి తొక్కిన పురాణ గాద మనందరికీ తెలిసిందే అయితే తరువాత బలి చక్రవర్తికి పాతాళ రాజుగా ఉండమని, ప్రతి సంక్రాంతికి ముందు రోజున పాతాళం నుండి భూలోకానికి వచ్చి ప్రజల్ని ఆశిర్వదించమని వరమివ్వడం జరిగిందట. బలిచక్రవర్తి రాకను ఆహ్వానించడానికి భోగి మంటలు వేస్తారని మన పురాణాలలో చెప్పబడింది. కృష్ణుడు ఇంద్రుడికి ఒక పాఠం నేర్పుతు గోవర్ధన పర్వతం ఎత్తిన పవిత్రమైన రొజు ఇదే. శాపవశంగా పరమేశ్వరుని వాహనమయిన బసవన్నని భూమికి పంపించి రైతుల పాలిట దైవాన్ని భూమికి దిగి వచ్చిన రొజు ఇదే అనేవి కూడా పురాణాల గాద.

సాదారణంగా అందరు చెప్పేది, ఇది చలి కాలం కనుక వెచ్చదనం కోసం మంటలు వేస్తారని. కానీ నిజానికి భోగి మంటలు వెచ్చదనం కోసం మాత్రమే కాదు, ఆరోగ్యం కోసం కూడా. ధనుర్మాసం నేలంతా ఇంటి ముందు పెట్టిన గొబ్బెమ్మలను పిడకలుగా చేస్తారు. వాటినే ఈ భోగి మంటలలో వాడుతారు. దేశి ఆవు పేడ పిడకలని కాల్చడం వలన గాలి శుద్ధి అవుతుంది. సుక్ష్మక్రిములు నశిస్తాయి. ప్రాణవాయువు గాలిలోకి అధికంగా విడుదల అవుతుంది. దాని గాలి పీల్చడం ఆరోగ్యానికి మంచిది. చలికాలం లో అనేక వ్యాదులు వ్యాపిస్తాయి. ముఖ్యంగా శ్వాసకు సంబంధించిన అనేక రోగాలు పట్టి పిడిస్తాయి. వాటికి ఔషదంగా ఇది పని చేస్తుంది. భోగి మంటలు పెద్దవిగా రావడానికి అందులో రవి, మామిడి, మేడి మొదలైన ఔషద చెట్ల బెరడ్లు వేస్తారు. అవి కాలడానికి ఆవు నెయ్యని వేస్తారు. అగ్ని హోత్రంలో వేయబడిన ప్రతి 10 గ్రాముల దేశి ఆవు నెయ్యి నుంచి 1 టన్ను ప్రాణవాయువు (oxygen) ను విడుదల చేస్తుంది. ఈ ఔషద మూలికలు ఆవు నెయ్యి, ఆవు పిడకలని కలిపి కాల్చడం వలన విడుదల అయ్యే గాలి అతి శక్తివంతమైంది. మన శరీరం లోని 72,000 నడులలోకి ప్రవేశించి శరీరాన్ని శుభ్ర పరుస్తుంది. ఒకరికి రోగం వస్తే దానికి తగిన ఔషదం ఇవ్వవచ్చు, అదే అందరికి వస్తే అందరికి ఔషదం సమకూర్చడం దాదాపు అసాధ్యం. అందులో కొందరు వైద్యం చెయించుకొలేని పేదలు కూడా ఉండవచ్చు. ఇదంతా ఆలోచించిన మన పెద్దలు అందరు కలిసి భోగి మంటల్లో పాల్గొనే సంప్రదాయాన్ని తెచ్చారు. దాని నుండి వచ్చే గాలి అందరికి ఆరోగ్యాన్ని ఇస్తుంది. కులాలకు అతీతంగా అందరు ఒక చోట చేరడం ప్రజల మద్యన దూరాలను తగ్గిస్తుంది, ఐక్యమత్యాని పెంచుతుంది. ఇది ఒకరకంగా అగ్ని దేవుడికి ఆరాధనా, మరోరకంగా గాలిని శుద్ధి చేస్తూ వాయుదేవునికి ఇచ్చే గౌరవం కూడా.

