శ్రీ లలితా చైతన్య విజ్ఞానము - 247 / Sri Lalitha Chaitanya Vijnanam - 247

🌹. శ్రీ లలితా చైతన్య విజ్ఞానము - 247 / Sri Lalitha Chaitanya Vijnanam - 247 🌹

సహస్ర నామముల తత్వ విచారణ

✍️. సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ

మూల మంత్రము :

🍁. ఓం ఐం హ్రీం శ్రీం శ్రీమాత్రే నమః 🍁

🍀. పూర్తి శ్లోకము :

🍀 60. చరాచర జగన్నాథా, చక్రరాజ నికేతనా ।
పార్వతీ, పద్మనయనా, పద్మరాగ సమప్రభా ॥ 60 ॥ 🍀

🌻 247. 'పద్మనయనా' 🌻

పద్మముల వలె విచ్చుకొనిన అందమైన కన్నులు గలది శ్రీమాత అని అర్థము. కన్నులు పెద్దవిగను, అందముగను, ఆకర్షణీయముగను వుండుట ఒక శుభ లక్షణము. శ్రీమాత అనుగ్రహమున కవి సంకేతములు.

శ్రీమాత కన్నుల అందము వర్ణనాతీతము. ఆమెను పద్మాక్షి, మీనాక్షి, పద్మపత్రాయతాక్షి అనియు కీర్తించుట పరిపాటి. విశాల మైనవి, అందమైనవి, పద్మముల వలె వికసించియున్న కన్నులు గ్రహింపు శక్తికి చిహ్నము. ఇట్టి కన్నులు కలవారు చూపులతోనే సర్వమును గ్రహింతురు. ఇట్టివారు సహజముగమౌనముగ నుందురు.

చూపులతో వారు పొందు అవగాహనను సామాన్యముగ ప్రకటింపరు. ఆకళింపు శక్తి వీరికి ఎక్కువగ నుండును. ఇవి అన్నియూ శ్రీమాత అనుగ్రహ పరమగు సంకేతములే. శ్రీమాత కన్నులు వాత్సల్యపూరితములే కాక శక్తివంతములు, స్ఫూర్తిదాయకములు కూడ. ఆమె కన్నుల నుండి మాయను ప్రసరింప చేయగలదు. అట్టి మాయకు త్రిమూర్తులు కూడ లోబడి యుందురు.

అట్లే ఆమె కన్నుల నుండి మాయను తొలగింపజేయు శక్తిని కూడ ప్రసరింప చేయగలదు. శ్రీమాత కన్నుల ఆరాధన సర్వశుభంకరము.

సశేషం...

🌹 🌹 🌹 🌹 🌹


🌹 Sri Lalitha Chaitanya Vijnanam - 247 🌹

1000 Names of Sri Lalitha Devi

✍️. Ravi Sarma
📚. Prasad Bharadwaj

🌻 Padma-nayanā पद्म-नयना (247) 🌻

Her eyes are compared to lotus flower. Lotus blossoms at the time of moon rise. This nāma further confirms the effect of meditating on full moon day.

When Her eyes are compared to lotus flower, it also implies that Her eyes are wide open at the time of full moon. Please read this along with the notes at the end of nāma 245. Vishnu’s eyes are also compared to lotus flower.


Continues...

🌹 🌹 🌹 🌹 🌹



05 Apr 2021

వ్యక్తిత్వాన్ని త్యజించడమే స్వేచ్ఛ.

🌹. వ్యక్తిత్వాన్ని త్యజించడమే స్వేచ్ఛ. 🌹

🍀. ‘స్వేచ్ఛ. మీరనుకుంటున్నది కాదు’ నుంచి ( ఓషో బోధ ) 🍀

✍️. భరత్‌,
📚. ప్రసాద్ భరద్వాజ

అసలైన స్వేచ్ఛను తెలుసుకోవాలంటే మీరు మీ వ్యక్తిత్వాన్ని కొద్దికొద్దిగా త్యజిస్తూ పోవాలి. మీరు శూద్రులు కాదు బ్రాహ్మణులని, మీరు మామూలు మనుషులు కాదు క్రైస్తవులనే విషయాలను మీరు పూర్తిగా మరచిపోవాలి. చివరికి మీ పేరు కూడా మీ వాస్తవం కాదని, అది కేవలం మిమ్మల్ని తెలిపేందుకు వినియోగించే సాధనం మాత్రమేనని, మీ జ్ఞానం కూడా అరువు తెచ్చుకున్నదే కానీ, మీ స్వానుభవంతో సంపాదించుకున్నది కాదని మీరు స్పష్టంగా తెలుసుకోవాలి. అప్పుడే ‘‘అసలైన స్వేచ్ఛ’’అంటే ఏమిటో మీకు తెలుస్తుంది.

