🌹. నిర్మల ధ్యానాలు - ఓషో - 74 🌹
✍️. సౌభాగ్య
📚. ప్రసాద్ భరద్వాజ
🍀. వ్యక్తి కొత్త దాన్ని ప్రేమించడం నేర్చుకోవాలి. లేకుంటే అభివృద్ధికి అవకాశం లేదు. పాతదాన్ని వదులుకునే సాహసమున్నపుడే ఎదుగుదల వుంటుంది. పాతది ప్రతిబంధకం. కొత్తది స్వేచ్ఛనిస్తుంది. సత్యం ఎప్పుడూ కొత్తదే. 🍀
పాతదాన్ని వదులుకోవడం కష్టం. కానీ వదిలేయాలి. ఎందుకంటే అప్పుడే కొత్త దానికి అవకాశముంటుంది. కొత్త దాన్ని అంగీకరించడం కష్టం. కారణం అది మనకు పరిచయం లేనిది. లోపల్లోపల భయపడతాం. కానీ వ్యక్తి కొత్త దాన్ని ప్రేమించడం నేర్చుకోవాలి. లేకుంటే అభివృద్ధికి అవకాశం లేదు. పాతదాన్ని వదులుకునే సాహసమున్నపుడే ఎదుగుదల వుంటుంది. కొత్తదాన్ని ప్రేమించే ధైర్యం వుండాలి. అది ఎప్పుడో ఒకపుడు కాదు ప్రతిక్షణం వుండాలి. ప్రతిసారీ మన తలపును పాతది, కొత్తది కొడుతూ వుంటాయి.
కానీ ప్రతిసారీ విను. కొత్తదాన్ని విను. పాతదాన్ని పట్టించుకోకు. పాతది ప్రతిబంధకం. కొత్తది స్వేచ్ఛనిస్తుంది. సత్యం ఎప్పుడూ కొత్తదే. దేవుడు ఎప్పుడూ తాజాగా వుంటాడు. ఉదయకాంతిలో మంచుబిందువులా తళతళలాడుతూ వుంటాడు.
సశేషం ...
🌹 🌹 🌹 🌹 🌹
20 Sep 2021
No comments:
Post a Comment