🌹. నిర్మల ధ్యానాలు - ఓషో - 70 🌹
✍️. సౌభాగ్య
📚. ప్రసాద్ భరద్వాజ
🍀. నిన్ను చుట్టుముట్టిన సమస్త అస్తిత్వం దైవికమైన శక్తి. అదెప్పుడూ నీకు అందుబాటులో వుంటుంది. కానీ మనం హృదయాల్ని తెరిచి వుంచం. హృదయాన్ని తెరిచి వుంచు. దేవుణ్ణి అందుకుంటావు. 🍀
సమస్త అసిత్వం, నిన్ను చుట్టుముట్టిన సమస్త అస్తిత్వం దైవికమైన శక్తి. అది నిన్ను రక్షిస్తుంది. నీ పట్ల జాగ్రత తీసుకుంటుంది. అదెప్పుడూ నీకు అందుబాటులో వుంటుంది. అది చేజారి పోయిందంటే అది నీ వల్లనే జరుగుతుంది. నువ్వు నీ తలుపులు మూసి వుంటే సూర్యకాంతి బయటనే వుంటుంది. నువ్వు చీకట్లో వుంటావు. ఒక వేళ తలుపులు తెరిచినా సూర్యకాంతి లోపలికి వచ్చినా నువ్వు కళ్ళు మూసుకుంటే చీకట్లోనే వుంటావు.
అదే విషయం దేవుడికి సంబంధించినది అయినా ఆయన ప్రేమ ఎప్పుడూ అక్కడ వుంటుంది. మన హృదయాలే మూసుకుని వుంటాం. హృదయాల్ని తెరిచి వుంచం. హృదయాన్ని తెరిచి వుంచు. దేవుణ్ణి అందుకుంటావు. అప్పుడు నువ్వు అనంతంతో కలిసి స్పందిస్తావు. అప్పుడు ప్రార్థనగా నువ్వు మారుతావు.
సశేషం ...
🌹 🌹 🌹 🌹 🌹
10 Sep 2021
No comments:
Post a Comment