🌹. నిర్మల ధ్యానాలు - ఓషో - 182 🌹
✍️. సౌభాగ్య
📚. ప్రసాద్ భరద్వాజ
🍀. మనసు సమాజానికి చెందింది. ధ్యానం నీకు చెందింది. ధ్యానం వల్ల నువ్వు పూర్తి స్వేచ్ఛగా వుంటావు. మనిషి మనసు నించీ, మంచి చెడ్డల నించీ బయట పడాలి. అప్పుడు నువ్వు హఠాత్తుగా అపారమయిన నిధిని దర్శిస్తావు. 🍀
అహం, కాంక్ష, సిద్ధాంతం, రాజకీయం, మతం యిట్లా ఎన్నో పొరలు అద్దం లాంటి నీ చైతన్యం మనక బారి వుంటుంది. అందులో ఏదీ ప్రతి ఫలించదు. నువ్వు చెయ్యాల్సిందల్లా మసకబారిన అద్దాన్ని, మలిన పడిన అద్దాన్ని శుభ్రం చెయ్యాలి. మనసు నించీ నువ్వు బయటపడాలి. మంచి చెడ్డల నించీ బయట పడాలి.
మనసు సమాజానికి చెందింది. ధ్యానం నీకు చెందింది. ధ్యానం వల్ల నువ్వు పూర్తి స్వేచ్ఛగా వుంటావు. అప్పుడు నువ్వు హఠాత్తుగా అపారమయిన నిధిని దర్శిస్తావు. ఆనంద మార్గాల్ని కనిపెడతావు. అందం, గానం, ఉత్సవం నిన్ను చుట్టు ముడతాయి. ఇది అనంతంగా కొనసాగుతుంది. నీలోని అనంత ఆకాశాన్ని ఆవిష్కరిస్తుంది.
సశేషం ...
🌹 🌹 🌹 🌹 🌹
20 May 2022
No comments:
Post a Comment