🌹. నిర్మల ధ్యానాలు - ఓషో - 38 🌹
✍️. సౌభాగ్య
📚. ప్రసాద్ భరద్వాజ
🍀. ప్రతిదాన్ని పరవశంగా ప్రేమించు. ఏమీ కాని దాన్ని, ఏమీ లేని దాన్ని కూడా ప్రేమించు. దేవుడు నీకు ప్రతిచోటా ప్రత్యక్షమవుతాడు. 🍀
ప్రేమ శక్తిలోకి ప్రవేశించి నిన్ను నువ్వు అదృశ్యం చేసుకో. ప్రేమశక్తిగా పరివర్తించు. ఏదో ఒక దాన్ని కాదు. ప్రతిదాన్ని పరవశంగా ప్రేమించు. ఏమీ కాని దాన్ని, ఏమీ లేని దాన్ని కూడా ప్రేమించు. ప్రేమించడానికి నీ ముందు ఏదో వస్తువు, వ్యక్తీ వుండాల్సిన పన్లేదు. ఏమీ లేకున్నా ప్రేమించు. ప్రేమ అన్నది నీ నించీ పొంగిపొర్లేది. పెల్లుబికే శక్తి.
నువ్వు నిశ్శబ్దంగా నీ గదిలో ఒంటరిగా కూచుంటే నీ గదంతా ప్రేమశక్తితో నిండిపోనీ. నీ చుట్టూ ప్రేమ వలయం ఏర్పడనీ. నువ్వు చెట్లకేసి చూస్తే చెట్లని ప్రేమిస్తావు. నక్షత్రాల కేసి చేస్తే నక్షత్రాలనీ ప్రేమిస్తావు. నువ్వు ప్రేమవి. అంతే! కాబట్టి నువ్వు ఎక్కడ వున్నా ప్రేమని కుమ్మరిస్తూ వెళ్ళు. రాళ్ళపై కూడా ప్రేమని వర్షింస్తూ వెళ్ళు. ఒకసారి నువ్వు రాళ్ళపై వర్షిస్తే అవి ఎంతో కాలం రాళ్ళుగా వుండవు. కలిగి పూలవుతాయి. ప్రేమ అట్లాంటి అద్భుతాల్ని సృష్టిస్తోంది. ప్రేమ యింద్రజాలం అది ప్రతిదాన్నీ ఆత్మీయంగా పరివర్తింపజేస్తుంది. నువ్వు ప్రేమగా మారితే అస్థిత్వం నీ ప్రియురాలవుతుంది. అస్తిత్వం దైవంగా మారుతుంది.
ప్రేమ లేకుండా జనం అన్వేషిస్తారు. పరిశోధిస్తారు. వాళ్ళ ఎట్లా అందుకుంటారు. వాళ్ళకు అవసరమయింది లేదు. స్థల కాలాలు లేవు. ప్రేమని సృష్టించు, దేవుణ్ణి గురించి మరిచిపో. హఠాత్తుగా ఒక రోజు దేవుడు నీకు ప్రతిచోటా ప్రత్యక్షమవుతాడు.
సశేషం ...
🌹 🌹 🌹 🌹 🌹
30 Jun 2021
No comments:
Post a Comment