🌹. దేవాపి మహర్షి బోధనలు - 114 🌹
✍️. సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 92. జ్ఞానము - భాష - 2 🌻
మా అనుయాయులు చాలా మంది జ్ఞానమును ప్రాచీన భాషల నుండి జనాదరణ గల భాషలలోనికి భౌగోళికముగ మార్చుచు నున్నారు. మరికొందరు భాష పతనము కాకుండ కూడ ప్రయత్నము చేయుచున్నారు.
భాషయందుగల వికృతి పలుకు వాని యందు కూడ ప్రవేశింప గలదు. వికృతముగ భాషించు వారు క్రమముగ వికృతమగు స్వభావము చెందుట తథ్యము. వాక్కునకు అమితమగు శక్తి కలదు. దాన్ని పవిత్రముగ ఉచ్చరించినచో, ఉచ్చరించువాడు పవిత్రుడగు చుండును.
అపవిత్రముగ నుచ్చరించినచో అపవిత్రుడగు చుండును. నిర్లక్ష్యముగ నుచ్చరించినచో లక్ష్యము లేనివాడగును. శ్రద్ధగ నుచ్చరించినచో శ్రద్ధను పొందువాడగును. శ్రద్ధయే సమస్త విద్యలకు ముఖద్వారము. భాషణమునందలి శ్రద్ధ మిమ్ములను ఉత్తమోత్తమ స్థితికి గొనిపోగలదు. జ్ఞానమునకు యిది తొలిమెట్టు. సరళముగను, స్వచ్చముగను, స్పష్టముగను పదముల నుచ్చరింపుడు. సరియగు పదములను సరితూకముగ నెంచుకొని వినియోగింపుడు. మీ భాషణము ప్రశాంత ప్రవాహమై ప్రవహించుట ముఖ్యము.
సశేషం...
🌹 🌹 🌹 🌹 🌹
16 Jul 2021
No comments:
Post a Comment