✍️. శ్రీ బాలగోపాల్
📚. ప్రసాద్ భరద్వాజ
🌻. మానసిక గోళము - మనోభువనము - ఆరవ భూమిక - 9 🌻
433. అంతర్ముఖ చైతన్య ప్రగతిలో, ఒకటవ భూమికనుండి ఆరవభూమిక వరకు క్రమక్రమముగా వివిధమైన భిన్నసంస్కారములు నామాత్రా విశిష్టమై (ఇంకా అసలు సంస్కారములే లేవు అన్నంతవరకు) పూర్తిగా క్షీణించి పోయినవి. కానీ ద్వంద్వ సంస్కార అవశేషముల చూఛాయ "జాడ" మాత్రము మిగిలియున్నది.
434. ఇచ్చట మానవునిలోనున్న భగవంతుడు మనస్సుతో తాదాత్మ్యమును చెంది "నేను మనస్సు" ననెడి అనుభవమును పొందు చుండును.
435 ఆరవ చైతన్య భూమికలో మానవుని స్థితిలో నున్న మానసిక చైతన్యుడైన భగవంతుడు, భగవంతుని ముఖాముఖీ సుస్పష్టముగా చూడగలిగి నప్పటికీ భగవంతుని సమస్తములో సర్వత్రా చూచుచున్నప్పటికీ, తానింకను మానసిక చైతన్యమందు హత్తుకు పోయి, మనస్సే తాను, తానే,-మనస్సు అన్నట్టి స్థితి యండుండుటచేత; తనను భగవంతునిలో చూడలేకున్నాడు.
436.ఇతడు భౌతిక సూక్ష్మ లోకములందలి వస్తువులను కూడా చూడగల్గును.ఇంకనుద్వైతమునందే, ఎరుక కలవాడై యున్నాడు.తాను "మనస్సు"గా, భగవంతుని నుండి వేరగుచున్నాడు.
సశేషం...
🌹 🌹 🌹 🌹 🌹
20 Nov 2020
No comments:
Post a Comment