మీ లోలోపల చిన్న వెలుగు కూడా లేకుండా కటిక చీకటిలో మీరు జీవిస్తుంటే ప్రపంచమంతా ప్రకాశంతో నిండి ఉన్నా ప్రయోజనమేముంది? కాబట్టి, మీరు పుట్టిన తరువాత మీకు జోడించినదేదైనా మీ నిజ స్వరూపం కాదని తెలుసుకునేందుకు మీరు నిదానంగా ప్రయత్నిస్తూ ఉంటారు. ఆ ప్రయత్నంలో మీ వ్యక్తిత్వం మెల్లమెల్లగా అదృశ్యమవుతుంది. వెంటనే మీరు సువిశాల వినీలాకాశాన్ని గుర్తించడం ప్రారంభిస్తారు. ఎందుకంటే, అస్తిత్వపు బాహ్య, అంతర్గతాలు ఎప్పుడూ సరిసమానంగా ఉంటాయి.

ఏదైతే మీ శరీరానికి మాత్రమే పరిమితమై ఉంటుందో అది మీ వ్యక్తిత్వం కాదు. మీ శరీరం దహనమైనా ఏదైతే దహనం కాకుండా ఉంటుందో అదే మీ అసలైన ఆత్మ. అందుకే కృష్ణుడు ‘‘ఏ అస్త్రము నన్ను ఛేదించజాలదు. అగ్ని దహించ జాలదు’’ అన్నాడు. అది నిజమే. కానీ, దహనమయ్యే శరీరము, మెదడు, వ్యక్తిత్వాల గురించి అతను మాట్లాడలేదు.

మీలో మరణం లేనిది, నాశనం కానిది, శాశ్వతమైనది ఏదో ఉంది. దాని గురించే అతను మాట్లాడుతున్నాడు. మీరు పుట్టకముందు, పుట్టిన తరువాత మీతో ఉండేదే అది. ఎందుకంటే, అదే మీరు అదే మీ ఉనికి.

అసలైన స్వేచ్ఛ గురించి మీకు తెలియాలంటే మీరు మీ శారీరక, మానసిక, బాహ్య బంధనాల నుంచి బయటపడాలి. మీరు మీ జీవితాన్ని అస్తిత్వమిచ్చిన బహుమతిగా భావించి ఆనందంతో పండగ చేసుకుంటూ హాయిగా జీవించండి. ఎండలో, వానలో, గాలిలో మీరు చెట్లతో ఆడుతూ, పాడుతూ, నాట్యం చెయ్యండి.

చెట్లకు, పక్షులకు, జంతువులకు, నక్షత్రాలకు ఎలాంటి ధర్మగ్రంథాలు లేవు. మరణించిన వారి పీడ వెంట పడడం కేవలం మనిషికే తప్ప వేరెవరికీ లేదు. ‘‘యుగయుగాలుగా, తరతరాలుగా మనిషి చేస్తున్న తప్పు అదే’’అని నేనంటున్నాను. వెంటనే దానిని పూర్తిగా ఆపవలసిన సమయం ఇదే, ఇప్పుడే.

సత్యాన్ని తెలుసుకునేందుకు, అన్వేషించేందుకు ప్రతి నూతన తరానికి అవకాశమివ్వండి. ఎందుకంటే, సత్యాన్వేషణ కన్నా సత్యాన్ని తెలుసుకోవడంలో ఆనందం తక్కువగా ఉంటుంది. అదే అసలైన తీర్థయాత్ర. అది దేవాలయానికి చేరుకుంటున్నట్లుగా ఉండదు. మీ పిల్లలు అణకువగా, బానిసలుగా ఉండేందుకు కాకుండా స్వేచ్ఛగా, గర్వపడేలా ఉండేందుకు మీరు సహాయపడండి. భావప్రకటనా స్వాతంత్య్రంతో స్వేచ్ఛగా జీవించడం కన్నా ఉత్తమమైనది ఏదీ లేదని మీరు మీ పిల్లలకు బోధించండి. బానిసత్వాన్ని అంగీకరించడం కన్నా అవసరమైతే మరణించేందుకు సిద్ధపడేలా వారిని మీరు తయారుచేయండి.

