✍️. శ్రీ బాలగోపాల్
📚. ప్రసాద్ భరద్వాజ
🌻. భగవంతుని ఎనిమిదవపాత్ర - ఏడవ భూమిక - బ్రహ్మీభూతుడు. - 30 🌻
🌷. ఐక్య అస్తిత్వము - సత్య గోళం - 3 🌷
601.తజల్లి--ఎల్--జలాలీ:---
ఈ స్థితి ఒక ఆత్మకు నిర్వాణ అనుభవము నిచ్చును."తజల్లీ-ఎల్-జమాలీ" ఆతనికి మరియొక సారి సాధారణ చైతన్యమును ప్రసాదించును. దీనిని సూఫీలు "బకా" అందురు. ఇచ్చట భగవంతుడు ప్రియతముడు, మానవుడు ప్రేమికుడు; తజల్లి-ఎల్-జమాలీ లో భగవంతుడే ప్రేమికుడు; మానవుడు ప్రియుడు.
602.సాధారణముక్తి :--
ఈ ముక్తి మరణాంతరము శరీరము లేకుండా 3 నుండి 5 రోజులలోగా లభించు ముక్తి. భగవంతునియందు భయము, సత్యప్రేమికులు, సజ్జనులు మొదలగు ఎవరికో కొలదిమందికి మాత్రమే లభించును.
ఈ ముక్తిని పొందిన ప్రత్యగాత్మ, అనంత జ్ఞానము, అనంతశక్తియు అచ్చట యున్ననూ ఆనందమును మాత్రమే అనుభవించుచు దానియందే ఎరుక కలిగి యుండును.ఇతనికి సృష్టి లేదు.జనన-మరణముల సంసారచక్రము తిరుగుట నిలిచి పోయినది.
"అహంబ్రహ్మాస్మి" స్థితి యొక్క గాని ద్వైతముయొక్క గాని చైతన్యము లేదు.సృష్టిలో కర్తవ్యము (అధికారము) లేదు.
సశేషం...
🌹 🌹 🌹 🌹 🌹
18 Jan 2021
No comments:
Post a Comment