దేవాపి మహర్షి బోధనలు - 120

🌹. దేవాపి మహర్షి బోధనలు - 120 🌹

✍️. సద్గురు కె. పార్వతి కుమార్
సేకరణ : ప్రసాద్ భరద్వాజ

🌻 97. మొండితనము 🌻

సంకల్పబలము వేరు, మొండితనము వేరు. మొండితనము మూర్ఖము. అది అజ్ఞానముతో కూడియుండును. యిట్టివారు, తమ మొండితనము కారణముగ జీవితమున బరువు పెంచుకొందురు. మొండి గుఱ్ఱమును రౌతు ఎట్లు విసర్జించునో, మొండి వానిని సత్కర్మ విసర్జించును. మొండితనము గలవారు, ప్రజ్ఞా కేంద్రమునకు పక్ష వాతము కలిగింతురు.

పట్టు, విడుపులు గలవారే జీవన ప్రవాహమున తేలియాడువారు. మూర్ఖత వినాశకారణమై జీవుని పతనము కావింతురు. మొండితనము, మూర్ఖత, కరుడు గట్టిన అహంకారము- ఈ మూడింటిని ప్రతివారు విమర్శించుకొని, వీనిని విడచి సంకల్ప బలమున స్థిరపడుట ఉత్తమము. మొండివారు ఎంతో దూరము ప్రయాణము చేయలేరు.

కారణమేమనగా వారి మొండితనము అపాయ కారణములను సృష్టించుచుండును. వాటిని ఎదుర్కొనుటలో మొండివారు అలసి సొలసి పోవుదురు. ఇంతలో శరీరము కృశించి నశింతురే కాని మొండితనము వదలదు. మొండితనమున ప్రవేశించిన వారిని, ఆ మొండితనమే మొసలియై పట్టును.


సశేషం...

🌹 🌹 🌹 🌹 🌹


31 Jul 2021