అశ్వినీ దేవతా స్తోత్రం Ashwini Devata Stotram

🌹 అశ్వినీ దేవతా స్తోత్రం 🌹
ప్రసాద్ భరద్వాజ


🌹 Ashwini Devata Stotram 🌹
Prasad Bharadwaja


అశ్విని దేవతలు శ్రీ సూర్యభగవానుని పుత్రులు. వీరినే తథాస్తు దేవతలు అంటారు.

The Ashwini Devatas are the sons of Lord Surya. They are called the Tathastu Devatas.



1) ప్రపూర్వగౌ పూర్వజౌ చిత్రభానూ గిరా వాం శంసామి తపసా హ్యనంతౌ !

దివ్యౌ సుపర్ణౌ విరజౌ విమానావధిక్షిపంతౌ భువనాని విశ్వా !!



2) హిరణ్మయౌ శకునీ సాంపరాయౌ నాసత్యదస్రౌ సునసౌ వైజయంతీ !

శుక్లం వయంతౌ తరసా సువేమావధి వ్యయంతావసితం వివస్వతః !!



3) గ్రస్తాం సుపర్ణస్య బలేన వర్తికామ ముంచతావశ్వినౌ సౌభగాయ !

తావత్సువృత్తా వనమంతమాయయావసత్తమా గా అరుణా ఉదావహత్ !!



4) షష్టిశ్చ గావస్త్రిశతాశ్చ ధేనవ ఏకం వత్సం సువతే తం దుహంతి !

నానాగోష్ఠా విహితా ఏకదోహనాస్తావశ్వినో దుహతో ధర్మముక్థ్యం !!



5) ఏకాం నాభి సప్తశతా అరాః శ్రితాః ప్రధిష్వన్యా వింశతిరర్పితా అరాః !

అనేమిచక్రం పరివర్తతేఽజరం మాయాశ్వినౌ సమనక్తి చర్షణీ !!



6) ఏకం చక్రం వర్తతే ద్వాదశారం షణ్ణాభిమేకాక్షమమృతస్య ధారణం !

యస్మిందేవా అధివిశ్వే విషక్తాస్తావశ్వినౌ ముంచతో మా విషీదతం !!



7) ఆశ్వినావిందు మమృతం వృత్తభూయౌ తిరోధత్తామశ్వినౌ దాసపత్నీ !

హిత్వా గిరిమశ్వినౌ గాముదాచరంతౌ తద్వృష్టిమహ్నాత్ప్రథితౌ బలస్య !!



8) యువాం దిశో జనయథో దశాగ్రే సమానం మూర్ధ్ని రథయానం వియంతి !

తాసాం యాతమృషయోఽనుప్రయాంతి దేవా మనుష్యాః క్షితిమాచరంతి !!



9) యువాం వణాన్వికురుథో విశ్వరూపాంస్తేఽధిక్షియంతే భువనాని విశ్వా !

తే భానవోఽప్యనుసృతాశ్చరంతి దేవా మనుష్యాః క్షితిమాచరంతి !!



10)తౌ నాసత్యావశ్వినౌ వాం మహేఽహం స్రజం చ యాం బిభృథః పుష్కరస్య !

తౌ నాసత్యావమృతావృతావృధావృతే దేవాస్తత్ప్రమదే న సూతే !!



11) ముఖేన గర్భం లభతాం యువానౌ గతాసురేతత్ప్రపదేన సూతే !

సద్యో జాతో మాతరమత్తి గర్భస్తావశ్వినౌ ముంచథో జీవసే గాం !!



12) స్తోతుం న శక్నోమి గుణైభర్వంతౌ చక్షుర్విహీనః పథి సంప్రమోహః !

దుర్గేఽహమస్మిన్పతితోఽస్మి కూపే యువాం శరణ్యౌ శరణం ప్రపద్యే !!



ఇతి శ్రీమన్మహాభారత ఆదిపర్వణ్యశ్వినీకుమారస్తోత్రం సంపూర్ణం.

🌹 🌹 🌹 🌹 🌹