భగవద్దర్శిని - అవతార్ మెహర్ - 182

🌹. భగవద్దర్శిని - అవతార్ మెహర్ - 182 🌹

✍️. శ్రీ బాలగోపాల్
📚. ప్రసాద్ భరద్వాజ

🌻. భగవంతుని పదవపాత్ర సద్గురువు - నాల్గవ దివ్య యానము - అవతార పురుషుడు - 4 🌻

ఒకేఒక అవతారము :-

688. భగవంతుడెల్లప్పుడును శాశ్వతుడు, అవిభాజ్యుడు, అనంతుడుగా ఒకడే అయియుండుట వలన అవతార పురుషుడుకూడా ఒకడే అయియున్నాడు.

అతడు మానవ రూపములో అవతారంగా, బుద్ధినిగా, సర్వోన్నతుడై పురాణం పురుషునిగా తనకు తానై (స్వయంభువు) అభివ్యక్తుడగుచున్నాడు.

శాశ్వతుడైన ఈ ఏకైక అవతారమే, వేర్వేరు యుగములలో, వేర్వేరు నామములతో, వేర్వేరు మానవరూపములలో, వేర్వేరు ప్రదేశములలో వేర్వేరు భాషా స్వరూపములలో సత్యమును బహిర్గత పరచుటకును, అఙ్ఞానాగార్తమునందున్న మానవజాతిని సముద్ధరించుటకును, భ్రాంతిమయ బంధములనుండి విముక్తిగావించుటకును కాలాంతరములందు పునరాభివ్యక్తడగుచున్నాడు.

689. రక్షకుడు = పూర్ణ మానవుడు = మానవ పరిపూర్ణుడు = అవతార్ = = అనంత అస్థిత్వము + అనంతజ్ఞానము + అనంతానందము + చైతన్యము

= అనంతమందు , సాంతమందు ఏకకాలమందే ఎఱుకతో నుండుట

సశేషం...

🌹 🌹 🌹 🌹 🌹


28 Feb 2021