🌹. మైత్రేయ మహర్షి బోధనలు - 140 🌹
✍️. రచన : సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 106. విచికిత్సలు - 1🌻
మీ మానవ సంఘము నందు అధికారమును గూర్చి, హక్కులను గూర్చి, సహకారమును గూర్చి సుహృత్ భావమును గూర్చి అనేకానేక విచికిత్సలు జరుగుచుండును. అట్లే పేదరిక నిర్మూలనమును గూర్చి అనారోగ్య పరిస్థితులను గూర్చి, రోగములను గూర్చి ఆరోగ్యమును గూర్చి సదస్సులు జరుగు చుండును. సంఘమందలి సమస్త సమస్యలను గూర్చి, కోట్లాది ధనము ఖర్చుచేయుచు భౌగోళికముగ విచికిత్సలు జరుగుచుండును. సదస్సులలో తీర్మానములు కూడ చేయుచుందురు. ఆచరణ అంతంతమాత్రమే.
విచికిత్స ఎక్కువ, ఆచరణ తక్కువ. ఈ విచికిత్స జాతికి ప్రధానమైన రుగ్మతగా మాకు గోచరించు చుండును. సదస్సులు నిర్వహించి, విచికిత్సచేసి, కారణములు వెదకి, తీర్మానములు చేసి, వాటిని ఉల్లంఘించుట చేయుదురు. 'ఉల్లంఘించుటకే కదా తీర్మానములు !' అను భావము కూడ హాస్యముగ మీరు వ్యక్తము చేయుదురు. అందు సత్యము సమృద్ధిగా నున్నదని గమనింపవలెను.
సశేషం.....
🌹 🌹 🌹 🌹 🌹
27 Jun 2022
No comments:
Post a Comment