✍️. శ్రీ బాలగోపాల్
📚. ప్రసాద్ భరద్వాజ
🌻. భగవంతుని ఎనిమిదవపాత్ర - ఏడవ భూమిక - బ్రహ్మీభూతుడు. - 16 🌻
556. ఆత్మ, పరిణామ దశలలోనికి దిగుటతో అయదార్థపు మాయ ప్రారంభమైనది. విజ్ఞాన భూమికలో ప్రవేశించుటతో యదార్థపు మాయ అంత మగుచున్నది.
557. ఆధి భౌతికమును భగవంతుడే, ఆధ్యాత్మికమును భగవంతుడే. ఈ రెంటికీ అతిశయుడును భగవంతుడే.
558. భగవంతుని చైతన్య రాహిత్య స్థితిలో నున్న భగవంతుడు, స్వీయమైన అనంతలీల ద్వారా, తన స్వీయ సత్యము యొక్క చైతన్యమును పొంది, తన అనంత స్వభావత్రయమును స్థితిలో అనుభవించెను.
559. చైతన్య ప్రవృత్తి:- అనంత సనుత్యాభూతి పొందుటకు నూతన చైతన్యము లేదు. పరాత్పరస్థితిలో అంతర్నిహితమైయున్న చైతన్యమే, పెల్లుబికి క్రమక్రమముగా పరిణామము చెందుచు, పూర్ణమైన సృష్టితో సంగమించి సృష్టి యొక్క అనుభవము నిచ్చినది.
ఈ పూర్ణ చైతన్యమే అంతర్ముఖమై అనంత సత్యమును ఏకైక సత్యముగా తన నిజమైన స్వీయమైన శాశ్వత అనంత స్థితి యొక్క అనుభవమును కలుగజేసెను.
సశేషం...
🌹 🌹 🌹 🌹 🌹
02 Jan 2021
No comments:
Post a Comment