🌹. నిర్మల ధ్యానాలు - ఓషో - 95 🌹
✍️. సౌభాగ్య
📚. ప్రసాద్ భరద్వాజ
🍀. సరిహద్దు ఏదయినా నిన్ను చెరసాలలో బంధిస్తుంది. నీ శారీరక, మానసిక సరిహద్దులు అదృశ్యమయి నప్పుడు నువ్వొక అనంత సముద్రంలో అడుగిడుతావు. నదిలా వుండు, ప్రవహించు, అనుబంధం కలిగించుకోకు. సరిహద్దుకు లొంగితే నీటి గుంటగా మారుతావు. నీటిగుంట సముద్రాన్ని చేరలేదు. 🍀
సరిహద్దు ఏదయినా నిన్ను చెరసాలలో బంధిస్తుంది. బంధనాల్ని తెంచుకోవాలి. ఎట్లాంటి సరిహద్దులు లేని చోటికి నువ్వు చేరినపుడు, సరిహద్దులు మాయమయినపుడు, నువ్వు ఎట్లాంటి నిర్ణయం లేకుండా వుంటావు. నీ శారీరక, మానసిక సరిహద్దులు అదృశ్యమయి నువ్వొక అనంత సముద్రంలో అడుగిడుతావు.
కాబట్టి దేనికీ అతుక్కుపోవాల్సిన పన్లేదు. దేనితోనూ అనుబంధం అవసరం లేదు. నీ ప్రవాహాన్ని ఏదీ అడ్డుకోదు. నదిలా మిగుల్తావు. అది ఎన్నో పర్వతాల గుండా , అరణ్యాల గుండా, లోయల గుండా సాగుతుంది. సముద్రాన్ని చేరే పర్యంతం సాగుతుంది. నదిలా వుండు, ప్రవహించు, అనుబంధం కలిగించుకోకు. సరిహద్దుకు లొంగితే నీటి గుంటగా మారుతావు. నీటిగుంట సముద్రాన్ని చేరలేదు. నది సముద్రాన్ని చేరుతుంది.
సశేషం ...
🌹 🌹 🌹 🌹 🌹
16 Nov 2021
No comments:
Post a Comment