🌹. నిర్మల ధ్యానాలు - ఓషో - 226 🌹
✍️. సౌభాగ్య 📚. ప్రసాద్ భరద్వాజ
🍀. అస్తిత్వంలో లోభత్వం లేదు. అది నిరాటంకంగా యిస్తుంది. నువ్వు ఏది చేసినా అది నీకు తిరిగి జరుగుతుంది. వేలరెట్లుగా జరుగుతుంది. నీ దగ్గర ఏమి వుంటే అది యివ్వు. దానివల్ల నువ్వు ఏమీ లేనివాడివి కావు. నువ్వు సంపూర్ణుడవుతావు. 🍀
అస్తిత్వంలో లోభత్వం లేదు. అది నిరాటంకంగా యిస్తుంది. కానీ అది నువ్వు అప్పటికే యిస్తేనే యిస్తుంది. నువ్వు యిచ్చినదాన్ని పదింతలు చేస్తుంది. కాబట్టి ప్రతిదీ నీ మీద ఆధారపడి వుంది. నీకు ఆనందం కావాలంటే ప్రతి ఒక్కరిమీదా ఆనందాన్ని వర్షించు. ప్రతిదాని మీద పరవశాన్ని వర్షించు. ప్రేమ కావాలంటే ప్రేమించు. కోరుకున్నంత మాత్రాన ఏమీ జరగదు. ఆచరించి చూడు. కార్యరూపానికి తీసుకురా.
అప్పుడు నీకు అద్భుతం జరుగుతుంది. నువ్వు ఏది చేసినా అది నీకు తిరిగి జరుగుతుంది. వేలరెట్లుగా జరుగుతుంది. నీ దగ్గర ఏమి వుంటే అది యివ్వు. దానివల్ల నువ్వు ఏమీ లేనివాడివి కావు. నువ్వు సంపూర్ణుడవుతావు. సంపన్నుడివి అవుతావు. అది నీ వూహకందదు. నువ్వు కలలో కూడా వూహించలేవు.
సశేషం ...
🌹 🌹 🌹 🌹 🌹
16 Aug 2022
No comments:
Post a Comment