భగవద్దర్శిని - అవతార్ మెహర్ - 60

🌹.    భగవద్దర్శిని - అవతార్ మెహర్ - 60   🌹

✍️. శ్రీ బాలగోపాల్
📚. ప్రసాద్ భరద్వాజ

🌻. భగవంతుని ఆరవ పాత్ర - మానవ రూపములో పునర్జన్మలు (సంసార చక్రము) - 10 🌻

244. కొన్ని సంస్కారములు, మానవుని అర్థజాగృతిలో గంటల తరబడి, లేక రోజుల తరబడి లేక , ఏండ్ల తరబడి ఒక్కొక్కప్పుడు జీవిత పర్యంతము - నిద్రాణమై మిగిలి యుండును.

కాని వాటిలో హెచ్చు సంస్కారములు అనుక్షణము అంతశ్చైతన్యము ద్వారా మానవుని జీవితములో, స్వస్నానస్థలో ఆ స్పృహతోడను జాగ్రదవస్థలో పూర్తి స్పృహతోడను పొటమరింపబడుచూ యుండును.

పూర్తి మరపు. - మానవుని సుషుప్తి , సంస్కారములు నిద్రాణమై యున్నవి. చైతన్యము లేదు.

స్వప్నావస్థ - సగమెరుక. - పూర్తిగా సూక్ష్మము గాని పూర్తిగా స్థూలము గాని, కానట్టి రూపములు.

జాగ్రదవస్థ - స్థూల రూపములు - పూర్ణ, చైతన్యము - పూర్తి స్పృహ.

245. స్థూల -సూక్ష్మ - కరణదేహములు మానవ చైతన్యము పై తమ 'పట్టు' ను వదలుటకు పూర్వము , వాని దైనందిన జీవితములో ప్రతిదినము , 'నిద్రించుట', 'మేల్కొనుట' అనెడి ఒక ప్రబల అనుభవమున్నది .

ఈ మూలానుభవము వాని నిత్య జీవితములో మూడు ప్రధాన స్థితులను కలుగజేయుచున్నది .

I సుషుప్తి అవస్థ : మానవునిలోనున్న ఆత్మయందు స్పృహ లేకుండుట .

II స్వప్నావస్థ : సామెఱుక (లేక )అర్థ స్పృహ కలిగియుండుట .

III జాగ్రదవస్థ : పూర్తిగా మెల్కొని యుండుట. మానవుని లో మానవునిగా పూర్ణ చైతన్యము .

246. సూక్షేంద్రియముల ద్వారా పొందిన భౌతిక విషయానుభవములే స్వప్నములు.

సశేషం....
🌹 🌹 🌹 🌹 🌹


#ChaitanyaVijnanam #PrasadBhardwaj #చైతన్యవిజ్ఞానం #భగవద్ధర్శిని #అవతారమెహర్


WhatsApp, Telegram, Facebook groups:
https://incarnation14.wordpress.com/2020/09/23/social-media-groups-channels-telegram-facebook-whatsapp-etc/


30 Sep 2020