🌹. నిర్మల ధ్యానాలు - ఓషో - 130 🌹
✍️. సౌభాగ్య
📚. ప్రసాద్ భరద్వాజ
🍀. ఎప్పుడయితే గొప్ప మార్మికుడుంటాడో అతన్ని అనుసరించేవాళ్ళ ఈ రెండు ప్రవాహాలుగా విడిపోతూ వుంటారు. నిజమైన వాళ్ళు గురువుని అర్థం చేసుకునేవాళ్ళు. వాళ్ళు మార్మికులవుతారు. పదాల్ని, మాటల్ని మాత్రమే పట్టుకున్న వాళ్ళు కావలసినంత 'జ్ఞానం' సంపాదించిన వాళ్ళు తాత్వికులవుతారు. 🍀
చైతన్యానికి సంబంధించిన రెండు నదులున్నాయి. ఒకటి తాత్వికులది. రెండోది మార్మికులకు సంబంధించింది. అది పూర్తిగా వేరయిన నది. దానికి తాత్వీకరణతో పని లేదు. అది అస్తిత్వ అనుభవం మీద ఆధారపడింది. అది ఎప్పుడూ వుంది. ఎప్పుడయితే గొప్ప మార్మికుడుంటాడో అతన్ని అనుసరించే వాళ్ళ ఈ రెండు ప్రవాహాలుగా విడిపోతూ వుంటారు. నిజమైన వాళ్ళు గురువుని అర్థం చేసుకునేవాళ్ళు. నిజంగా గురువును ప్రేమించే వాళ్ళు. వాళ్ళు మార్మికులవుతారు. పదాల్ని, మాటల్ని మాత్రమే పట్టుకున్న వాళ్ళు కావలసినంత 'జ్ఞానం' సంపాదించిన వాళ్ళు అవుతారు. వాళ్ళు తాత్వికులవుతారు.
నా మార్గం మార్మిక మార్గం. తాత్విక మార్గం కాదు. నేను ఆనందాన్ని నమ్ముతాను. ఆనంద సిద్ధాంతాల్ని కాదు. మీరూ దాన్ని రుచి చూడాలని కోరుకుంటాను. దాన్ని గురించి ఆలోచించడం కాదు. ముందు ప్రవాహం వుంటే నీటి గురించి ఆలోచిస్తూ గడపడం తెలివితక్కువతనం. నీటి గురించి సిద్ధాంతాలు చెయ్యడం కాదు, నీటిని తాగాలి. దాహం తీర్చుకోవాలి. కాబట్టి ఆలోచించేవాడు కాకండి, ఫిలాసఫర్ కాకండి. మార్మికుడు కండి. నా సన్యాసులు మార్మికులు, అస్తిత్వ మార్మికులు. అది వివేకంలో భాగం.
సశేషం ...
🌹 🌹 🌹 🌹 🌹
02 Feb 2022
No comments:
Post a Comment