కాని మనం ఫాషన్, సృజనాత్మకత పేరుతో రబ్బరు టైర్లను పెట్రోలు పోసి తగల బెట్టి, దాని విష వాయువులను పిలుస్తూ, కాలుష్యాన్ని చేస్తూ మన ఆరోగ్యాన్ని తగలేసుకుంటున్నాం. పర్యావరణాన్ని నాశనం చేస్తునం. ఉన్న రోగాలే కాక కొత్త రోగాలని తెచ్చుకుంటున్నాం. ఇక భోగి మంటల్లో పనికిరాని వస్తువులని కాల్చండి అని వింటుంటాం. పనికి రాణి వస్తువులు అంటే ఇంట్లో ఉండే ప్లాస్టిక్ కవర్లు, వైర్లు లాంటివి కావు.

ఇక్కడ మనం చరిత్రకి సంబంధించిన ఒక విషయం గుర్తుకు తెచుకోవాలి. మన భారతదేశం లో ఉన్న జ్ఞాన సంపదను నాశనం చేస్తే కాని భారతదేశాని ఆక్రమించుకోలేమనుకున్న బ్రిటిషు దండుగులు, భోగి మంటల్లో పాత సామాన్లు తగల బెట్టాలనే నెపంతో అమాయక ప్రజలు ఎన్నో వందల సంవత్సరాలుగా వారసత్వంగా కాపాడుకుంటూ వస్తున్నఅతి ప్రాచిన తాళపత్ర గ్రంధాలను భోగి మంటల్లో వేసి కల్పించేసారు. నిజానికి భోగి మంటల్లో కచాల్సింది పాత వస్తువులని కాదు , మనలోని పనికి రాని అలవాట్లు, చెడు లక్షణాలు. అప్పుడే మనకున్న పీడ పోయి మానసిక ఆరోగ్యం, విజయాలు వస్తాయి.

🌹🌹🌹🌹🌹

భోగి, వివేకానంద జయంతి Bhogi, Vivekananda Jayanti

 

🍀. భోగి మరియు వివేకానంద జయంతి శుభాకాంక్షలు Good Wishes on Bhogi and Vivekananda Jayanti 🍀

ప్రసాద్ భరద్వాజ

భోగి పండుగ విశిష్టత - శుభాకాంక్షలతో Significance of Bhogi Festival - Best Wishes

🌹. భోగి పండుగ శుభాకాంక్షలు అందరికి. 🌹

🔥.ఈ భోగి మంటలు మన జీవితాలలో వున్న చెడును తొలగించి, వెలుగును, దివ్యత్వమును నింపుగాక. 🔥

ప్రసాద్‌ భరద్వాజ, జ్యోతిర్మయి.

🌹. Subhakankshalu on Bhogi Festival to all. 🌹

🔥. Let Bhogi Fires Clear All negativeness from our Life and Bring Light and Divinity. 🔥

Prasad Bharadwaj, Jyothirmayi.

🌹. భోగి పండుగ విశిష్టత - శుభాకాంక్షలతో 🌹

📚. ప్రసాద్‌ భరధ్వాజ

తెలుగు ప్రజలు అత్యంత ఘనంగా జరుపుకునే పండుగలలో సంక్రాంతి పండుగ ఒకటి. ఈ పండుగ మూడు రోజులు ఉంటుంది. తొలి రోజు బోగితో ప్రారంభమవుతుంది. భోగి పండుగ అనే పదానికి 'తొలినాడు' అనే పేరు ఉంది. అనగా పండుగకు తొలినాడు అని అర్ధం.తెలుగు ప్రజలు అత్యంత ఘనంగా జరుపుకునే పండుగలలో సంక్రాంతి పండుగ ఒకటి. ఈ పండుగ మూడు రోజులు ఉంటుంది. తొలి రోజు బోగితో ప్రారంభమవుతుంది. భోగి పండుగ అనే పదానికి ‘తొలినాడు’ అనే పేరు ఉంది. అనగా పండుగకు తొలినాడు అని అర్ధం. భోగి రోజున ఇంటి ముందర మంట వేస్తే ఇంటిలో ఉండే దారిద్ర్య దేవతను తరిమినట్లేనని హిందువుల విశ్వాసం.

