🌷. సద్గురు శివానంద 🌷
📚. ప్రసాద్ భరద్వాజ
🌻. యాజ్ఞవల్క్యమహర్షి - 1 🌻
1. ఒకచోట పురాణం మనకు ఏమి చెప్పిందంటే, మనమంతా బ్రహ్మదేవుడి సంతానం కాదు, బ్రహ్మలమే అని చెపుతున్నది. బ్రహ్మ అపరిమితమైన కర్మ అనేక పూర్వకల్పములలో చేసివున్నాడు. అన్ని జీవులూ అతడే కబట్టి, కర్మలోకాలను సృష్టించినవాడు అతడే కబట్టి, ఇన్ని కోట్ల జీవరాశులలో అతడే పుడుతున్నాడని అర్థం.
2. యాజ్ఞవల్క్యుడుని తన తండ్రి వైశంపాయనుడి దగ్గరికి తీసుకెళ్ళి అప్పగించాడు. వైశంపాయనుడు ఆ పిల్లవాణ్ణి, అతడి లక్షణాలను చూచి తన శిష్యుల్లో అత్యుత్తముడు అతడే కాబోతున్నాడు అని గ్రహించి అతడి శిష్యరికాన్ని అంగీకరించాడు.
3. అప్పటి నుంచీ వైశంపాయనుడు దగ్గర యజుర్వేదమును సహాధ్యాయులైన మునిపుత్రులల్తో కలిసి నేర్చుకున్నాడు. యాజ్ఞవల్క్యుడు సత్వగుణ సంపన్నుడయ్యాడు. అతడిలో సాత్వికాహంకారము ఒకటి వచ్చిది.
4. సాత్వికగర్వము తను పరమ సాత్వికుడనని, ప్రథమజ్ఞానినని, తనకు ఆగ్రహమేలేదని ఇలాంటివి అనుకునేవాడు. అదో గర్వం. తరువాత వైశంపాయనుడి ఆగ్రహనికిగురై నేర్చుకున్నవిద్యలన్నీ విసర్జించి వెళ్ళిపోమన్నాడు. యాజ్ఞవల్క్యుడు నేర్చుకున్న విద్యనంతా శరీరంలోని రక్తం రూపంలో విసర్జించాడు.
5. ఆయన వమనం చేసిన రక్తం రూపంలో ఉన్న వేద విద్యనంతా తిత్తిరి పక్షులు తిన్నాయి. అది మళ్ళీ వాటిచేత చెప్పబడటం చేత దానిని ‘తైత్తిరీయం’ అని అన్నారు. ఆ పక్షులు వాటిని మళ్ళీ విసర్జించాయి పక్షి పలుకుల రూపంలో! అదే ‘తైత్తిరీయ ఉపనిషత్తుగా’గా ప్రసిద్ధిచెందింది.
6. అలా తైత్తిరీయోపనిషత్తు ఏర్పడింది, తైత్తిరీయశాఖ ఏర్పడింది. తాత్తిరీయ బ్రాహ్మణకూడా అలాగే వచ్చింది. తరువాత యాజ్ఞవల్క్యుడు తపస్సుచేసి సూర్యుణ్ణి ఆరాధించాడు. ఆయన అనుగ్రంతో శుక్లయజుర్వేదాన్ని పొందాడు.
సశేషం....
🌹 🌹 🌹 🌹 🌹
19 Feb 2021
No comments:
Post a Comment