కానీ, ఎక్కడా అలా జరగట్లేదు. అలా జరగనంత వరకు క్రూర నిరంకుశ, నియంతల- హిట్లర్లు, స్టాలిన్లు, మావోలు-వారి నుంచి ప్రపంచ మానవాళిని మీరు రక్షించ లేరు. నిజానికి, మీ జీవితాన్ని నియంత్రించే నియంతలను మీరు మీ అంతర్గతంలో కోరుకుంటున్నారు.

ఎందుకంటే, మీకు పూర్తి స్వేచ్ఛ ఉంటే మీరు అనేక తప్పులు చేస్తారు. అది సహజమే అయినా, అలా తప్పులు చెయ్యాలంటే మీకు చాలా భయం. కానీ, జీవితం అలాగే ఉంటుంది.

మీరు చాలా సార్లు కింద పడిపోతారు. అయినా పరవాలేదు. పైకి లేవండి. చాలా అప్రమత్తంగా ఉంటూ మళ్లీ అలా పడిపోకుండా ఎలాగో తెలుసుకోండి. మీరు తప్పులు చేస్తారు. కానీ, చేసిన తప్పులనే మళ్ళీ చెయ్యకండి. అప్పుడే మీరు తెలివైన వ్యక్తిగా ఎదుగుతారు. ఎప్పుడూ తక్కువ స్థాయిలో ఉండకుండా, మీరు చేరుకోగలిగినంత అత్యున్నత స్థాయికి చేరుకునేందుకు ప్రయత్నించండి.

ఇంకా వుంది...

🌹 🌹 🌹 🌹 🌹


05 Apr 2021

వివేక చూడామణి - 56 / Viveka Chudamani - 56

🌹. వివేక చూడామణి - 56 / Viveka Chudamani - 56 🌹

✍️ రచన : పేర్నేటి గంగాధర రావు
సేకరణ : ప్రసాద్ భరద్వాజ

🍀. 17. విముక్తి - 3 🍀

200, 201. లేని ప్రపంచము, దానికి మొదలులేనప్పటికి, దానికి ఎప్పుడో ఒకప్పుడు అంతమున్నదని తెలుస్తుంది. అందువలన జీవత్వమును ఆత్మ అని భావించినపుడు దానికి సంబంధము బుద్ధితో జతపర్చబడినది. ఉదా: ఎర్రని పుష్పము ప్రక్కన క్రిష్టల్ ఉంచినప్పడు ఆ ఎర్ర దనము క్రిష్టల్లో ప్రతిబింబిస్తుంది కదా! అలానే ఆత్మ ప్రకృతిలో నిండి ఉన్నప్పటికి, బుద్ది, ప్రకృతి సదా మారుతున్నప్పటికి ఆత్మలో మార్పు ఉండదు.

202. సరైన జ్ఞానము పొందినప్పడు బుద్ది, ఆత్మ ఒక్కటే అను తప్పుడు భావము తొలగిపోతుంది. వేరు మార్గము లేదు. సృతుల ప్రకారము సరైన జ్ఞానముతో తన యొక్క జీవాత్మను తాను తెలుసుకొన్నప్పుడే తాను బ్రహ్మమని తెలుసుకుంటాడు.

203. అసలైన సత్యాన్ని గ్రహించాలంటే వ్యక్తి; ఆత్మ, అనాత్మల భేదములను తెలుసుకొని ఉండాలి. అందువలన ప్రతి జీవాత్మకు పరమాత్మకు గల భేదమును తెలుసుకొనుటకు కృషి చేయాలి.

సశేషం....

🌹 🌹 🌹 🌹 🌹

🌹 VIVEKA CHUDAMANI - 56 🌹

✍️ Sri Adi Shankaracharya
Swami Madhavananda

📚 Prasad Bharadwaj

🌻 Liberation - 3 🌻

200-201. Previous non-existence, even though beginningless, is observed to have an end. So the Jivahood which is imagined to be in the Atman through its relation with superimposed attributes such as the Buddhi, is not real; whereas the other (the Atman) is essentially different from it. The relation between the Atman and the Buddhi is due to a false knowledge.

