నిర్మల ధ్యానాలు - ఓషో - 107

🌹. నిర్మల ధ్యానాలు - ఓషో - 107 🌹

✍️. సౌభాగ్య
📚. ప్రసాద్ భరద్వాజ

🍀. ప్రేమ అన్నది పరిమళం లాంటిది. ఎవరయినా దాన్ని గుర్తించినా గుర్తించకున్నా అది పట్టించుకోదు. ప్రేమ అన్నది నీ లక్షణం కావాలి. నువ్వు ప్రేమిస్తే ఓక రోజు కేవలం ప్రేమగా మారుతావు. అది నీ జ్ఞానోదయమయిన రోజు 🍀

ప్రేమ ప్రత్యేకించి ఎవర్నీ వుద్దేశించి ఉపన్యసించదు. కేవలం ప్రేమిస్తుంది. అది నీ లక్షణం. అనుబంధంతో దానికి సంబంధం లేదు. ప్రేమ అన్నది పరిమళం లాంటిది. ఎవరయినా దాన్ని గుర్తించినా గుర్తించకున్నా అది పట్టించుకోదు. సుదూర హిమాలయాల్లో జన సంచారమే లేని ప్రదేశాల్లో వేల పూలు వికసించి పరిమళాన్ని వెదజల్లుతూ వుంటాయి. హిమాలయాల్లో ఒక లోయ నిండుగా వింత పూలు వుంటాయి. జనం కొంత పైనించి వాటిని చూస్తారు. వెళ్ళరు. ఎందుకంటే ఆక్కడికి వెళ్ళడం ప్రమాదకరం.

జనాలకు ఆ పూల గురించి తెలుసు. కానీ వాటి పరిమళాన్ని ఎవరూ ఆస్వాదించి వుండరు. వాటి వర్ణాలు వూహించదగినవి. ఎందుకంటే అవి ఎంతో దూరంలో వున్నాయి. ఆ విషయం గురించి అవి పట్టించుకోవు . ఆ పూలు ఎంతో అనందంగా వుంటాయి. ప్రేమ అన్నది నీ లక్షణం కావాలి. నువ్వు ప్రేమిస్తే ఒక రోజు నువ్వు కేవలం ప్రేమగా మారుతావు. ప్రేమించడంగా గాక ప్రేమగా మారుతావు. అది నీ గొప్ప రోజు. జ్ఞానోదయమయిన రోజు. ఏ క్షణం మంచుబిందువు మాయమై సముద్రంలో అప్పుడది సముద్రంగా మారుతుంది.

సశేషం ...

🌹 🌹 🌹 🌹 🌹


10 Dec 2021