🌹. నిర్మల ధ్యానాలు - ఓషో - 152 🌹
✍️. సౌభాగ్య
📚. ప్రసాద్ భరద్వాజ
🍀. జీవితం నీకు రెండు రకాలయిన అవకాశాల్ని యిస్తుంది. అది నీకు పగలు నిస్తుంది. అది నీకు రాత్రి నిస్తుంది. అదెప్పుడూ సమతూకంగా వుంటుంది. ఏది నువ్వు ఎంచుకుంటావో అదే నీకు కనబడుతుంది. 🍀
మనం దు:ఖాల్లో మునిగి తేలడానికి చాలా కష్టపడుతూ వుంటాం. జనం ఆ విషయాన్ని గుర్తించరు. ఆ విషయం గుర్తిస్తే వాళ్ళు నవ్వుకుంటారు. ఎప్పుడూ వీలయినన్ని మార్గాల్లో బాధల్ని కొని తెచ్చుకుంటూ వుంటారు. చిన్న అవకాశాన్ని కూడా వదిలిపెట్టరు. వాళ్ళు తమకి బాధల్ని అందించే ప్రతి దానిలోకి దూకుతారు. ఈ పద్ధతి మార్చుకోవాలి. జీవితం నీకు రెండు రకాలయిన అవకాశాల్ని యిస్తుంది. అది నీకు పగలు నిస్తుంది. అది నీకు రాత్రి నిస్తుంది. అది నీకు గులాబీల నిస్తుంది. అది నీకు ముళ్ళనిస్తుంది. అది నీకు రెండు రకాలయిన అవకాశాల్ని యిస్తుంది.
అదెప్పుడూ సమతూకంగా వుంటుంది. ఎప్పుడూ ఫిఫ్టీ, ఫిఫ్టీగా వుంటుంది. నువ్వు ఏ అవకాశాన్ని ఉపయోగించు కుంటున్నావన్న దాని మీద ఆధారపడి ఉంటుంది. అక్కడ జరిగే అద్భుతమేమిటంటే నువ్వు ముళ్ళను ఎంచుకుంటే అక్కడ పూలు అదృశ్యమవుతాయి. కారణం నీ మనసు ముళ్ళకే అతుక్కుని వుంటుంది. నీకు ముళ్ళు మాత్రమే కనిపిస్తాయి. పూలని కోల్పోతావు. అసలు వాటిని గుర్తించనే గుర్తించవు. అట్లాగే పూలను ఎన్నుకొన్న వాడి పరిస్థితి కూడా అదే అతను ముళ్ళను మరిచిపోవడం ప్రారంభిస్తాడు. అసలు ముళ్ళే అతనికి కనిపించవు. అతను ఎంత పాజిటివ్ గా ఆశావహంగా చూస్తాడంటే అతని దృష్టి పూర్తిగా భిన్నంగా వుంటుంది.
సశేషం ...
🌹 🌹 🌹 🌹 🌹
18 Mar 2022
No comments:
Post a Comment