భగవద్దర్శిని - అవతార్ మెహర్ - 67

🌹.   భగవద్దర్శిని - అవతార్ మెహర్ - 67   🌹

✍️. శ్రీ బాలగోపాల్
📚. ప్రసాద్ భరద్వాజ

🌻. భగవంతుని ఆరవ పాత్ర - మానవ రూపములో పునర్జన్మలు (సంసార చక్రము) - 17 🌻

275. భగవంతుడు మానవుని స్థితిలో నిత్యము సంస్కారములద్వారా సృష్టి--స్థితి--లయములైన ప్రధాన ధర్మములను నిరూపించు చున్నాడు.ఇది,జగత్కర్త పాత్రను నిర్వహించుచున్న భగవంతుని స్థితి.

276. భగవంతుని యొక్క దివ్య సుషుప్తిలో నిద్రాణమైన సంస్కారముల ద్వారా సచరాచర సమన్వితంబైన మాయ సృష్టింపబడి , భగవంతుని దివ్యస్వప్నమైన వర్తమానములో పోషింపబడి ,దివ్యజాగృతియైన భవిష్యత్తులో నాశనమగుచున్నది .

అనగా మానవ రూపములోనున్న భగవంతుడు ,దివ్యత్వసిద్ధిని బడయుటతో మాయా సృష్టి నాశనమగుచున్నది .

277. సృష్టిలో :_ స్థితి _లయములు

స్థితిలో :_ సృష్టి _లయములు

లయములో :_ సృష్టి _స్థితులు

పరస్పరాశ్రితములై యున్నవి .

278. మానవుడు స్వప్నావస్థ యందున్నప్పుడు , భూత_ వర్తమాన _భవిష్యద్రూపములతో కలియుచున్నాడు . అతడు సమావేశములను సృష్టించుట ,వాటిని పోషించుట , వాటిని నాశనము చేయుట అనెడు పాత్రలను సృజించుచున్నాడు .ఇవ్విధముగా మానవుడు ఎల్లప్పుడు వీటన్నింటికి , స్వప్నమునకు భవిష్యత్తు అయిన వర్తమానముతో సాక్షీ భూతుడైయున్నాడు .

279. ఈపె ( ఈ పై ) ఆధారములనుబట్టి ,స్వప్నములోగాని మెలకువలోగాని , సృష్టింపబడినవి , పోషింపబడినవి వర్తమానములో అడుగడుగునకు తప్పనిసరిగా నాశనము కావలసిన భవిష్యత్తు పొంచియే యున్నది .

సశేషం...
🌹 🌹 🌹 🌹 🌹


#ChaitanyaVijnanam #PrasadBhardwaj #చైతన్యవిజ్ఞానం #భగవద్ధర్శిని #అవతారమెహర్


Facebook, WhatsApp, Telegram groups:
https://incarnation14.wordpress.com/2020/09/23/social-media-groups-channels-telegram-facebook-whatsapp-etc/


07 Oct 2020