✍️. శ్రీ బాలగోపాల్
📚. ప్రసాద్ భరద్వాజ
🌻. భగవంతుని ఎనిమిదవపాత్ర - ఏడవ భూమిక - బ్రహ్మీభూతుడు. - 8 🌻
531. భగవంతుని చైతన్యస్థితియే - పరమాత్మ.
532. భగవంతుడు, తాను పరాత్పరునిగా శాశ్వతుడనైయున్నానని, తన అస్తిత్వమును ఎఱుకతో అనుభవించుటయే పరమాత్మస్థితి. ఈ సత్యానుభవము ఒకసారి ప్రాప్తించినచో అది శాశ్వతముగా నిలిచి యుండును.
533. పరమాత్మలో నున్న ఆత్మ జీవాత్మయై, సంస్కారముల నుండి ముక్తి పొంది, పరమాత్మలో, శివాత్మయైనది. పరమాత్మలో లీనమై పరమాత్మతో తాదాత్మ్యత చెంది, తాను పరమాత్మనని అనుభూతి నొందుచున్నది.
534. 'పరమాత్మయే ఆత్మ' అన్నది శాశ్వత సత్యము.
535. ప్రశ్న:- వాస్తవికముగా ఆత్మయే పరమాత్మ అయితే, ఆత్మకు అప్పుడు పరమాత్మలో లీనము కావలెనెడి పరిస్థితి దానికెట్లు కలుగుచున్నది?
జవాబు:- వాస్తవమునకు ఆత్మయే పరమాత్మయని గ్రహించుటకై మనము పరమాత్మను అనంత అపార సాగరముతో పోల్చుకొందము.
సశేషం...
🌹 🌹 🌹 🌹 🌹
22 Dec 2020
No comments:
Post a Comment