202. The cessation of that superimposition takes place through perfect knowledge, and by no other means. Perfect knowledge, according to the Shrutis, consists in the realisation of the identity of the individual soul and Brahman.

203. This realisation is attained by a perfect discrimination between the Self and the non-Self. Therefore one must strive for the discrimination between the individual soul and the eternal Self.

Continues....

🌹 🌹 🌹 🌹 🌹


05 Apr 2021

దేవాపి మహర్షి బోధనలు - 67

🌹. దేవాపి మహర్షి బోధనలు - 67 🌹

✍️. సద్గురు కె. పార్వతి కుమార్
సేకరణ : ప్రసాద్ భరద్వాజ

🌻48. ప్రభావము 🌻

ప్రతివాని జీవితము తన పరిధిలో ఇతరులను కొంత ప్రభావితము చేయుచుండును. కారణమేమనగా ప్రతి ఒక్కరూ చైతన్య స్వరూపులే అగుట వలన. కొందరి ప్రభావము తాత్కాలికముగ నుండును. కొందరి ప్రభావము చిరకాల ముండును. ఎంత చెట్టు కంత గాలి అన్నట్లు మంచి ప్రభావమైనను, చెడు ప్రభావమైనను జీవి పనులను బట్టి యుండును.

అందువలననే మంచి అయినను, చెడు అయినను సమర్థత కలవారి నుండే వ్యాపించును. పై కారణముగ మంచిని పెంచవలెనన్నచో మంచివారు సమర్థులై యుండ వలెను. సమర్థత, మంచితనము కూడియున్నచోట దీవ్యవైభవ ముండును. సామాన్యముగ సమర్థత యున్నచోట స్వార్థముండును.

మంచి తనము కలచోట సమర్థత లేక యుండును. స్వార్థపరులైన సమర్థులను మంచివారిని చేయుట కొంత కష్టము. సాధుజనులను సమర్థవంతు లను చేయుట సులభము. పై కారణముగనే దైవము అవతరించి నపుడు గొల్లలతో నుండెను.

మహాత్ములు కూడ సామాన్యులతో కూడి యుందురు. వారిని తీర్చిదిద్దుకొనుచు సంఘము చక్కబెట్టుట దివ్యకార్యము. అదియే దివ్య ప్రణాళిక కూడను. దివ్య జీవనమును అనుసరించదలచిన వారు ఈ మార్గముననే నడువవలెను.

సశేషం..

🌹 🌹 🌹 🌹 🌹


05 Apr 2021

విష్ణు సహస్ర నామ తత్వ విచారణ - 358, 359 / Vishnu Sahasranama Contemplation - 358, 359

🌹. విష్ణు సహస్ర నామ తత్వ విచారణ - 358 / Vishnu Sahasranama Contemplation - 358🌹

📚. ప్రసాద్ భరద్వాజ

🌻358. సమయజ్ఞః, समयज्ञः, Samayajñaḥ🌻

ఓం సమయజ్ఞాయ నమః | ॐ समयज्ञाय नमः | OM Samayajñāya namaḥ

యఃసృష్టి స్థితి సంహార సమయాన్ షడృతూనుత ।
జానాతీత్యథవా సర్వభూతేషు సమతార్చనా ।
సాధ్వీ యస్యసనృహరిస్సమయజ్ఞః ఇతీర్యతే ॥

సృష్టి స్థితి సంహారముల సమయమును వేరు వేరుగా దేనిని ఎపుడాచరించవలయునో ఎరుగును. లేదా ఋతురూపములగు ఆరు సమయములను ఎరుగును. అవి ఎరిగి ఆ ఋతు ధర్మములను ప్రవర్తింపజేయును. లేదా 'సమ-యజ్ఞః' అను విభాగముచే సర్వభూతముల విషయమున సమము అనగా సమత్వము లేదా సమతాదృష్టి యజ్ఞముగా లేదా ఆరాధనముగా ఎవని విషమున కలదో అట్టివాడు.

సశేషం...

