భగవద్దర్శిని - అవతార్ మెహర్ - 69

🌹.   భగవద్దర్శిని - అవతార్ మెహర్ - 69   🌹

✍️. శ్రీ బాలగోపాల్
📚. ప్రసాద్ భరద్వాజ

🌻. భగవంతుని ఆరవ పాత్ర - మానవ రూపములో పునర్జన్మలు (సంసార చక్రము) - 19 🌻

282. సృష్టి _అనుటతోడనే , అందు స్థితి _లయములు రెండును సిద్ధముగ నున్నవి . కనుక _ భగవంతుడు మాయను సృష్టించుటతో , అప్పుడే అందులో సృష్టి యొక్క స్థితి _లయములు ఇమిడి యున్నవి .

కనుక సృష్టింపబడినది పోషింపబడవలెను .

పోషింపబడినది నాశనము కావలెను .


283. ప్రపంచము ఒక మిథ్య. ప్రపంచ వ్యవహారములు ఆ మిథ్యలో మరి యొక మిథ్య.

అనగా

మిథ్యయైన సృష్టి భగవంతుని దివ్య స్వప్నము •

భగవంతుడు మానవుని స్థితిలో, మానవ జీవితమును, దివ్య స్వప్నములో మరియొక స్వప్నముగా, స్వప్న జీవితమును అనుభవించుచున్నాడు.

కలలో కలలో కల.

భగవంతుని దివ్యస్వప్నము ఒక కల.

అందులో మానవుని పగటి జీవితము మరి యొక కల.

నిద్రావస్థలో ఇంకొక కల.


284. భగవంతుడు మానవుని స్థితిలో , సుషుప్తి యందునప్పుడు తన దివ్య సుషుప్తి యొక్క అనాది మూల స్థితిని ఉద్ఘాటించుచున్నాడు .

285. సుషుప్తిలో అదృశ్యమైయున్న పూర్ణ చైతన్యమును, అసంఖ్యాక సంస్కారములును జాగ్రదవస్థలో పైకి లేచి , పరమాణు ప్రమాణమై అభావ ఆవిష్కారమైన సృష్టిని , అనంతముగను , వాస్తవముగను అనుభవించు చుండును .


సశేషం....
🌹 🌹 🌹 🌹 🌹


#ChaitanyaVijnanam #PrasadBhardwaj #చైతన్యవిజ్ఞానం #భగవద్ధర్శిని #అవతారమెహర్


Facebook, WhatsApp, Telegram groups:
https://incarnation14.wordpress.com/2020/09/23/social-media-groups-channels-telegram-facebook-whatsapp-etc/


09 Oct 2020