భగవద్దర్శిని - అవతార్ మెహర్ - 12

🌹. భగవద్దర్శిని - అవతార్ మెహర్ - 12 🌹

✍️. శ్రీ బాలగోపాల్
📚. ప్రసాద్ భరద్వాజ

🌻. భగవంతుని మొదటి పాత్ర - పరాత్పర - పరబ్రహ్మ - 12 🌻

36.భగవంతుడు తన స్వీయ అనంతచైతన్య రాహిత్య స్థితియును, అనంతచైతన్యస్థితియును; తన రెండవ స్థితి ద్వారా మొదటి స్థితి లో యాదృచ్ఛికముగా పొందెను.

ఉపమానము :---

ఒక స్త్రీ తనకు గర్భధారణమైనదని భావించినప్పటినుండియు, తల్లి గర్భములో శిశువు పెరుగనారంభించును.

కాలక్రమములో శిశువుయొక్క అవయవములన్నియు పెరుగుచుండును. అన్నింటితోపాటు 'నేత్రములు' కూడా పూర్తిగా తయారై వాటికి చూచెడి శక్యత ఏర్పడును.
శిశువు ఉదయించిన తరువాత కండ్లు తెరచినచో చూడగల్గును. కండ్లు మూసినచో చూడలేక పోవును.

అట్లే, ఏకకాలమందే అనంత చైతన్యమందు ఎఱుక లేనిస్థితి, ఎఱుకయున్న స్థితి ఒకేసారి యాదృచ్ఛికముగా పరమాత్మస్థితి లో వ్యక్తమయ్యెను.

37. భగవంతుని రెండవ స్థితియైన పరమాత్మలో ABC అను మూడు అంతర స్థితులున్నవి.

38. పరమాత్మ యొక్క (A) స్థితిలో అనంత చైతన్య రాహిత్య స్థితి, పరాత్పరస్థితిలోను పరమాత్మస్థితిలోనూ కూడా ఆనందంగా ఎరుక లేకనే శాశ్వతంగా నిలిచియున్నది.

భగవంతుడు = అనంత అస్థిత్వము + అనంత జ్ఞానము+అనంత ఆనందము౼అనంత చైతన్యము

= సత్ + చిత్ + ఆనంద (మైనస్) ఆజ్ఞాత చైతన్యము.

= సచ్చిదానందము (మైనస్) అజ్ఞాత చైతన్యము.
🌹 🌹 🌹 🌹 🌹