🌻. హరిపాఠము - వైకుంఠమును పొందు మార్గము 🌻
తెలుగు అనువాదకర్త : శ్రీ గురుదాస్ మిట్టపల్లి శంకరయ్య
📚. ప్రసాద్ భరద్వాజ
🍀. అభంగ్ - 4 🍀
భావే వీణ భక్తి భక్తి వీణ ముక్తి!
బళే వీణ శక్తి బోలూ నయే!!
కైసేని దైవత్ ప్రసన్న త్వరీత్!
ఉగా రాహే నివాంత్ శిణసీ వాయా!!
సాయాస్ కరీసీ ప్రపంచ్ దిన నిశీ!
హరిసీ న భజసీ కోణ్యా గుణే!!
జ్ఞానదేవ ఘ్రాణే హరిజప కరణే!
తుటేల్ ధరణే ప్రపంచావే!!!
భావము:
భావన లేక భక్తి, భక్తి లేక ముక్తి, బలములేకున్న శక్తివంతుడను అని
చెప్పకూడదు. ఏ విధముగా నీకు దైవం త్వరగ ప్రసన్నం కాగలదనుకొను చున్నావు? ఊరుకో ప్రశాంతంగా ఉండు లేనిచో అలసిపోతావు. ప్రపంచము కోసం రాత్రి పగలు వృధా ప్రయాసము చేయు చున్నావు. ఏ గుణము ఆధారముగా హరి భజన చేయుట లేదు? (బలమా? ధనమా?).
హరి జపము చేయుట వలన భవబంధాలు తొలగి మాయ ప్రపంచపు
పట్టు తెగిపోవునని జ్ఞాన దేవులు తెలిపినారు.
🌻. నామ సుధ -4 🌻
భావన లేక భక్తులము కాలేము
భక్తి లేక ముక్తులము కాము
బలము లేక శక్తివంతులము కాము
చేయకూడదు అధిక ప్రసంగము
ఏ విధముగా దైవ ప్రసన్నము
త్వరిత గతిన అదియు సాధ్యము
అల్లరి చేయక ఊరకుండుము
అనవసరముగ అలసి పోకుము
రాత్రి పగలు ప్రపంచము కోసము
చేస్తున్నావు వృధా ప్రయాసము
ఏ గుణము అది నీకాధారము
హరిని భజించవు ఏమి కారణము?
జ్ఞాన దేవుడి మాటలు వినుము
హరినామమునే జపము చేయుము
పట్టు వదులును ఈ ప్రపంచము
తెగి పోగలదు భవబంధనము
సశేషం....
🌹 🌹 🌹 🌹 🌹
13 Dec 2020
No comments:
Post a Comment