దేవాపి మహర్షి బోధనలు - 42

🌹. దేవాపి మహర్షి బోధనలు - 42 🌹

✍️. సద్గురు కె. పార్వతి కుమార్
సేకరణ : ప్రసాద్ భరద్వాజ

🌻 29. మహర్షి దేవాపి సాన్నిధ్యము - 2 🌻

ఒకరోజు, నేనిట్లే నా ఉపన్యాసము ముగిసిన పిదప డంబమును ప్రదర్శించుచుండగా, ఆమె నా దగ్గరకు వచ్చి కన్నులలో కళ్ళు పెట్టి సూటిగ చూచుచూ యిట్లనెను.

“భగవంతుని సామ్రాజ్యము చేరుటకు, ఆయన అంతఃపురమున ప్రవేశించుటకు 12 ద్వారములు కలవని నీవెప్పటికైనను గమనించినచో నేను సంతోషింతును. ప్రపంచమున అన్ని జాతుల వారునూ, అన్ని మతముల వారునూ ఏదో ఒక ద్వారము గుండా దైవగృహ ప్రవేశము చేయగలరు.

అందరునూ నీవు తెలుపు ద్వారము ననే ప్రవేశింతురని అనుకొనుట పసితనము. నీవు చేయు ప్రసంగము లన్నియూ బజారులో ఎలుగెత్తి అరచుట వంటివి. అంతకు మించిన

విలువ వాటికి లేదు.

దైవము ఎన్నియో రకములుగ జీవులను తన దరి జేర్చుకొనునని నీకు తెలియుట ముఖ్యము.” మా వంట మనిషి తీక్షణమైన చూపులతో ఇట్లు పలుకగా ఆ చూపుల నుండి నేను నా గురుదేవులు దేవాది మహర్షి సాన్నిధ్యమును అనుభవించితిని.

సశేషం...

🌹 🌹 🌹 🌹 🌹


25 Feb 2021