మాస్టర్ ఇ.కె సందేశాలు - 4

🌹. మాస్టర్ ఇ.కె సందేశాలు - 4 🌹

🌻. భాగవతము 3-203.🌻
✍️. మాస్టర్ ఎక్కిరాల కృష్ణమాచార్యలు

📚. ప్రసాద్ భరద్వాజ

ఈ సమస్త సృష్టిని కల్పించి, పాలించి , లయమొంద జేయుటలో భగవంతుడు ప్రదర్శించు ఆకారములే వాని దివ్యావతారములు. వానిని దర్శించుట దేవుని పాదపద్మములను స్మరించు భక్తులకే లభ్యము.

అటుగాక పుత్రులని, భార్యయని, మిత్రులని సంబంధములు మనస్సున ఏర్పరచుకొని, వానిచే బంధింపబడి, ఈ సంబంధముల కోసమై చెడ్డపనులు చేయుచు దేహములు అను ఇండ్లలో పడియుందురు.

వారిలో గూడ నీవంతర్యామియై యున్నావు. అయినను నీ అస్తిత్వమును వారికి ప్రసాదింపవు. ఇంద్రియముల మూలమున బాహ్య ప్రపంచమును చూచి అందు వర్తించువారు మూఢులు. ( బాహ్య ప్రపంచమున గూడ నున్నది భగవంతుడే అని తెలియని వారు.).

వారు ఆత్మజ్ఞానము నొందలేరు. ఆత్మజ్ఞానము నొందినవారిని గూడ గ్రహింపలేరు. అయినను ఆత్మజ్ఞానులు తమ చుట్టునున్న దుష్టులను చూడక వారియందున్న భగవంతునే చూతురు.

🌹 🌹 🌹 🌹 🌹


27 Mar 2021