నిర్మల ధ్యానాలు - ఓషో - 122-1

🌹. నిర్మల ధ్యానాలు - ఓషో - 122-1 🌹

✍️. సౌభాగ్య
📚. ప్రసాద్ భరద్వాజ

🍀. ఆనందమన్నది ఒకే ఒక మార్గం ద్వారా సాధ్యం. అది చైతన్యం ద్వారా, స్పృహ ద్వారా మాత్రమే వీలవుతుంది. నువ్వెంత చైతన్యంతో వుంటే అంత ఆనందంగా వుంటావు. 🍀

మనిషి అన్ని మార్గాల గుండా ఆనందాన్ని అందుకోవడానికి చూస్తాడు. ధనాన్ని సంపాదించడం ద్వారా, అధికారాన్ని అందుకోవడం ద్వారా, గౌరవాన్ని అందుకోవడం ద్వారా జ్ఞానాన్ని సంపాదించడం ద్వారా ఆనందాన్ని అందుకోవాలని ఆరాటపడతారు. కానీ యివన్నీ ఫలితాన్నివ్వవు. వైఫల్యాన్నందిస్తాయి. అవేవీ మీకు ఆనందాన్ని యివ్వలేవు. కేవలం ఆనందమన్నది ఒకే ఒక మార్గం ద్వారా సాధ్యం. అది చైతన్యం ద్వారా, స్పృహ ద్వారా మాత్రమే వీలవుతుంది.

నువ్వెంత చైతన్యంతో వుంటే అంత ఆనందంగా వుంటావు. పరవశంగా వుంటావు. ఎంత తక్కువ స్పృహతో వుంటే అంత దు:ఖంలో వుంటావు. అచేతన ఎంతగా మాయమై చేతన ఎంతగా విస్తరిస్తే, విశాలమయితే నువ్వు మరింత మరింత పరవశాన్ని అందుకుంటావు. నువ్వు పువ్వులా విచ్చుకోవడం మొదలుపెడతావు. మనం మొగ్గల్లా ముడుచుకుని వుంటాం. పరవశం వస్తే మనం పువ్వుల్లా విచ్చుకోవడం ఆరంభిస్తాం.


సశేషం ...

🌹 🌹 🌹 🌹 🌹


11 Jan 2022