✍️. రచన : సద్గురు ఇ. కృష్ణమాచార్యులు
📚 . సేకరణ : ప్రసాద్ భరద్వాజ
🌻. జీవుని - నారాయణుని - నిద్ర - 2 🌻
నదిలో బిందె మునిగి పోయినపుడు బిందెలోని నీరు మాత్రమే బిందె ఆకారమునకు బద్ధము. నదిలోని నీరు బిందె కతీతము. అది బిందెలోనికి వచ్చుచు పోవుచున్నను ... వచ్చినపుడు బద్ధముగను, వెలువడి నపుడు అతీతముగను వర్తించుచుండును . బిందెయే ప్రవాహమున కధీనము.
అట్లే నారాయణుడు జీవస్థితిగా బద్ధుడై అంతర్యామిగా అతీతుడై క్రీడించుచుండును. జీవులు అతని సృష్టి, స్థితి, లయముల కాల ప్రవాహమున పరాధీనులై వర్తింతురు.......
🌻 🌻
జనన మరణములతో కూడిన సంసార జీవితమొక భయంకరమైన మహాసముద్రము. వివేకము లేక తమ పనుల యందు జనులు తాము నిమగ్నులై యుందురు. తమ పనులే తమ జ్ఞానమునకు సరిహద్దు.
అట్టి స్వార్థమే యీ సముద్రమునకు తీరము. తమ పనులు నెరవేరుట, నెరవేరకుండుట అనునదే వెనుకకును , ముందుకును పరుగెత్తుచుండు అలలు.
మిత్రులు, భార్య, పుత్రులు మొదలగు రూపమున సముద్ర జంతువులైన చేపలు, తిమింగిలములు మొదలగునవి సంచరించుచుండును.
అట్టి సంసార మహాదముద్రము దాటగోరువారు అడ్డముగా దూకి ఈదినచో లాభములేదు. అథమ స్థితి చెంది సముద్ర గర్భమున పడిపోవుదురు .
తెలివితో చక్కని నావ నిర్మించుకొని దిగవలయును. ఆ నావయే భగవంతునితో మనస్సును బంధించుకొనుట.
...... ✍🏼 మాస్టర్ ఇ.కె.🌻
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #మాస్టర్ఇకె
24.Aug.2020
No comments:
Post a Comment