భగవద్దర్శిని - అవతార్ మెహర్ - 29

🌹.  భగవద్దర్శిని - అవతార్ మెహర్ - 29  🌹

✍️. శ్రీ బాలగోపాల్
📚. ప్రసాద్ భరద్వాజ

🌻. భగవంతుని శరీరి : నాల్గవ పాత్ర (రూపధారణము) - 1 🌻

109. అనంత ఆదిప్రేరణముయొక్క సంచలనముచే అనంత సాగరమందలి ప్రతి బిందువు తనను తాను తెలిసికొనుటకు ప్రేరేపింపబడెను.

110. పరాత్పర స్థితియందున్న భగవంతుడు, తొలిగా తన సత్య స్థితియొక్క జ్ఞానమును సంపాదించుట కంటె, సంస్కార భూయిష్ఠుడై అజ్ఞానమునే సంపాదించుచున్నాడు.

111. ప్రారంభములో పరమాత్మ యొక్క A స్థితిలో ఆత్మకు చైతన్యము, సంస్కారములు లేవు.

112. ప్రారంభములో, ఆత్మకు దేహత్రయమందు గాని తనయందు గాని స్పృహ లేదు. అందుచేత ఆయా దేహములకు సంబంధించిన లోకానుభవమును లేదు. పరమాత్మానుభవము అంతకన్నలేదు.

113. ఆత్మ, శాశ్వతముగా పరమాత్మలో నుండి, పరమాత్మతో నుండి స్పృహ లేని స్థితి యందున్నను, పరమాత్మ యొక్క అనంత శక్తులగు జ్ఞాన-శక్తి ఆనందములను పొందెడి హక్కు గలదై యున్నది.

సశేషం...
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #భగవద్ధర్శిని #అవతారమెహర్

30.Aug.2020