దేవాపి మహర్షి బోధనలు - 74

🌹. దేవాపి మహర్షి బోధనలు - 74 🌹

✍️. సద్గురు కె. పార్వతి కుమార్
సేకరణ : ప్రసాద్ భరద్వాజ

🌻 55. నూతన శంఖారావము 🌻

అసత్యభాషణము చేయువాని జీవనము ముళ్ళ తివాచీవలె నుండును. దానిపై నడకగాని, పడకగాని సుఖము నీయదు. అసత్యభాషణము, ప్రవర్తనము ఆధారముగ నిర్మింపబడు జీవనము ఎప్పటికప్పుడు పేకమేడవలె కూలుటకు సిద్ధముగ నుండును. అసత్యభాషి తానుచ్చరించు వాక్యములపై విశ్వాసము కలిగి యుండడు. క్రమశః తనపై తనకు విశ్వాసము కోల్పోగలడు.

ప్రస్తుతమున కొందరు వ్యక్తులు, పీఠాధిపతులు, మతములు తామాడిన అసత్యముచే నిర్మించుకొనిన పేకమేడలను నిలుపుకొనుటకు నిర్విరామముగ కృషి చేయుచున్నారు. భయము చెందియున్నారు. ఇట్టివారు మతాధిపతులు గానే కాక శాస్త్రవేత్తలుగను, విద్యావేత్తలుగను, రాజకీయనాయకులుగను పెద్ద పెద్ద పదవుల నలంకరించి యున్నారు.

రాబోవు కాలము కుంభ చైతన్య సంబంధితమగుటచే వీరి ప్రవర్తనము లన్నియు ప్రజల ముందు కాలపురుషుడు ఎండగట్టుట జరుగును. దీనికి నాంది ఉపాసిక (H.P.B.) చేసిన శంఖారావమే.

సశేషం...

🌹 🌹 🌹 🌹 🌹


19 Apr 2021