🌹. నిర్మల ధ్యానాలు - ఓషో - 23 🌹
✍️. సౌభాగ్య
📚. ప్రసాద్ భరద్వాజ
🍀. బహుమతికి సిద్ధంగా వుండు. నీలో ఎంతగా స్వీకరించే గుణముంటే అంతగా నువ్వు అందుకుంటావు. 🍀
జీవితంలోని కష్టమయిన విషయం బహుమతిని స్వీకరించడం. కారణం అది ఆహానికి వ్యతిరేకమైంది. ఇవ్వడం సులభం, చాలా చాలా సులభం. స్వీకరించడమన్నది చాలా కష్టమయిన సంగతి. మరీ నీకు అర్హత లేనపుడు స్వీకరించడమన్నది మరీ కష్టం. మనకు అర్హత లేదు. మనం ఆశీర్వాధానికి అర్హులం కాం. కానీ అస్తిత్వం మనకు యిస్తూ పోతుంది. మనకు అర్హత వుందని కాదు.
దాని దగ్గర అనంతంగా వుంది. ఏ క్షణంలో నువ్వు బహుమతిని స్వీకరిస్తావో అస్తిత్వం నీ పట్ల కృతజ్ఞత ప్రకటిస్తుంది. నువ్వు దాన్ని తేలిక పరిచినందుకు, తన దగ్గరున్న కొంత బరువును పంచుకున్నందుకు అది కృతజ్ఞత ప్రకటిస్తుంది. కానీ ఒక విషయం గుర్తుంచుకో. ఒక బహుమతిని స్వీకరించడం చాలా కష్టం. అది అవమానాన్ని అనుభూతి చెందడం లాంటిది. వ్యక్తి ఆందోళనకు గురవుతాడు. గొప్ప ఆనందంతో, ఉత్సవంలో బహుమతిని ఎట్లా స్వీకరించాలో సాధకుడు అన్నవాడు తెలుసుకోవాలి.
ఎందుకంటే నీలో ఎంతగా స్వీకరించే గుణముంటే అంతగా నువ్వు అందుకుంటావు. నువ్వు సంపూర్ణంగా స్వీకరించే తనంతో వుంటే సమస్త స్వర్గం ఈ క్షణం నీలోకి ప్రవహిస్తుంది, అడుగిడుతుంది. ఇపుడు, యిక్కడ, ఈ క్షణం అది జరుగుతుంది. నీ వైపు నించీ జరగాల్సింది ఒక్కటే. నువ్వు బహిరంగంగా వుండు. తెరిచిన తలుపులా వుండు. స్వీకరించడానికి సిద్ధంగా వుండు.
సశేషం ...
🌹 🌹 🌹 🌹 🌹
29 May 2021
No comments:
Post a Comment