శ్రీ లలితా చైతన్య విజ్ఞానము - 233 / Sri Lalitha Chaitanya Vijnanam - 233

🌹. శ్రీ లలితా చైతన్య విజ్ఞానము - 233 / Sri Lalitha Chaitanya Vijnanam - 233 🌹

సహస్ర నామముల తత్వ విచారణ

✍️. సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ

మూల మంత్రము :

🍁. ఓం ఐం హ్రీం శ్రీం శ్రీమాత్రే నమః 🍁

🍀. పూర్తి శ్లోకము 

🍀 57. మహేశ్వర మహాకల్ప మహాతాండవ సాక్షిణీ ।
మహాకామేశ మహిషీ, మహాత్రిపుర సుందరీ ॥ 57 ॥🍀

🌻 233. 'మహాకామేశమహిషీ' 🌻

మహా కామేశుని పట్టపురాణి శ్రీదేవి అని అర్థము. సృష్టికి మూలకారణము కామమే. అనగా ఇచ్ఛ. కోటాను కోట్ల జీవుల యిచ్ఛయే కారణముగ సృష్టికి దైవము యిచ్ఛగించును. తత్ఫలితమే సృష్టి. దేవేచ్ఛ లేనిదే సృష్టి జరుగదు. అతడు సహజముగ కాముడు కాదు.

ఇతరుల యిచ్ఛలను మన్నించుటయే పెద్దరికము. స్వంత యిచ్ఛ కలవారు పెద్దలు కారు. తమకుగ ఏ యిచ్ఛయు లేకున్నను ఇతరుల యిచ్ఛలను పరిపూర్తి గావించుచు వారిని కూడ పరిపూర్ణులను చేయుట పెద్దరికము. అట్టి యిచ్చ కామమున బడదు.

అది కామమును మించిన యిచ్ఛ. అందువలన మహా కామము. అట్టి మహా కామము కలవాడు శివుడు. దానిని పరిపూర్తి గావించుటకు సహకరించునది శ్రీమాత. సంకల్పము శ్రీమాతదైనపుడు, సహకారము శివుని దగును. కావున మహాకాముని కామె పట్టమహిషి.

శివ సంకల్పమగు మహాకామమునకు స్వరూపము, స్వభావము ఆమెయే. సంకల్పము కూడ ఆమెయే. శివుని హృదయము న ఆమెదే అగ్రస్థానము కావున పట్టమహిషి.

సశేషం...

🌹 🌹 🌹 🌹 🌹



🌹 Sri Lalitha Chaitanya Vijnanam - 233 🌹

1000 Names of Sri Lalitha Devi

✍️. Ravi Sarma
📚. Prasad Bharadwaj

🌻 Mahā-kāmeśa-mahiṣī महा-कामेश-महिषी (233) 🌻

The consort of Mahā Kāmeśvara is known as Mahā Kāmeśvarī. Mahiṣī means queen, the queen of Śiva.

Vāc Devi-s after describing the great and terrible dissolution immediately mention about an auspicious scene, the Kāmeśvarī form of Lalitāmbikā. But who is that Kāmeśvarī? The next nāma answers this.

Continues...
🌹 🌹 🌹 🌹 🌹



10 Mar 2021