🌹. మైత్రేయ మహర్షి బోధనలు - 98 🌹
✍️. రచన : సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 79. మహాత్ముల పని -2 🌻
స్థూలదృష్టికి సూక్ష్మమగు మార్పులు తెలియవు. చప్పుడు కలవాటు పడిన వారికి నిశ్శబ్దము యొక్క మహాత్మ్యమెట్లు తెలియ గలదు? నేర్పుతో ప్రసంగములు చేయువారు ఆకర్షించినట్లుగ మౌనులు ఆకర్షింపగలరా? ప్రపంచము మేళతాళములను, ఆడంబరములను మాత్రమే గుర్తించును గాని, పూవు వికసించుట, నీటి బొట్టు ముత్యమగుట, పూత పిందె వేయుట గమనించ లేరు కదా!
మహాత్ము లొనర్చిన కార్యములన్నియు జీవపరిణామమునకు తోడ్పాటు గావించుచునే యున్నవి. వారి కార్యములు సూక్ష్మతరములు. వాని ప్రభావము స్థూలబుద్ధి గల వారి అవగాహనకు అందుట తరము కాదు. అపహాస్యము చేయుటయే వారి వంతు. వారిని సైతము ఉద్ధరించుటయే మహాత్ముల పని.
సశేషం.....
🌹 🌹 🌹 🌹 🌹
03 Apr 2022
No comments:
Post a Comment