దేవాపి మహర్షి బోధనలు - 34

🌹. దేవాపి మహర్షి బోధనలు - 34 🌹

✍️. సద్గురు కె. పార్వతి కుమార్
సేకరణ : ప్రసాద్ భరద్వాజ

🌻 25. జ్ఞానయోగము - కర్మయోగము - 1 🌻

కర్మాచరణము, జ్ఞానార్జనము, ఉచ్ఛ్వాస నిశ్వాసముల వంటివి.

జ్ఞానమార్టించుకొనుటకు సాధనము పవిత్రముగా నుండవలెను. కనుక కర్మాచరణము ప్రాముఖ్యత.

కర్మాచరణము మానవుని స్వభావము నుండి కల్గుచున్నది గాని, జ్ఞానము నుండి కాదు. కావున చేయుట, మానుట లొంగునవి

చేయుట తప్పనిసరియైనపుడు ఫలితముల వైపు లాగనివి చేయదగిన పనులు. అనగా తననుద్దేశించుకొని ఆచరింపని పనులు.

జీవుడు తననుద్దేశించుకొని ఆచరించు పనులు బంధ కారణములగును. ఇతరుల శ్రేయస్సు నుద్దేశించి చేయు పనుల వలన కర్మబంధ విమోచనము కల్గును.

సృష్టియొక్క చక్రభ్రమణము నందలి ప్రజ్ఞులు, దేవతలు, ఫలాపేక్ష లేక స్వధర్మాచరణమునందు వర్తించుచూ సృష్టిని వర్దిల్ల చేయు చున్నవి. మానవుడు కూడా కర్మాచరణమున అట్లే వర్ధిల్లవలెను.

కర్మాచరణము నందు పూజ్యభావము, సమర్పణ బుద్ధి అవసరము, ఇతరులకు చేయుపని వారియందలి దేవతలకు చేయు సమర్పణముగా చేయవలెను.

ఫలాపేక్ష లేని కర్మాచరణము వలన దేహముల యందు, వెలుపల బంధము లేక సృష్టి శక్తులు వర్తించుచున్నవి. ఫలాపేక్ష వలన మానవులు దేహమున బంధింపబడి యున్నారు.

సశేషం...

🌹 🌹 🌹 🌹 🌹


16 Feb 2021


Facebook Hastags: #ChaitanyaVijnanam #PrasadBhardwaj #చైతన్యవిజ్ఞానం #దేవాపిమహర్షిబోధనలు #సద్గురుపార్వతీకుమార్


🌹. చైతన్య విజ్ఞానం Spiritual wisdom Telegram, FB group 🌹

https://t.me/ChaitanyaVijnanam

www.facebook.com/groups/chaitanyavijnanam/