🌹 🌹 🌹 🌹 🌹


🌹. VISHNU SAHASRANAMA CONTEMPLATION- 358🌹

📚. Prasad Bharadwaj

🌻358. Samayajñaḥ🌻

OM Samayajñāya namaḥ

🌻 🌻 🌻 🌻 🌻


Source Sloka

अतुलश्शरभो भीमस्समयज्ञो हविर्हरिः ।सर्वलक्षणलक्षण्यो लक्ष्मीवान् समितिञ्जयः ॥ ३९ ॥

అతులశ్శరభో భీమస్సమయజ్ఞో హవిర్హరిః ।సర్వలక్షణలక్షణ్యో లక్ష్మీవాన్ సమితిఞ్జయః ॥ ౩౯ ॥

Atulaśśarabho bhīmassamayajño havirhariḥ ।Sarvalakṣaṇalakṣaṇyo lakṣmīvān samitiñjayaḥ ॥ 39 ॥


Continues....

🌹 🌹 🌹 🌹 🌹



🌹. విష్ణు సహస్ర నామ తత్వ విచారణ - 359 / Vishnu Sahasranama Contemplation - 359🌹

📚. ప్రసాద్ భరద్వాజ

🌻359. హవిర్హరిః, हविर्हरिः, Havirhariḥ🌻

ఓం హవిర్హరయే నమః | ॐ हविर्हरये नमः | OM Havirharayē namaḥ

హవిర్భాగం హరతి యజ్ఞములందు హవిస్సును, హవిర్భాగమును అందుకొనును. 'అహం హి సర్వయజ్ఞానాం భోక్తా చ ప్రభు రేవ చ' (గీతా 9.24) సర్వ యజ్ఞములందును హవిస్సును భుజించు యజ్ఞఫలదాతయగు భోక్తయు, ప్రభుడను నేనే కదా! అను భగవద్వచనము ఇందులకు ప్రమాణము. లేదా 'హూయతే హవిషా' ఇతి హవిః హవిస్సుగా తాను హవనము చేయబడువాడు. 'అబద్నన్ పురుషం పశుమ్‍' (పురుష సూక్తమ్‍) దేవతలు తాము చేయు యజ్ఞమున విరాట్పురుషునే పశువునుగా హవిస్సునకై బంధించిరి' అను శ్రుతి ఇట ప్రమాణము. దీనిచే హరి 'హవిః' అనదగియున్నాడు. స్మృతిమాత్రేణ పుంసాం పాపం సంసారం వా హరతి ఇతి హరిద్వర్ణవాన్ ఇతి వా హరిః స్మరణమాత్రముచేతనే జీవుల పాపమునుగాని, సంసారమునుగాని హరించును. అథవా పచ్చని వర్ణము కలవాడు అను వ్యుత్పత్తిచే 'హరిః' అని నారాయణునకు పేరు. హవిః + హరిః రెండును కలిసి హవిర్హరిః అగును.

'హరా మ్యఘం చ స్మర్తౄణాం హవిర్భాగం క్రతుష్వహం వర్ణశ్చ మే హరిః శ్రేష్ఠ స్తస్మా ద్ధరి రహం స్మృతః' నేను నన్ను స్మరించిన వారి పాపమును హరింతును. యజ్ఞములయందు హవిర్భాగమును కూడ హరింతును (అందుకొనెదను). నా వర్ణమును శ్రేష్ఠమగు హరిద్వర్ణము. అందువలన నన్ను 'హరిః' అని తత్త్వవేత్తలు తలతురు అను భగవద్వచనము ఇందు ప్రమాణము.


సశేషం...

🌹 🌹 🌹 🌹 🌹


🌹. VISHNU SAHASRANAMA CONTEMPLATION- 359🌹

📚. Prasad Bharadwaj

🌻 🌻 🌻 🌻 🌻

Source Sloka

अतुलश्शरभो भीमस्समयज्ञो हविर्हरिः ।सर्वलक्षणलक्षण्यो लक्ष्मीवान् समितिञ्जयः ॥ ३९ ॥

అతులశ్శరభో భీమస్సమయజ్ఞో హవిర్హరిః ।సర్వలక్షణలక్షణ్యో లక్ష్మీవాన్ సమితిఞ్జయః ॥ ౩౯ ॥

Atulaśśarabho bhīmassamayajño havirhariḥ ।Sarvalakṣaṇalakṣaṇyo lakṣmīvān samitiñjayaḥ ॥ 39 ॥


Continues....

🌹 🌹 🌹 🌹 🌹



05 Apr 2021