శ్రీ లలితా చైతన్య విజ్ఞానము - 307-2 / Sri Lalitha Chaitanya Vijnanam - 307-2

🌹. శ్రీ లలితా చైతన్య విజ్ఞానము - 307-2 / Sri Lalitha Chaitanya Vijnanam - 307-2🌹

సహస్ర నామముల తత్వ విచారణ

✍️. సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ

మూల మంత్రము :

🍁. ఓం ఐం హ్రీం శ్రీం శ్రీమాత్రే నమః 🍁

🍀 71. రాజరాజార్చితా, రాజ్ఞీ, రమ్యా, రాజీవలోచనా ।
రంజనీ, రమణీ, రస్యా, రణత్కింకిణి మేఖలా ॥ 71 ॥ 🍀

🌻 307-2. 'రమ్యా' 🌻

రమ్యగుణ మాధారముగ ఈశ్వరుని నుండి జీవులను విముఖులను చేయుట, మరల ఈశ్వరునికి సుముఖులను చేయునది కూడ శ్రీమాతయే. ఇరువురికిని మధ్యస్థముగ నిలచి సృష్టి పురోగమనమునకు, తిరోధానమునకు కారణమై నిలచును. కనుకనే ఆమెను 'మహామాయ' అని కూడ సంబోధింతురు. సృష్టియం దాకర్షణ లేర్పరచి జీవులను ఈశ్వరునకు దూరము చేయును.

త్రిమూర్తులు సహితము ఆమె యేర్పరచు రమ్యమగు సన్నివేశములలో మునిగి మాయ యందు పడిన సందర్భము లెన్నియో గలవు. జీవుడు ఏ కాలము నందైననూ, ఏ దేశము నందైననూ, ఏ రూపము నందైననూ, ఏ నామము నందైననూ తగులుకొని యుండు టకు రమ్యతే కారణము. తాను అమితాసక్తిని, ఆనందమును పొందు చున్న విషయమును శ్రీమాత అని భావించినచో ఆనందానుభూతియే యుండును గాని దుష్ఫలితము లుండవు.

ఏ యిష్టము లేక జీవుడుండడు. తన యిష్టానుపూర్తి కొరకే జీవించుచు నుండును. ఇష్టము వస్తువుపై నుండవచ్చును, రూపముపై నుండవచ్చును, దృశ్యముపై నుండవచ్చును, భావముపై నుండవచ్చును, సిద్ధాంతముపై నుండవచ్చును. దేనిపైననూ జీవునికి గల యిష్టము అతనియందు గల రమ్య ప్రజ్ఞయే. ఇష్ట మున్నచోట కష్ట మనిపించదు కదా! ఇట్టి ఆసక్తి అనేకానేక విషయములయందు కలుగుట తత్కారణ ముగ వారు జన్మ పరంపరలను పొందుట, జీవించుట జరుగుచున్నది. 'రమ్య' అను పదము శ్రీమాత తత్త్వములలో ఒక అద్భుతమగు తత్త్వము.


సశేషం...

🌹 🌹 🌹 🌹 🌹



🌹 Sri Lalitha Chaitanya Vijnanam - 307 🌹

1000 Names of Sri Lalitha Devi

✍️. Ravi Sarma
📚. Prasad Bharadwaj

🍀 71. rājarājārcitā rājñī ramyā rājīvalocanā |
rañjanī ramaṇī rasyā raṇatkiṅkiṇi-mekhalā || 71 || 🍀

🌻 307. Ramyā रम्या (307) 🌻

She is the most beautiful of all.

Continues...

🌹 🌹 🌹 🌹 🌹



06 Sep 2021