శ్రీ లలితా చైతన్య విజ్ఞానము - 319 -2 / Sri Lalitha Chaitanya Vijnanam - 319-2

🌹. శ్రీ లలితా చైతన్య విజ్ఞానము - 319 -2 / Sri Lalitha Chaitanya Vijnanam - 319-2 🌹

సహస్ర నామముల తత్వ విచారణ

✍️. సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ

మూల మంత్రము :

🍁. ఓం ఐం హ్రీం శ్రీం శ్రీమాత్రే నమః 🍁

🍀 72. రమా, రాకేందువదనా, రతిరూపా, రతిప్రియా ।
రక్షాకరీ, రాక్షసఘ్నీ, రామా, రమణలంపటా ॥ 72 ॥ 🍀

🌻 319-2. 'రామా' 🌻

సృష్టించుట యందు ఆసక్తి కలిగినపుడు శ్రీమాత సృష్టి చేయును. అట్లే వృద్ధి చేయును. ఆమె ఆసక్తి అనాసక్తిగ మారినచో సమస్తము హరింపబడును. ఆమె ఆసక్తి తిరోధానము చెందినపుడు సృష్టి క్రమముగ లయమగు చుండును. శివుని యందు అర్ధభాగమైన శ్రీదేవి జీవుల యందు ఆసక్తిగ యున్నప్పుడు క్రమముగ ఏడు లోకములు సృష్టించును. మరల ఆమె శివుని పర్యంకమున చేరదలచినచో లోకములన్నియు ఆమె యందు క్రమముగ అదృశ్యమగును. ఆమె శివుని యందు చేరి రమించును. శ్రీమాత గొప్పతన మేమనగ ఆమె సృష్టి నిర్మాణమున సృష్టి యందు రమించుచునే యుండును. సృష్టి యందన్ని దశల యందు ఆనందించు చుండును. అట్లే శివునియందు కూడ రమించుచు శాశ్వతముగ నుండు నది శ్రీదేవి.

జీవుల యందు ఈశ్వర స్థితి యగు సహస్రారము నుండి మూలాధారము చేరుట వలన జీవులకు రూప మేర్పడుచున్నది. రూపస్తులైన జీవులు ప్రపంచమున వివిధమగు విషయములను ఆనందించు చున్నారు. వారికి ఈశ్వరుని యందు ఆసక్తి కూడ కల్పించునది శ్రీమాతయే. అపుడా జీవులను భక్తి మార్గమున నిలపి సహస్రారమును చేర్చుట కూడ శ్రీమాతయే నిర్వర్తించు చున్నది. అంతటిని ఆసక్తితో, ఆనందముతో, అమితానందముతో నిర్వర్తించు దేవి కనుక ఆమెయే రామా శబ్దమునకు తగినది. ఆమె తత్త్వమే రామకృష్ణాదులలో పదహారు కళలుగ దిగి వచ్చుటచే శ్రీరాముడు, శ్రీకృష్ణుడు మునులకు, యోగులకు, స్త్రీలకు, సర్వజనులకు దర్శన మాత్రమున ఆనందము కలిగించినారు.

సశేషం...

🌹 🌹 🌹 🌹 🌹



🌹 Sri Lalitha Chaitanya Vijnanam - 319-2 🌹

1000 Names of Sri Lalitha Devi

✍️. Ravi Sarma
📚. Prasad Bharadwaj

🌻 72. Rama rakenduvadana ratirupa ratipriya
Rakshakari rakshasaghni rama ramanalanpata ॥ 72 ॥ 🌻

🌻 319-2. Rāmā रामा (319)🌻

She is the embodiment of women. Liṅga Purāṇa says that all men are Śaṃkara (Śiva) and all women are Śaktī. It is also said that women should be respected. If they are ill-treated, their lineage would be destroyed. Ram means to delight. It is agni bīja (रं).

Agni bīja is considered as a potent bīja and when combined with other bīja-s, it increases their potency. Bīja-s in right combination with agni bīja provides blessedness. Yogi-s enjoy when they are submerged in bliss, when Śaktī and Śiva unite at sahasrāra. They are delighted in the stage of bliss, hence she is known as Rāmā.

(Lord Rāmā is the delight of yogis; hence He is known as Rāmā.)


Continues...

🌹 🌹 🌹 🌹 🌹


12 Nov 2021