శ్రీ లలితా చైతన్య విజ్ఞానము - 313-1 / Sri Lalitha Chaitanya Vijnanam - 313-1

🌹. శ్రీ లలితా చైతన్య విజ్ఞానము - 313-1 / Sri Lalitha Chaitanya Vijnanam - 313-1🌹

సహస్ర నామముల తత్వ విచారణ

✍️. సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ

మూల మంత్రము :

🍁. ఓం ఐం హ్రీం శ్రీం శ్రీమాత్రే నమః 🍁

🍀 72. రమా, రాకేందువదనా, రతిరూపా, రతిప్రియా ।
రక్షాకరీ, రాక్షసఘ్నీ, రామా, రమణలంపటా ॥ 72 ॥ 🍀

🌻 313-1. 'రమా' 🌻

రమ అనగా శ్రీ- వాణి అని అర్థము. లక్ష్మీ సరస్వతి తత్త్వముల కలయికను రమ తత్త్వముగ సంహితలు తెలుపుచున్నవి. లక్ష్మి అనగా సృష్టి సంపద. సరస్వతి అనగా వాక్ సంపద లేక విద్యా సంపద. ఎక్కడ విద్య వుండునో అక్కడ లక్ష్మి వుండుట అరుదు. ఎక్కడ లక్ష్మి యుండునో అక్కడ సరస్వతి యుండుట కూడ అరుదే. అందు వలన లక్ష్మీ సరస్వతులను అత్తా కోడళ్ళుగ పురాణములు పేర్కొను చుండును.

అమిత ధనవంతులలో విద్యావంతులు అరుదు. అమిత విద్యావంతులలో ధనవంతులు అరుదు. ఇది లోక విదితము. ధన సంపాదనకు విద్యతో సంబంధము లేదు. లోక జ్ఞానమున్న చాలును. లోక జ్ఞానము కలవారు ధనవంతులు కాగలరు. విద్య మేధస్సునకు సంబంధించినది. మేధాబలమునకు అధిష్టాన దేవత సరస్వతి. విద్య యందు రతిగొనువారికి సంపద యందు మోజు ఉండదు. సంపద యందు మోజు గలవారికి విద్యయందు ఆసక్తి యుండదు. సంపద, విద్య ఒకచోట వుండుట వైభవము. ఈ వైభవము శ్రీదేవి అనుగ్రహము. యోగుల యందు కూడ భోగము గలవారు గలరు.


సశేషం...

🌹 🌹 🌹 🌹 🌹



🌹 Sri Lalitha Chaitanya Vijnanam - 313-1 🌹

1000 Names of Sri Lalitha Devi

✍️. Ravi Sarma
📚. Prasad Bharadwaj

🌻 72. Rama rakenduvadana ratirupa ratipriya
Rakshakari rakshasaghni rama ramanalanpata ॥ 72 ॥ 🌻

🌻 313. Ramā रमा (313)-1 🌻

Ramā means Lakṣmī, (consort of Viṣṇu) the goddess of wealth. She is in the form of Lakṣmī and bestows wealth on Her devotees. The wealth indicates both materialistic wealth and spiritual wealth. Nāma-s 313, 314 and 315 together form kāmakalā bīja ‘ īm‌ ’ (ईँ). This nāma gives the alphabet ‘Ī’ (ई).


Continues...

🌹 🌹 🌹 🌹 🌹


16 Oct 2021