🌹. నిర్మల ధ్యానాలు - ఓషో - 11 🌹
✍️. సౌభాగ్య
📚. ప్రసాద్ భరద్వాజ
🍀. అస్తిత్వం స్పందించే తత్వంతో వున్నపుడు మాత్రమే నీకు అన్నీ యిస్తుంది. 🍀
మనుషులు గట్టిపడి వుంటారు. జీవితం వాళ్ళు బండబారి వుండేలా వాళ్ళను తయారుచేసింది. ఎందుకంటే జీవితం వాళ్ళని యుద్ధానికి సిద్ధం చేసింది. క్రమక్రమంగా వాళ్ళు తమ లోపలి మృదుత్వాన్ని కోల్పోయారు. రాతిలాంటి మనిషి చనిపోయిన వాడి కిందే లెక్క అతనికి పేరుంటుంది. అతను నిజంగా జీవించడు. నిజమైన జీవితం మృదుత్వంలో, ప్రతిస్పందించే గుణంలో, మనసు విప్పడంలో వుంది.
అస్తిత్వం గురించి భయపడకు. ఉనికి నిన్ను ప్రేమిస్తుంది. నీ గురించి జాగ్రత్త తీసుకుంటుంది అస్తిత్వంతో ఘర్షించాల్సిన పన్లేదు. నీ వూహకందని, నువ్వు అడిగిన దానికి మించి నీకందిస్తుంది.
ఐతే నువ్వు మృదువుగా వున్నపుడు, స్పందించే తత్వంతో వున్నపుడు మాత్రమే నీకు అన్నీ యిస్తుంది. అనంత అణుమార్గాల గుండా నువ్వు ఆహ్వానం పలికినపుడే అస్తిత్వం అన్ని దిక్కుల గుండా నీలోకి వస్తుంది. భయపడకు, భయపడాల్సిన పన్లేదు. మనం దానికి సంబంధించిన వాళ్ళమే. అది మనకు సంబంధించిదే!
సశేషం ...
🌹 🌹 🌹 🌹 🌹
02 May 2021
No comments:
Post a Comment