✍️. శ్రీ బాలగోపాల్
📚. ప్రసాద్ భరద్వాజ
*🌻. భగవంతుని మొదటి పాత్ర - పరాత్పర - పరబ్రహ్మ - 8 🌻*
19 . ఎవరైనను ఈ పరాత్పర పరబ్రహ్మస్థితి యొక్క అనుభూతిని పొందినచో, దానిని యితరులకు వర్ణించి చెప్పవలెనన్నచో, రెండవ స్థితి అయిన పరమాత్మ స్థితిని మాత్రమే చెప్పగలరు. ఈ పరిశుద్ధ స్వరూపమునకు తనయందు గాని, ఇతరమందు గాని స్పృహయే లేదు. పరమ నిగూఢ స్థితి.
20. భగవంతుని ప్రధాన దశావస్థలలో పరాత్పరస్థితి అనాది ఆదిమూలస్థితి. ఈ దశస్థితులలో తక్కిన 9 స్థితులును లేనప్పుడు కూడా'భగవంతుడు ఉన్నాడు'అనెడు పరాత్పరస్థితియే ఉన్నది.
21.భగవంతుని పరాత్పరస్థితియొక్క అనాద్యనంతత్వములోని అనంతత, అపారముగను, నిరవధికముగను, కేవలము గాను, అనంత దివ్యశూన్యత్వముగను (మహాకాశము) ఆవిష్కారమగుచున్నది.
సశేషం....
🌹 🌹 🌹 🌹 🌹
No comments:
Post a Comment