మాస్టర్ ఇ.కె. గారి సందేశములు - 142

🌹. మాస్టర్ ఇ.కె. గారి సందేశములు - 142 🌹

✍️. రచన : సద్గురు ఇ. కృష్ణమాచార్యులు
📚 . సేకరణ : ప్రసాద్ భరద్వాజ

🌻. ఆరోగ్యము 🌻

మనస్సు నందు ఏర్పడే సంకల్పాలు, వికల్పాలు ప్రాణశక్తిని సంచాలనం చేస్తే ఆ‌ ప్రాణశక్తి యొక్క వైఖరిని అనుసరించి మన శరీరంలోని భాగాలు నిర్మాణమై పని చేస్తాయి.

కనుక మన ఆరోగ్యము అను స్థితి మన మనస్సు, ప్రాణశక్తి, భౌతిక శరీరమునకు మధ్యనున్న సమన్వయముపై ఆధారపడి ఉంటుంది. అందువలన మానసిక ఆరోగ్యము చాలా ముఖ్యము.

ఆరోగ్యమనే స్థితే అసలు మనకి సహజ స్థితి. దానిని చెదరకుండా చూచుకొనుటయే మనము ప్రధానముగా అవలంబించవలసినది అని ఆయుర్వేద శాస్ర్తము తెలియజేస్తుంది. ప్రకృతి ధర్మాలను అనుసరించే ఏ శాస్ర్తమైనా దీనినే ప్రతిపాదించింది. నిత్యజీవితంలో ఏ విధానాన్ని అవలంబిస్తే ఈ ఆరోగ్యస్థితి చెదరకుండా ఉంటుందో ఆ విధానాన్ని 'స్వస్థవృత్తము' అను పేరుతో ఆయుర్వేద శాస్ర్తము మనకు అందించింది.

కాని ప్రస్తుతము మానవజాతి ఈ విధానాన్ని అంగీకరించలేని హీన స్థితిలో ఉన్నదని చెప్పాలి. ఎందుకంటే అనారోగ్యంతో పోరాటం చేయడమే ప్రధాన లక్ష్యంగా ఏర్పడింది. ఇప్పటి వైద్యరంగంలో దీని వలన పరష్కారం లేదనేది సుష్పష్టము...

....✍ మాస్టర్ ఇ.కె.🌻
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #మాస్టర్ఇకె

31.Aug.2020