మాస్టర్ ఇ.కె. గారి సందేశములు - 8

🌹. మాస్టర్ ఇ.కె. గారి సందేశములు - 8 🌹

✍️. సద్గురు ఇ. కృష్ణమాచార్యులు
సంకలనము : వేణుమాధవ్
📚. ప్రసాద్ భరద్వాజ

🌻. నిత్యదినచర్య- యోగసాధన 🌻

ఉన్నత స్థితి రావాలంటే‌ దినచర్యను క్రమబద్ధం చేసికోవాలి. వేకువజాము దేవతాప్రజ్ఞలు మనతో అనుసంధానం పొందే పుణ్య సమయం. అపుడే మేల్కొనాలి. వీలున్నంత వరకు ఒకే సమయం.... ముఖ్యంగా సంధ్యా సమయంలో ప్రార్థన చేయాలి. సూర్యాత్ముని అనుగ్రహం వెలుగుగా మన యందు వర్థిల్లాలి కదా.

అసలు నిద్రలోంచి నేల పైకి కాలు పెట్టే ముందే, తన చుట్టూ జీవులంతా అంతర్యామి స్వరూపులే అని, వాని ఆరాధనమే తనకు అనుగ్రహింపుమని గురువును వేడుకోవాలి.

అలాగే నిద్రలోకి జారే ముందు కూడ, గురువును స్మరించి, తనకు పవిత్రతను ప్రసాదింపుమని వేడుకోవాలి. నిద్రలో అపుడు సూక్ష్మ శరీరం కూడ శుద్ధంగా ప్రవర్తిస్తుంది.

రోజు చేసే కుటుంబ సంబంధమయిన పనులు, వృత్తి పనులకు అదే సమయం కేటాయించుకోవాలి. చిన్న చిన్న పనులలో సమయపాలన, క్రమశిక్షణ పాటించకపోతే, యోగ సాధనలోపైకి పోలేము.

తన కర్తవ్యాలే గుర్తుండాలి కాని, ఇతరులు చేయవలసినవి చేయలేదని బాధ్యత‌ వారిపై నెట్టరాదు. ....

🌹 🌹 🌹 🌹 🌹


04 Apr 2021