🍀. భోగి పళ్లు ఎందుకు పోస్తారు?

భోగి అనగానే గుర్తుకు వచ్చేది భోగి పళ్ళు. ఈ పళ్ళను పోయడంలో అంతరార్ధం ఏమిటి? భోగి నాడు భోగి పళ్ళు అనే పేరుతో రేగి పండ్లను పిల్లల మీద పోస్తారు. రేగి చెట్టు, రేగి పండ్లు శ్రీ మన్నారాయణ స్వామి ప్రతిరూపం. వాటిని తల మీద పోయడం వలన శ్రీ లక్ష్మీనారాయణుల అనుగ్రహం మన పిల్లలపై ఉంటుంది అని గుర్తుపెట్టుకోవాలి. భోగి పండ్లు పోయడం వలన పిల్లల మీద ఉన్న చెడు దృష్టి, దిష్టి తొలుగుతుందంటారు. మనకు కనిపించదు కానీ తల పై భాగంలో బ్రహ్మరంధ్రం ఉంటుందటారు. ఈ భోగి పండ్లను పోస్తే పిల్లలు జ్ఞానవంతులవుతారటారు.

🍀. భోగి అని ఎందుకు పిలుస్తారు?

దక్షిణాయనంలో సూర్యుడు రోజు రోజుకి భూమికి దూరం అవటం వల్ల భూమిపై చలి పెరుగుతుంది. ఉత్తరాయణం ప్రారంభమయ్యే ముందు రోజు ఈ చలి తీవ్రత ఎక్కువగా ఉంటుంది. ఈ చలిని తట్టుకునేందుకు ప్రజలు సెగ కోసం భగ భగ మండే చలి మంటలు వేసుకునేవారు. ఈ మంటలు వేయడం వలన భోగీ అనే పేరు వచ్చింది.

🍀. బోగి మంటలు ఎందుకు వేస్తారు?

సాధారణంగా అందరు చెప్పేది… ఇది చలి కాలం కనుక వెచ్చదనం కోసం మంటలు వేస్తారని. కానీ నిజానికి భోగి మంటలు వెచ్చదనం కోసం మాత్రమే కాదు… ఆరోగ్యం కోసం కూడా. ఇంటి ముందు పెట్టిన గొబ్బెమ్మలను పిడకలుగా చేస్తారు. వాటినే ఈ భోగి మంటలలో వాడుతారు. దేశి ఆవు పేడ పిడకలని కాల్చడం వలన గాలి శుద్ధి అవుతుంది ఆ గాలి పీల్చడం ఆరోగ్యానికి మంచిది. సూక్ష్మక్రిములు నశిస్తాయి.

భోగి మంటల్లో పనికిరాని వస్తువులను కాల్చండి అని వింటుంటాం. పనికిరాని వస్తువులు అంటే ఇంట్లో ఉండే ప్లాస్టిక్ కవర్లు, వైర్లు లాంటివి కావు. ఇక్కడ మనం చరిత్రకి సంబంధించిన ఒక విషయం గుర్తుకు తెచ్చుకోవాలి. నిజానికి భోగి మంటల్లో కాల్చాల్సింది పాత వస్తువులని కాదు… మనలోని పనికి రాని అలవాట్లు, చెడు లక్షణాలు. అప్పుడే మనకున్న పీడ పోయి మానసిక ఆరోగ్యం, విజయాలు వస్తాయి.

🌹 🌹 🌹 🌹 🌹


14 Jan 2022