✍️. సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 38. మహర్షి దేవాపి సాన్నిధ్యము - 12 🌻
“శ్రీమతి బెయిలీ గారూ! మీ రెవరు? మీ రేమి చేయు చుందురు? మనమిదివరకు కలసినపుడు కూడా మీ గురించి నా కేమీ తెలుపలేదు. మిమ్ము గూర్చి మాకేమీ తెలియదు." అనిరి. నే నిట్లు పలికితిని, "నే నొక సామాన్య స్త్రీని, జన్మతః ఆంగ్లేయురాలను. ప్రస్తుతం అమెరికా దేశస్థురాలను. సామాన్యుల గూర్చి ఎవరికి మాత్రము ఏమి తెలియును? నా గురించి మీ కేమీ తెలియకపోవుట సహజము.
చెప్పుకొనుటకు కూడా నేను ఏ ప్రత్యేకతలూ లేని దానిని. నేను సంఘమున ఒక అజ్ఞాత వ్యక్తిని.” రాజుగారు మౌనముగా తలయూపి, నేనేమయినా కోరినచో తన సహచరులతో దానిని తప్పక నిర్వర్తించగలనని తెలిపి వెడలి పోయిరి. అటుపైన మామధ్య పరిచయము పెరిగినది.
ఒక రోజున కలిసి కారులో ప్రయాణము చేయుచుండగా అకస్మాత్తుగా రాజుగారు నావంక ప్రేమపూర్వకముగా చూసి, “శ్రీమతి బెయిలీ! నాకు కూడా జ్వాల కూల్ మహర్షిగారు వ్యక్తిగతముగా తెలియునని మీకు తెలుపు చున్నాను. ఈ వార్త మీకేమైనా సంతోషము కలిగించునా?” అని చిరునవ్వు నవ్విరి.
మరల బిత్తరపోవుట నావంతైనది. అప్రయత్న ముగ నిఠారుగ కూర్చొని “యస్ సర్” అని పలికితిని. ఒక క్షణమాగి “మీరు తెలిపిన వార్త నన్ను ఆశ్చర్యపరచుటయే గాక, హృదయమును తబ్బిబ్బు చేయుచున్నది. నా ఆనందమునకు అవధులు లేవు. మీరు మరల మరల నన్ను కలియుటలో యింత గంభీరమైన ఆంతర్యము కలదని నేనూహించలేదు. ఎంతైననూ మీరు గంభీరులు.” అని పలికితిని.
పరమగురువుల అనుయాయులందరూ గంభీరులే! పవిత్ర విషయములు రహస్యముగ నుంచగలిగినవారే వారి మార్గాను యాయులు కాగలరు అని తెలిపిరి. వారికే గురుసాన్నిధ్యము అందిన ఫలము.
సశేషం...
🌹 🌹 🌹 🌹 🌹
15 Mar 2021
No comments:
Post a Comment